Just In
- 7 min ago రూ.5 లక్షల కంటే తక్కువ ధరలో బైక్ కావాలా.. ఇక్కడ చూడండి
- 1 hr ago ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- 2 hrs ago కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- 4 hrs ago రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
Don't Miss
- Finance EPFO: మీకు పీఎఫ్ ఖాతా ఉందా.. అయితే ఈ పని చేయండి..!
- News రఘురామకు సీటు పై కసరత్తు - కీలక ప్రతిపాదన, ఖాయమయ్యేనా..!!
- Technology ధర రూ.17999 కే 108MP కెమెరా, 6000mAh బ్యాటరీ, 6.78 అంగుళాల డిస్ప్లే 5G స్మార్ట్ఫోన్..!!
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Movies Yuva Movie Collections పునీత్ రాజ్కుమార్ ఫ్యామిలీ నుంచి మరో హీరో.. యువ మూవీకి రికార్డు కలెక్షన్లు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
ఆడి ఇండియా వెబ్సైట్లో ప్రత్యక్షమైన ఇ-ట్రోన్ ఎలక్ట్రిక్ కార్; త్వరలోనే విడుదల!
జర్మన్ లగ్జరీ కార్ బ్రాండ్ ఆడి, భారత మార్కెట్లో తమ మొట్టమొదటి ఎలక్ట్రిక్ కారును ప్రవేశపెట్టేందుకు సిద్ధమవుతోంది. ఇందులో భాగంగానే, ఆడి ఇ-ట్రోన్ ఎలక్ట్రిక్ ఎస్యూవీని కంపెనీ తమ ఇండియన్ వెబ్సైట్లో లిస్ట్ చేసింది.
భారతదేశంలో ఎలక్ట్రిక్ వాహనాలకు పెరుగుతున్న డిమాండ్ను దృష్టిలో ఉంచుకొని, ఆడి ఇండియా ఈ సరికొత్త ఇ-ట్రోన్ ఎలక్ట్రిక్ కారును ఇక్కడి మార్కెట్లో అందుబాటులోకి తీసుకురానుంది. కంపెనీ తమ వెబ్సైట్లో ఈ కొత్త మోడల్ను లిస్టింగ్ చేయటాన్ని చూస్తుంటే, త్వరలోనే ఈ ఎలక్ట్రిక్ కార్ దేశీయ విపణిలో విడుల కావచ్చని తెలుస్తోంది.
ఈ లగ్జరీ కార్ బ్రాండ్ నుండి వస్తున్న ఆడి ఇ-ట్రోన్ భారతదేశంలోనే మొట్టమొదటి ఆల్-ఎలక్ట్రిక్ కారు అవుతుంది. గడచిన 2019లో కంపెనీ తమ ఇ-ట్రోన్ ఎలక్ట్రిక్ ఎస్యూవీని ప్రదర్శించింది. వాస్తవానికి ఇది 2020లో మార్కెట్లో వస్తుందని అందరూ ఊహించారు. అయితే, దేశంలో కొనసాగుతున్న కోవిడ్-19 మహమ్మారి కారణంగా ఇది ఆలస్యమైంది.
భారతదేశంలో ఈ లగ్జరీ ఎలక్ట్రిక్ ఎస్యూవీని అధికారికంగా విడుదల చేయడాని ముందే కంపెనీ ఇందుకు సంబంధించిన ఓ టీజర్ను కూడా విడుదల చేసింది. ఆడి ఇ-ట్రోన్ ఎలక్ట్రిక్ ఎస్యూవీ లాంచ్ తర్వాత కంపెనీ ఇందులో మరో కొత్త స్పోర్ట్బ్యాక్ వెర్షన్ను కూడా ఇక్కడి మార్కెట్లో విడుదల చేయనుంది.
ఆడి ఇ-ట్రోన్ ఎస్యూవీ మరియు స్పోర్ట్బ్యాక్ రెండు మోడళ్లు కూడా వేర్వేరు డిజైన్ను కలిగి ఉన్నప్పటికీ, ఒకేరకమైన అండర్పిన్నింగ్స్ను కలిగి ఉంటాయి. ఈ ఎలక్ట్రిక్ ఎస్యూవీ పవర్ట్రెయిన్ విషయానికి వస్తే, ఇందుంలో రెండు ఎలక్ట్రిక్ మోటార్లు ఉంటాయి. వీటిలో ఒకటి ముందు భాగంలో (125 కిలోవాట్ల మోటారు) ఉంటే, మరొకటి వెనుక భాగంలో (140 కిలోవాట్ల మోటారు) ఉంటుంది.
ఈ రెండు ఎలక్ట్రిక్ మోటార్లు కలిసి గరిష్టంగా 408 బిహెచ్పి శక్తిని మరియు 664 ఎన్ఎమ్ టార్క్ని ఉత్పత్తి చేస్తాయి. ఈ శక్తి మొత్తం నాలుగు చక్రాలకు సమానంగా పంపిణీ అవుతుంది. ఈ రెండు ఎలక్ట్రిక్ మోటార్లు కారులో ఉన్న 95 కిలోవాట్ల లిథియం అయాన్ బ్యాటరీ ప్యాక్తో నడుస్తాయి.
కారులోని ఈ బ్యాటరీ ప్యాక్ను డిసి ఫాస్ట్ ఛార్జర్ సాయంతో కేవలం 30 నిమిషాల్లో 80 శాతం వరకూ ఛార్జ్ చేసుకోవచ్చని కంపెనీ చెబుతోంది. అదే, సాధారణ హోమ్ ఛార్జర్ ద్వారా అయితే, ఈ బ్యాటరీని పూర్తిగా 100 శాతం ఛార్జ్ చేయడానికి సుమారు 10 గంటల సమయం పడుతుంది.
పెర్ఫార్మెన్స్ విషయానికి వస్తే, ఆడి ఇ-ట్రోన్ ఎలక్ట్రిక్ ఎస్యూవీ కేవలం 5.7 సెకన్లలో గంటకు 0 నుండి 100 కిలోమీటర్ల వేగాన్ని చేరుకోగలదు మరియు దీని గరిష్టం వేగం గంటకు 200 కిలోమీటర్లుగా ఉంటుంది. ఇది ఈ విభాగంలో మెర్సిడెస్ బెంజ్ ఇక్యూసి, జాగ్వార్ ఐ-పేస్ మరియు రాబోయే వోల్వో ఎక్స్సి40 రీఛార్జ్ మరియు టెస్లా మోడల్ 3 వంటి మోడళ్లకు పోటీగా ఉంటుంది.
ఈ ఆల్-ఎలక్ట్రిక్ ఎస్యూవీలో ఆక్టాగన్ ఆకారంలో ఉండే ఫ్రంట్ గ్రిల్, ఎయిర్ కూలింగ్ కోసం ఫ్లాప్స్, వాలుగా ఉండే రూఫ్-లైన్, బూట్ డోరుపై అడ్డంగా ఉన్న ఎల్ఈడీ లైట్ బార్, బ్లైండ్ స్పాట్ మానిటరింగ్, ఆడి మ్యాట్రిక్స్ టెక్నాలజీతో కూడిన ఎల్ఈడీ హెడ్ల్యాంప్స్ మరియు 20 ఇంచ్ ఫైవ్-స్పోక్ అల్లాయ్ వీల్స్ వంటి ఎక్స్టీరియర్ ఫీచర్లు ఇందులో ఉన్నాయి.
ఇంటీరియర్ ఫీచర్లను గమనిస్తే, ఇందులో వివిధ రకాల ప్రయోజనాల కోసం మల్టిపుల్ టచ్స్క్రీన్లు, ప్రీమియం బ్యాంగ్ అండ్ ఓలుఫ్సేన్ సౌండ్ సిస్టమ్, విభిన్న పవర్ మోడ్స్, రీజనరేటివ్ బ్రేకింగ్ సిస్టమ్, మల్టిపుల్ క్లైమేట్ కంట్రోల్, వాయిస్-అసిస్టెడ్ కనెక్ట్ టెక్నాలజీ ఎలక్ట్రిక్ సన్రూఫ్, వైర్లెస్ స్మార్ట్ఫోన్ ఛార్జింగ్ మొదలైన ఫీచర్లను కలిగి ఉంటుంది.
అంతేకాకుండా, పూర్తిగా డిజిటల్ ఇన్స్ట్రుమెంట్ క్లస్టర్లతో కూడిన
వర్చువల్ కాక్పిట్, మౌంటెడ్ కంట్రోల్స్తో కూడిన మల్టీఫంక్షన్ స్టీరింగ్ వీల్, ఏబిఎస్, ట్రాక్షన్ కంట్రోల్, స్టెబిలిటీ కంట్రోల్ వంటి మరిన్నో ఇతర ఫీచర్లను కూడా కలిగి ఉంటుంది. ఇంకా ఈ ఎలక్ట్రిక్ ఎస్యూవీలో మరికొన్ని యాక్టివ్ సేఫ్టీ ఫీచర్లు కూడా లభిస్తాయని భావిస్తున్నారు.
ఆడి ఇ-ట్రోన్ మొత్తం పొడవు 4.9 మీటర్లు మరియు ఇదొక 5-సీటర్ ఎలక్ట్రిక్ ఎస్యూవీ. ఇది బ్రాండ్ లైనప్లో కంపెనీ విక్రయిస్తున్న పెట్రోల్ పవర్డ్ క్యూ5 ఎస్యూవీ కంటే పెద్దదిగా ఉంటుంది. ఈ ఎస్యూవీలో 660-లీటర్ల బూట్ స్పేస్ ఉంటుంది. రెండవ వరుస సీట్లను మడతపెట్టడం ద్వారా ఈ స్థలాన్ని 1,725-లీటర్లకు పెంచుకోవచ్చు.