Just In
- 1 hr ago ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- 2 hrs ago కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- 4 hrs ago రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- 5 hrs ago కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి (వీడియో)
Don't Miss
- Technology ధర రూ.17999 కే 108MP కెమెరా, 6000mAh బ్యాటరీ, 6.78 అంగుళాల డిస్ప్లే 5G స్మార్ట్ఫోన్..!!
- News గంటా Vs అవంతి, బిగ్ ఫైట్ - గురు శిష్యుల్లో గెలిచేదెవరు..!?
- Finance Insurance Company: ఈ శని, ఆదివారాలు తెరిచి ఉండనున్న బీమా కంపెనీలు..
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Movies Yuva Movie Collections పునీత్ రాజ్కుమార్ ఫ్యామిలీ నుంచి మరో హీరో.. యువ మూవీకి రికార్డు కలెక్షన్లు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
Mahindra కార్లపై ఫెస్టివల్ ఆఫర్లు.. రూ.81,500 వరకూ డిస్కౌంట్స్..
భారతదేశపు ప్రముఖ యుటిలిటీ వాహన తయారీ సంస్థ మహీంద్రా అండ్ మహీంద్రా (Mahindra and Mahindra) ఈ పండుగ సీజన్లో తమ కార్లపై డిస్కౌంట్లను ప్రకటించింది. ఇందులో భాగంగా, కంపెనీ ఎంపిక చేసిన మోడళ్లపై క్యాష్ డిస్కౌంట్, ఎక్స్ఛేంజ్ బోనస్ మరియు ఇతర ప్రయోజనాలను అందిస్తోంది.
కంపెనీ పేర్కొన్న సమాచారం ప్రకారం, ఈ ఆఫర్లన్నీ కూడా అక్టోబర్ 31, 2021 వరకు చెల్లుబాటులో ఉంటాయి. ఈ పండుగ సీజన్ లో మహీంద్రా కారు కొనుగోలు చేసే కస్టమర్లు గరిష్టంగా రూ. 81,500 వరకు నగదును ఆదా చేసుకోవచ్చు. మరి ఏయే మహీంద్రా మోడళ్లపై ఎలాంటి ఆఫర్లు లభిస్తున్నాయో తెలుసుకుందాం రండి.
1. మహీంద్రా ఎక్స్యూవీ300 (Mahindra XUV300)
భారతదేశంలో అత్యధికంగా అమ్ముడవుతున్న కాంపాక్ట్ ఎస్యూవీలలో మహీంద్రా ఎక్స్యూవీ300 కూడా ఒకటి. ఒకవేళ మీరు ఈ నెలలో మహీంద్రా ఎక్స్యూవీ300 ను కొనుగోలు చేయాలని చూస్తుంటే, కంపెనీ ఈ మోడల్ పై రూ. 44,000 వరకు నగదు ప్రయోజనాలను అందిస్తోంది. ఇందులో రూ. 15,000 నగదు తగ్గింపు, రూ. 20,000 ఎక్స్ఛేంజ్ బోనస్, రూ. 4,000 కార్పోరేట్ డిస్కౌంట్ మరియు రూ. 5,000 విలువైన ఇతర ఆఫర్లు ఉన్నాయి.
మహీంద్రా ఎక్స్యూవీ300 అనేది ఒక 5 సీటర్ కాంపాక్ట్ ఎక్స్యూవీ300. ఇది పెట్రోల్ మరియు డీజిల్ ఇంజన్ ఆప్షన్లతో మొత్తం 16 వేరియంట్లు మరియు 5 కలర్ ఆప్షన్లలో అందుబాటులో ఉంటుంది. భారత మార్కెట్లో మహీంద్రా ఎక్స్యూవీ300 ధరలు రూ. 7.95 లక్షల నుండి ప్రారంభమై రూ. 13.46 లక్షల (ఎక్స్-షోరూమ్) వరకు ఉంటాయి.
2. మహీంద్రా కెయూవీ100 ఎన్ఎక్స్టి (Mahindra KUV100 NXT)
కెయూవీ100 ఎన్ఎక్స్టి అనేది మహీంద్రా ప్రోడక్ట్ లైనప్ లో అత్యంత సరసమైన మోడల్. కంపెనీ ఈ మోడల్ పై అక్టోబర్ నెలలో గరిష్టంగా రూ. 38,055 వరకు క్యాష్ డిస్కౌంట్ మరియు రూ. 3,000 వరకు కార్పోరేట్ డిస్కౌంట్ ను అందిస్తోంది. కెయూవీ100 ఎన్ఎక్స్టి మోడల్ మహీంద్రా ఎక్స్యూవీ300 కు దిగువన ఉంచబడింది, ఇది కాంపాక్ట్ ఎస్యూవీ కంటే చిన్నదిగా మరియు హ్యాచ్బ్యాక్ కంటే పెద్దదిగా ఉంటుంది.
మహీంద్రా కెయూవీ100 ఎన్ఎక్స్టి రెండు ఇంజన్ ఆప్షన్లలో అందుబాటులో ఉంటుంది. ఇందులో పెట్రోల్ mFalcon G80 మరియు డీజిల్ mFalcon D75 ఇంజన్లు ఉన్నాయి. ఇందులోని 1.2 లీటర్ త్రీ సిలిండర్ పెట్రోల్ ఇంజన్ 82 బిహెచ్పి పవర్ ను మరియు 114 ఎన్ఎమ్ టార్క్ ను ఉత్పత్తి చేస్తుంది. అలాగే, 1.2 లీటర్ టర్బో డీజిల్ ఇంజన్ 77 బిహెచ్పి పవర్ ను మరియు 190 ఎన్ఎమ్ టార్క్ ను జనరేట్ చేస్తుంది. ఈ రెండు ఇంజన్లు కూడా 5 స్పీడ్ గేర్బాక్స్ తో జతచేయబడి ఉంటాయి. భారత మార్కెట్లో మహీంద్రా కెయూవీ100 ఎన్ఎక్స్టి ధరలు రూ. 6.08 లక్షల నుండి రూ. 7.74 లక్షల (ఎక్స్ -షోరూమ్) మధ్యలో ఉన్నాయి.
3. మహీంద్రా స్కార్పియో (Mahindra Scorpio)
మహీంద్రా స్కార్పియో ఎస్యూవీపై కంపెనీ ఈ నెలలో రూ. 5,000 ఎక్స్ఛేంజ్ బోనస్తో పాటు రూ. 4,000 కార్పోరేట్ తగ్గింపును కూడా అందిస్తోంది. ఇంతకు మించి ఈ మోడల్ పై వేరే ఆఫర్లేమీ లేవు. కంపెనీ ఇటీవలే స్కార్పియో ధరను రూ. 37,000 మేర పెంచింది. ప్రస్తుతం మహీంద్రా స్కార్పియో ధరలు రూ. 12.59 లక్షల నుండి రూ. 17.39 లక్షల (ఎక్స్-షోరూమ్, ఢిల్లీ) మధ్యలో ఉన్నాయి.
మహీంద్రా స్కార్పియో వివిధ రకాల సీటింగ్ కాన్ఫిగరేషన్లలో అందుబాటులో ఉంటుంది. ఇది మొత్తం 5 ట్రిమ్ లలో లభిస్తుంది. వీటిలో S3+, S5, S7, S9 మరియు S11 ట్రిమ్స్ ఉన్నాయి. ఈ ఎస్యూవీ 2.2 లీటర్ mHawk డీజిల్ ఇంజన్ తో రెండు రకాల ట్యూన్ లలో అందుబాటులో ఉంటుంది. వీటిలో మొదటిది 120 బిహెచ్పి పవర్ మరియు 280 ఎన్ఎమ్ టార్క్ ను ఉత్పత్తి చేస్తుంది, రెండవది 140 బిహెచ్పి పవర్ మరియు 319 ఎన్ఎమ్ టార్క్ ను ఉత్పత్తి చేస్తుంది.
4. మహీంద్రా ఆల్ట్యూరాస్ జి4 (Mahindra Alturas G4)
మహీంద్రా ఆల్ట్యూరాస్ జి4 కంపెనీ యొక్క ఫ్లాగ్షిప్ ప్రీమియం ఎస్యూవీ. ఈ అక్టోబర్ నెలలో కంపెనీ ఈ మోడల్ పై అత్యధిక డిస్కౌంట్ ను అందిస్తోంది. ఈ నెలలో మహీంద్రా ఆల్ట్యూరాస్ జి4 కొనుగోలుపై కస్టమర్లు రూ. 81,500 వరకు ఆదా చేసుకోవచ్చు. ఇందులో రూ. 50,000 ఎక్సేంజ్ బోనస్, రూ. 11,500 కార్పోరేట్ డిస్కౌంట్ మరియు రూ. 20,000 ఇతర ప్రయోజనాలు ఉన్నాయి.
గమనిక: పైన పేర్కొన్న డిస్కౌంట్లు మరియు ప్రయోజనాలు కస్టమర్ ఎంచుకునే డీలర్షిప్ మరియు ఉండే నగరాన్ని బట్టి మారుతూ ఉంటాయి. ఖచ్చితమైన వివరాల కోసం మీ సమీపంలోని అధీకృత మహీంద్రా డీలర్షిప్ ను సంప్రదించగలరు. ఆటోమొబైల్స్ కి సంబంధించి ఎప్పటికప్పుడు లేటెస్ట్ అప్డేట్స్ కోసం తెలుగు డ్రైవ్స్పార్క్ ని గమనిస్తూ ఉండండి.