Just In
- 1 hr ago త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- 4 hrs ago హ్యుందాయ్ ఎక్స్టర్ దిమ్మ తిరిగే మైలేజ్.. ఓనర్ ఫుల్ ఖుష్.. ఫొటోలతో సహా ప్రూఫ్ ఇదిగో.!!
- 5 hrs ago JNCAP క్రాష్ టెస్ట్లో అదరగొట్టిన స్విఫ్ట్.. స్కోర్ ఎంతో తెలుసా?
- 5 hrs ago కొత్త మారుతి స్విఫ్ట్ బుకింగ్ ప్రైస్ ఎంతో తెలుసా? ఇక్కడ చూడండి!
Don't Miss
- News వాళ్ళను తిడుతూనే.. వైఎస్ జగన్, భారతి వద్ద కోట్లలో వైఎస్ షర్మిలమ్మ అప్పులచిట్టా ఇదే!!
- Sports SRH vs RCB ఉప్పల్ మ్యాచ్కు భారీ అడ్డంకి..!
- Lifestyle నిమ్మరసంతో ఇన్ని ప్రయోజనాలాా..? కిడ్నీలో రాళ్లు కూడా మాయం, ఇంకా ఎన్నో..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Movies నాగార్జున ఇంటికి కోడలుగా రాబోతున్న మరో హీరోయిన్
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
ఆధునిక కార్లలో అవసరంలేని టాప్ 10 ఫీచర్స్, ఇవే.. మీకు తెలుసా?
ఇటీవల కాలంలో అందుబాటులో ఉన్న దాదాపు చాలా కార్లలో ఆధునిక ఫీచర్స్ మరియు పరికరాలు అందుబాటులో ఉన్నాయి. ఇప్పుడు విడుదలవుతున్న కార్లు మునుపటి మోడల్స్ కంటే చాలా అప్డేటెడ్ ఫీచర్స్ కలిగి ఉన్నాయి. ఈ ఆధునిక ఫీచర్స్ వాహన వినియోగదారులకు చాలా అనుకూలంగా ఉంటాయి.
ఆధునిక కార్లలో చాలా ఫీచర్స్ అందుబాటులో ఉన్న విషయం తెలిసిందే, అయితే ఇందులో ఉన్న అన్ని ఫీచర్లు అత్యాసరమైనవి మాత్రం కాదు. ఇందులో అవసరం లేని చాలా ఫీచర్స్ కూడా ఉన్నాయి. ఈ ఆర్టికల్ లో కార్లలో అవసరంలేని ఫీచర్స్ గురించి పూర్తి సమాచారం తెలుసుకుందాం.. రండి.
ఫేక్ ప్లాస్టిక్ రూప్ రైల్:
కారులో రూప్ రైల్స్ అనేవి కారు యొక్క పైభాగంలో అమర్చబడి ఉంటాయి. ఈ రూప రైల్స్ సాధారణంగా లగేజ్ వంటి వాటిని కారుపైన ఉంచుకోవడానికి ఉపయోగపడతాయి. అయితే ప్రస్తుత కాలంలో రూప్ రైల్స్ ఎలాంటి లగేజ్ ఉంచుకోటానికి అనుకూలంగా ఉండదు. ఎందుకంటే, రూప్ రైల్స్ తక్కువ క్వాలిటీ ఉన్న ప్లాస్టిక్ తో తయారుచేయబడి ఉంటాయి. కావున ఇవి విరిగిపోయే ప్రమాదం కూడా ఉంది, లగేజ్ ఉంచుకోటానికి అంత అనుకూలంగా ఉండవు.
కారులో ఇటువంటి ఫేక్ ప్లాస్టిక్ రూప్ రైల్స్ వల్ల ఎటువంటి ఉపయోగం లేదు. కావున కొన్ని కార్లలో రూప్ రైల్ అంత ప్రాముఖ్యం ఏమి కాదు.
ఫేక్ ఎగ్జాస్ట్ పైప్స్:
సాధారణంగా కార్ల స్టైల్ని మెరుగుపరచడానికి, ఎగ్జాస్ట్ పైప్స్ ఇవ్వబడుతున్నాయి, ఇవి ఎగ్జాస్ట్ల వలె కనిపిస్తాయి కానీ వాస్తవానికి అవి లేవు. నిజమైన డ్యూయల్ ఎగ్జాస్ట్ టిప్ ఉన్న కార్లు ఖరీదైనవి మరియు మరింత శక్తివంతమైనవి. కేవలం రోడ్డు మీద వాటిని చూడటం ద్వారా, వాటిలో ఇన్స్టాల్ చేయబడిన ఎగ్జాస్ట్ పైప్స్ నకిలీ కాదని మీరు ఊహించవచ్చు. కావున వీటి వల్ల ఎటువంటి ప్రయోజనం ఉండదు.
ఫిక్స్డ్ హెడ్రెస్ట్ సీట్స్ (Seats with Fixed Headrests):
ప్రయాణీకులకు సౌకర్యవంతమైన ప్రయాణాన్ని అందించడం తప్పకుండా కార్ల తయారీదారుల కర్తవ్యం. ఇందులో భాగంగా, కార్ల తయారీదారులు ఫిక్స్డ్ హెడ్రెస్ట్ సీట్లను అందిస్తారు. ఈ ఫీచర్ ఇప్పుడు విడుదల అవుతున్న చాలా బడ్జెట్ ధర కలిగిన కార్లలో చూడవచ్చు. కానీ ఫిక్స్డ్ హెడ్రెస్ట్ ఉన్న సీట్లు ప్రయాణికులకు సౌకర్యంగా ఉండవు. కార్ తయారీదారులు స్టాండర్డ్ హెడ్రెస్ట్లకు బదులుగా అడ్జస్టబుల్ హెడ్రెస్ట్లను అందించవచ్చు. దీనివల్ల ప్రయాణికులకు చాలా సౌకర్యవంతంగా ఉంటుంది.
కాంపాక్ట్ SUV లలో 3 వ వరుస సీట్లు:
ఈ రోజుల్లో కార్ బ్రాండ్లు 7 లేదా 8 మంది కూర్చునే సామర్థ్యం కలిగిన అనేక కాంపాక్ట్ SUV మోడళ్లను అందిస్తున్నాయి. 8-సీటర్ లేఅవుట్తో కూడిన కాంపాక్ట్ SUV మూడు-వరుసల సీట్లను కలిగి ఉంది, ఇది సీటింగ్ సామర్థ్యాన్ని పెంచుతుంది కానీ చివరి వరుసలో ఉన్నవారికి స్థలాన్ని తగ్గిస్తుంది. కావున ఇది కూడా ఇందులో అనవసరమైనదనే చెప్పాలి.
పియానో ఫినిష్ ప్యానెల్స్:
కారు లోపలి భాగాన్ని మెరుగుపరచడానికి, అనేక కార్ బ్రాండ్లు డాష్బోర్డ్లో మరియు అనేక ప్రదేశాలలో పియానో బ్లాక్ ప్యానెల్లను అందిస్తాయి. ఈ ప్యానెల్లు అందంగా కనిపిస్తాయి, కానీ దుమ్ము వంటివి ఇందులో చాలా సులభంగా అంటుకుంటాయి, దీని కారణంగా వాటిని తరచుగా శుభ్రం చేయాలి. నిగనిగలాడే పియానో బ్లాక్ ప్యానెల్స్ స్థానంలో, మాట్టే ఫినిష్ ప్యానెల్ ఉపయోగించవచ్చు.
వాయిస్ రికగ్నిషన్:
ఆధునిక కార్లలో కనిపించే వాయిస్ రికగ్నిషన్ అనేది చాలా అరుదుగా ఉపయోగించబడే ఫీచర్. వాయిస్ రికగ్నిషన్ ప్రధానంగా కాల్స్ చేయడానికి, కాల్స్ స్వీకరించడానికి లేదా డ్రైవింగ్ చేస్తున్నప్పుడు మ్యూజిక్ వినడానికి ఉపయోగించబడుతుంది. అయితే, చాలా మంది కార్ డ్రైవర్లు ఈ ఫీచర్ని ఉపయోగించరు. కావున ఇది కూడా కారులో అనవసరం అనే చెప్పాలి.
ఆటోమాటిక్ కార్లలో లో ఎండ్ పాడిల్ షిఫ్టర్:
సాధారణంగా ఇంతకుముందు ప్యాడిల్ షిఫ్టర్లు హై-ఎండ్ పెర్ఫార్మెన్స్ స్పోర్ట్స్ కార్లలో మాత్రమే అందించబడేవి, కానీ ఇప్పుడు బడ్జెట్ కార్లు కూడా ప్యాడిల్ షిఫ్టర్లను పొందుతున్నాయి. ప్యాడిల్ షిఫ్టర్ వాస్తవానికి స్పోర్ట్స్ కార్లలో మాత్రమే ఉపయోగించబడుతుంది. దీనికి గేర్లను మార్చేటప్పుడు ఎక్కువ శక్తి అవసరం. మరోవైపు, ప్యాడిల్ షిఫ్టర్ సరసమైన కార్లలో చాలా తక్కువగా ఉపయోగిస్తారు. కావున ఇది కూడా అంత అవసరం కాదు.
మిర్రర్ లింక్ కనెక్టివిటీ:
కొత్త కార్లలో కనిపించే మిర్రర్ లింక్ చాలా అరుదుగా ఉపయోగించబడే ఫీచర్. మిర్రర్ లింక్ మీ స్మార్ట్ఫోన్ నుండి మీ కారు ఇన్ఫోటైన్మెంట్ సిస్టమ్ను నియంత్రించడానికి మిమ్మల్ని అనుమతిస్తుంది. ఈ ఫీచర్ మొదట స్మార్ట్ టీవీల కోసం ప్రవేశపెట్టబడింది. మిర్రర్ లింక్ ఫీచర్ స్మార్ట్ఫోన్ స్క్రీన్ను స్మార్ట్ టీవీలో వీక్షించడానికి అనుమతిస్తుంది.
CD ప్లేయర్ మరియు AM రేడియో:
చాలా సంవత్సరాల క్రితం ఉపయోగంలో ఉన్న కార్లలో సీడీ ప్లేయర్లు, ఏఎమ్ రేడియోల వినియోగం మొదలైంది. కానీ నేటికీ చాలా కంపెనీలు తమ కార్లలో CD ప్లేయర్లు మరియు AM రేడియోలను అందిస్తున్నాయి. ప్రస్తుతం సీడీల వాడకం దాదాపు ఆగిపోయింది.
కావున ఇకపై కార్లలో సీడీ ప్లేయర్లు, రేడియోలు అవసరం లేదు. దీనికి బదులుగా కంపెనీలు బ్లూటూత్ కనెక్టివిటీ, ఆండ్రాయిడ్ ఆటో మరియు ఆపిల్ కార్ప్లే వంటి వాటిని అందించాలి. కావున CD ప్లేయర్ మరియు AM రేడియో కూడా ఇప్పుడు తప్పనిసరి కాదు.
ఎలక్ట్రానిక్ పార్కింగ్ బ్రేక్:
ప్రస్తుతం ఉన్న అధునాతన కార్లలో, మాన్యువల్ పార్కింగ్ బ్రేక్లకు బదులుగా ఎలక్ట్రానిక్ పార్కింగ్ బ్రేక్లు ఇవ్వబడుతున్నాయి. ఈ బ్రేక్లు కేవలం ఒక బటన్ను నొక్కి ఉపయోగిన్చుకొవచ్చు. అయితే, కారు ఎలక్ట్రానిక్ సిస్టమ్ పని చేయకపోతే, ఈ సిస్టమ్ మిమ్మల్ని ఇబ్బందుల్లోకి తీసుకెళ్తుంది. కార్ కంపెనీలు పార్కింగ్ బ్రేక్ మాన్యువల్ వంటి కొన్ని ఫీచర్లను మాత్రమే ఉంచుకోవాలి. కావున ఇది కూడా అవసరం లేదు.
పైన తెలిపిన ఈ ఫీచర్స్ అన్ని కూడా తప్పనిసరిగా ఉపయోగించాల్సిన ఫీచర్స్ కావు, కావున ఈ ఫీచర్స్ లేకపోయినప్పటికీ వాహన వినియోగదారులకు ఎటువంటి ఇబ్బంది ఉండదు. అంతే కాకుండా ఇటువంటి ఫీచర్స్ తీసివేయడం వల్ల కారు యొక్క ధర కూడా చాలా వరకు తగ్గుతుంది.