కేవలం రూ.5,999 ఈఎమ్ఐకే టాటా నెక్సాన్ - వివరాలు

వాయిదాలు ప్రారంభించిన తేదీ నుండి మొదటి ఆరు నెలలకు తక్కువ ధర ఈఎమ్ఐ వర్తిస్తుంది. రుణ పదవీకాలం ఐదేళ్ళకు నిర్ణయించబడుతుంది మరియు రుణాన్ని తిరిగి చెల్లించే వ్యవధిలో ఈ మొత్తం పెరుగుతూనే ఉంటుంది.

రుణ పదవీకాలం ముగిసే సమయానికి, టాటా మోటార్స్ తమ వినియోగదారులకు వాహన యాజమాన్య సౌలభ్యాన్ని మరింత సులభతరం చేసేందుకు మిగిలిన మొత్తాన్ని తిరిగి ఫైనాన్స్ (రీ-ఫైనాన్స్) చేయడానికి కూడా అవకాశం కల్పిస్తోంది. కొత్త ఈఎమ్ఈ పథకం మాత్రమే కాకుండా, జీరో-డౌన్ చెల్లింపుతో వినియోగదారులకు 100 శాతం ఆన్-రోడ్ ఫండింగ్‌ను కూడా కంపెనీ అందిస్తోంది.

MOST READ:భారతదేశంలో దయనీయ స్థితిలో ఉన్న రోల్స్ రాయిస్ లగ్జరీ కార్లు, ఇవే

అంతేకాకుండా, టాటా మోటార్స్ తమ ప్రోడక్ట్ లైనప్‌లో ఎంపిక చేసిన మోడళ్లపై ఆరు నెలల పాటు ఈఎమ్ఐ మినహాయింపును కూడా అందిస్తోంది. ఈ పథకాన్ని ఎంచుకునే కస్టమర్‌లు అసలు మొత్తాన్ని చెల్లించాల్సిన అవసరం లేదు, కాకపోతే ఆ సయమానికి వారు నామమాత్రపు వడ్డీ మొత్తాన్ని చెల్లించాల్సి ఉంటుంది.

ప్రస్తుతం మార్కెట్లో టాటా నెక్సాన్ ధరలు రూ.6.99 లక్షల నుంచి రూ.12.70 లక్షల మధ్యలో (ఎక్స్-షోరూమ్) ఉన్నాయి. దేశంలో కొనసాగుతున్న కోవిడ్-19 మహమ్మారి కారణంగా, టాటా మోటార్స్ కొనుగోలుదారులకు యాజమాన్యాన్ని సులభంగా అందించాలని మరియు వివిధ రకాల ఫైనాన్స్ పథకాలతో కొనుగోలు నిర్ణయం తీసుకోవడంలో సహాయపడాలని లక్ష్యంగా పెట్టుకుంది.

MOST READ:పోలీసులతో గొడవపడిన జొమాటో డెలివరీ గర్ల్, తర్వాత ఏం జరిగిందంటే ?

టాటా నెక్సాన్ కాంపాక్ట్ ఎస్‌యూవీలో ఎల్‌ఈడి డేటైమ్ రన్నింగ్ లైట్స్‌ (డిఆర్‌ఎల్‌లు), కొత్త ట్విన్-పాడ్ హెడ్‌ల్యాంప్‌లు, రివైజ్డ్ గ్రిల్ మరియు సిల్వర్ ఇన్సర్ట్‌లు మరియు ఫాగ్‌ల్యాంప్స్ మరియు టెయిల్ ల్యాంప్స్ వాహనానికి మంచి ఆకర్షణీయమైన రూపాన్ని ఇస్తాయి.

ఇంటీరియర్స్‌లో, కొత్త ఫ్లాట్-బాటమ్ మల్టీఫంక్షన్ స్టీరింగ్ వీల్‌, పూర్తి డిజిటల్ ఇన్‌స్ట్రుమెంట్ క్లస్టర్ ఉంటుంది. ఆండ్రాయిడ్ ఆటో మరియు ఆపిల్ కార్‌ప్లేలను సపోర్ట్ చేసే 7 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, రియర్ ఏసి వెంట్స్‌, ఆటోమేటిక్ క్లైమేట్ కంట్రోల్, కీలెస్ ఎంట్రీ, రెయిన్ సెన్సింగ్ వైపర్స్, క్రూయిజ్ కంట్రోల్, ఎలక్ట్రిక్ సన్‌రూఫ్ మొదలైన ఫీచర్లు ఉన్నాయి.

MOST READ:స్కోడా సూపర్బ్ స్పోర్ట్ లైన్ సెడాన్ రోడ్ టెస్ట్ రివ్యూ.. ఇప్పుడు మీ కోసం

ఇంజన్ ఆప్షన్స్ విషయానికి వస్తే, టాటా నెక్సాన్ పెట్రోల్ మరియు డీజిల్ ఇంజన్ ఆప్షన్లతో లభిస్తోంది. ఇందులో 1.2-లీటర్ 3-సిలిండర్ టర్బో-పెట్రోల్ ఇంజన్ 108 బిహెచ్‌పి పవర్‌ను మరియు 170 ఎన్ఎమ్ టార్క్‌ను ఉత్పత్తి చేస్తుంది. ఇకపోతే 1.5-లీటర్ 4-సిలిండర్ టర్బో-డీజిల్ ఇంజన్ 108 బిహెచ్‌పి పవర్‌ని మరియు 260 ఎన్ఎమ్ టార్క్‌ను ఉత్పత్తి చేస్తుంది.

ఈ రెండు ఇంజన్లు స్టాండర్డ్ సిక్స్-స్పీడ్ మాన్యువల్ గేర్‌బాక్స్ లేదా సిక్స్-స్పీడ్ ఏఎమ్‌టి ఆటోమేటిక్ గేర్‌బాక్స్‌తో అందుబాటులో ఉన్నాయి. ఈ కాంపాక్ట్-ఎస్‌యూవీలో 'ఎకో', 'సిటీ' మరియు 'స్పోర్ట్' అనే మూడు డ్రైవింగ్ మోడ్స్ కూడా ఉంటాయి.

MOST READ:2020 టీవీఎస్ అపాచీ ఆర్ఆర్ 310 రివ్యూ : పెర్ఫామెన్స్, ఫీచర్స్ & ఇతర వివరాలు

టాటా నెక్సాన్ తక్కువ ఈఎమ్ఐ ఆప్షన్‌పై డ్రైవ్‌స్పార్క్ అభిప్రాయం.

భారతదేశంలో కొనసాగుతున్న కోవిడ్-19 మహమ్మారి సమయంలో పండుగ సీజన్ సెంటిమెంట్‌ను బలపరచేందుకు టాటా మోటార్స్ ఆకర్షణీయమైన ఫైనాన్స్ పథకాలను ప్రవేశపెట్టింది. కస్టమర్ల కొనుగోలు ప్రక్రియను సులభంగా పూర్తి చేయడంలో సహాయపడేందుకు తక్కువ ఈఎమ్ఐ, ఈఎమ్ఐ మినహాయింపు వంటి పథకాలను అందిస్తోంది.