2021 ఫార్చ్యూనర్ ఫేస్‌లిఫ్ట్ ఉపకరణాలను వెల్లడించిన టయోటా

టయోటా ఫార్చ్యూనర్ ఫేస్‌లిఫ్ట్ ప్రపంచ మార్కెట్లో అత్యంత ప్రసిద్ధి చెందిన ఎస్‌యూవీ. ఈ టయోటా ఫార్చ్యూనర్ ఫేస్‌లిఫ్ట్ మార్కెట్లో బాగా ప్రాచుర్యం పొందింది. టయోటా కంపెనీ ఇప్పుడు కొత్త ఎస్‌యూవీ ఉపకరణాల గురించి సమాచారాన్ని వెల్లడించింది. ఇందులో ఫార్చ్యూనర్ బోనెట్ బ్యాడ్జ్ / లోగో, ఫాక్స్ ఫ్రంట్ స్కిడ్ ప్లేట్ మరియు ఫాక్స్ రియర్ స్కిడ్ ప్లేట్ వంటివి ఉన్నాయి.

టయోటా ఫార్చ్యూనర్ ఫేస్‌లిఫ్ట్ లో డోర్ ప్రొటెక్టర్ కిట్ బోనెట్‌తో పాటు, హైడ్రాలిక్ స్ట్రట్స్ ఫ్యాన్సీ క్రోమియం ట్యాంక్, కిక్-టు-ఓపెన్ సెన్సార్ టెయిల్‌గేట్, వైర్‌లెస్ ఛార్జింగ్ ప్యాడ్, రియర్ వ్యూ కెమెరా, ఫ్రంట్ అండ్ రియర్ డాష్ కెమెరా, స్పేర్ వీల్ కవర్, మడ్ గార్డ్ సెట్ వంటివి ఉన్నాయి.

MOST READ:ఒకే ఫ్యామిలీ నాలుగు తరాలుగా ఉపయోగిస్తున్న సైకిల్

కొత్త ఫార్చ్యూనర్ ఫేస్‌లిఫ్ట్ ఫ్రంట్ కొత్త డిజైన్‌ను కలిగి ఉంది. డే టైం రన్నింగ్ లైట్, పెద్ద మెష్ తరహా గ్రిల్, పునర్నిర్మించిన ఫ్రంట్ బంపర్ మరియు 18-అంగుళాల అల్లాయ్ వీల్స్‌తో పునః రూపకల్పన చేసిన ఎల్‌ఇడి హెడ్‌లైట్ కూడా ఉన్నాయి. ఈ కొత్త ఎస్‌యూవీ వెనుక భాగంలో సన్నగా కనిపించే ఎల్‌ఈడీ టెయిల్ లైట్లు ఉన్నాయి. అదనంగా ఎల్‌ఈడీ డిఆర్‌ఎల్‌లకు విలక్షణమైన డ్యూయల్ ఎల్‌ఇడి ప్రొజెక్టర్ హెడ్‌లైట్‌లలో క్రోమ్ అప్ ఫ్రంట్ రీప్లేస్‌మెంట్ గ్లోస్ బ్లాక్ ఫినిష్, 20 అంగుళాల అల్లాయ్ వీల్స్, డ్యూయల్ టోన్ కలర్ ఆప్షన్స్ మరియు రియర్ బంపర్ బూట్ లీడ్ ఉన్నాయి.

టయోటా ఫార్చ్యూనర్ ఫేస్‌లిఫ్ట్‌లో ఎల్‌ఈడీ యాంబియంట్ లైటింగ్, 9 స్పీకర్ జెబిఎల్ ఆడియో సిస్టమ్, 360 డిగ్రీల కెమెరా ఉన్నాయి. లెజెండ్రే వేరియంట్లో పెద్ద 9.0 అంగుళాల టచ్‌స్క్రీన్ డిస్ప్లే మరియు 7 ఎయిర్‌బ్యాగులు, అంతే కాకుండా సాధారణ భద్రతా లక్షణాలతో 'టయోటా సేఫ్టీ సెన్స్' ఉన్నాయి.

MOST READ:దేశవ్యాప్తంగా 100 నగరాల్లో సర్వీస్ స్టార్ట్ చేసిన రాపిడో

టయోటా ఫార్చ్యూనర్ 2.4 లీటర్, నాలుగు సిలిండర్ల డీజిల్ ఇంజిన్ కలిగి ఉంటుంది. ఈ ఇంజన్ 150 హెచ్‌పి పవర్ మరియు 400 ఎన్ఎమ్ టార్క్ ఉత్పత్తి చేస్తుంది. ఈ టయోటా భారతదేశంలో 2.8-లీటర్ డీజిల్ ఇంజన్ తో ఉంటుంది. ఈ ఇంజన్ 6-స్పీడ్ మాన్యువల్ మరియు 6-స్పీడ్ ఆటోమేటిక్ ఆప్షన్‌తో వస్తుంది.

టయోటా ఫార్చ్యూనర్ ఫేస్‌లిఫ్ట్ 2.7 లీటర్ పెట్రోల్ ఇంజన్ ద్వారా శక్తినివ్వగలదు. టయోటా త్వరలో ఈ ఫార్చ్యూనర్ ఫేస్‌లిఫ్ట్‌ను భారతీయ మార్కెట్లో విడుదల చేయనుంది. ఇది చూడటానికి చాలా ఆకర్షణీయంగా ఉండటమే కాకుండా వాహనదారునికి చాలా అనుకూలంగా కూడా ఉంటుంది.

MOST READ:పెరిగిన బిఎస్ 6 టివిఎస్ ఎక్స్‌ఎల్ 100 ధరలు : ఎలా ఉన్నాయో చూసారా !