భారత్‌లో రెనాల్ట్ డస్టర్ టర్బో పెట్రోల్ లాంచ్ ; ధర & ఇతర వివరాలు

రెనాల్ట్ డస్టర్ టర్బో-పెట్రోల్ మొత్తం మూడు వేరియంట్లలో అందుబాటులో ఉంది. అవి ఆర్ఎక్స్ఇ, ఆర్ఎక్స్ఎస్ మరియు ఆర్ఎక్స్ జెడ్ వేరియంట్లు. కంపెనీ దీనిని మాన్యువల్ మరియు సివిటి వేరియంట్లలో తీసుకువచ్చింది, అయితే మూడు వేరియంట్లలో మాన్యువల్ స్టాండర్డ్ గా ఉంటుంది. సివిటిని మాత్రం ఆర్ఎక్స్ఎస్ మరియు ఆర్ఎక్స్ జెడ్ లో అందుబాటులో ఉంచారు.

రెనాల్ట్ డస్టర్ టర్బో సివిటి వేరియంట్ ప్రారంభ ధర రూ. 12.49 లక్షల (ఎక్స్-షోరూమ్) వద్ద లభిస్తుంది. రెనాల్ట్ డస్టర్ టర్బో మొట్టమొదట ఫిబ్రవరిలో ఆటో ఎక్స్‌పో 2020 లో ప్రవేశపెట్టబడింది. ఇప్పుడు మార్కెట్లో విడుదల చేయబడింది. డెలివరీ త్వరలో ప్రారంభమవుతుంది.

MOST READ:ముంబై నుండి చెన్నైకి 1,350 కి.మీ నడిచిన వృద్ధుడు, ఇతని కథ వింటే మీకు కన్నీళ్లు వస్తాయి

రెనాల్ట్ డస్టర్ టర్బో 1.3 లీటర్ ఫోర్ సిలిండర్ టర్బోచార్జ్డ్ పెట్రోల్ ఇంజిన్‌తో పనిచేస్తుంది. ఇది 156 బిహెచ్‌పి శక్తిని మరియు 254 ఎన్ఎమ్ టార్క్ ఉత్పత్తి చేస్తుంది. మెరుగైన పనితీరును అందించడానికి ఇందులో గ్యాసోలిన్ డైరెక్ట్ ఇంజెక్షన్, డ్యూయల్ వేరియబుల్ వాల్వ్ టైమింగ్ వంటి ఆధునిక సాంకేతిక పరిజ్ఞానంతో ఈ ఇంజిన్ తీసుకురాబడింది.

రెనాల్ట్ డస్టర్ టర్బోలో 6-స్పీడ్ మాన్యువల్ మరియు 7 స్పీడ్ ఎక్స్-ట్రోనిక్ సివిటి గేర్‌బాక్స్ ఎంపిక ఉంది. డస్టర్ యొక్క టర్బో మాన్యువల్ వెర్షన్ 16.5 కిమీ / లీటర్ మైలేజ్ మరియు సివిటి వెర్షన్ 16.42 కిమీ / లీటర్ అందిస్తుందని కంపెనీ పేర్కొంది.

MOST READ:చిన్న నిర్లక్ష్యం ఎంత పెద్ద ప్రమాదానికి కారణమవుతుందో చూడండి

రెనాల్ట్ డస్టర్ టర్బోలో గ్రిల్‌పై రెడ్ ఇన్సర్ట్‌లు, ఫాగ్ లాంప్ పాడ్‌లు, డోర్ సిల్‌పై రెడ్ వీల్ సెంటర్ క్యాప్స్ మరియు శాటిన్ క్రోమ్ ఉన్నాయి. దీనిలో ఎల్‌ఈడీ డీఆర్‌ఎల్‌లు, ప్రొజెక్టర్ హెడ్‌ల్యాంప్‌లు, ఎల్‌ఈడీ టెయిల్ లైట్లు, వెనుక భాగంలో టర్బో బ్యాడ్జింగ్ వంటివి ఉన్నాయి.

రెనాల్ట్ డస్టర్ టర్బోలో పుష్ బటన్ స్టార్ట్, 8 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, రెండు ఎయిర్‌బ్యాగులు, ఎలక్ట్రానిక్ స్టెబిలిటీ ప్రోగ్రామ్, హిల్ స్టార్ట్ అసిస్ట్, క్రూయిజ్ కంట్రోల్ మొదలైనవి ఉన్నాయి. దీనిలో 17 అంగుళాల అల్లాయ్ వీల్స్ ఇందులో వ్యవస్థాపించబడ్డాయి.

MOST READ:ఆసియా బుక్ ఆఫ్ రికార్డ్స్‌లో చోటుదక్కించుకున్న 7 ఏళ్ల బుడతడు.. ఇంతకీ ఏంటో అతని ప్రత్యేకత తెలుసా ?

రెనాల్ట్ డస్టర్ ఒక ప్రముఖ ఎస్‌యూవీగా మారిందని, దేశవ్యాప్తంగా పలు డస్టర్ ఫ్యాన్ క్లబ్‌లు ఉన్నాయని, లక్షకు పైగా రిజిస్టర్డ్ సభ్యులు ఉన్నారని కంపెనీ తెలిపింది. AMC ప్యాకేజీని కలిగి ఉన్న కొత్త 1.3 లీటర్ డస్టర్‌కు అప్‌డేట్ చేసిన తర్వాత రెనాల్ట్ ఇప్పటికే ఉన్న డస్టర్ కస్టమర్లకు అనేక ప్రత్యేక ప్రయోజనాలను తెచ్చిపెట్టింది. ఇది చూడటానికి ఆకర్షణీయంగా ఉండటమే కాకుండా వాహనదారులకు చాలా అనుకూలంగా కూడా ఉంటుంది.