Just In
- 1 hr ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- 5 hrs ago 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- 7 hrs ago కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- 15 hrs ago మారుతి స్విఫ్ట్ ధరలు పెరిగాయండోయ్!.. ఇప్పుడే తెలుసుకోండి
Don't Miss
- Movies డైరెక్టర్ కొట్టిన దెబ్బకు జూనియర్ ఆరిస్ట్ మృతి....సీక్రెట్ బయట పెట్టిన శివాజీ రాజా..!
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- News నాకు అండగా, చీకటిలో వెలుగుగా..
- Travel వేసవిలో సందర్శించేందుకు దేశంలోని బెస్ట్ ఆఫ్బీట్ హిల్ స్టేషన్లు ఇవే..
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
హ్యుందాయ్ ఎస్యూవీలకు భారీ డిమాండ్.. జులైలో జోరందుకున్న సేల్స్..
భారతదేశపు ద్వితీయ అగ్రగామి ప్యాసింజర్ కార్ల తయారీ సంస్థ హ్యుందాయ్ మోటార్ ఇండియా లిమిటెడ్, గడచిన జులై నెలలో భారీ అమ్మకాలను నమోదు చేసింది. కొత్తగా ప్రవేశపెట్టిన అల్కజార్, పాపులర్ క్రెటా మరియు సరసమైన వెన్యూ ఎస్యూవీల కారణంగా గత నెలలో హ్యుందాయ్ అమ్మకాలు జోరందుకున్నాయి.
జులై 2021లో హ్యుందాయ్ మొత్తం 60,249 యూనిట్ల వాహనాలను విక్రయించింది. వీటిలో దేశీయ మార్కెట్లో 48,042 యూనిట్లను విక్రయించగా, మిగిలిన 12,207 యూనిట్లను భారతదేశం నుండి విదేశీ మార్కెట్లకు ఎగుమతి చేయబడ్డాయి.
కాగా, గతేడాది ఇదే సమయం (జూలై 2020 నెల)లో హ్యుందాయ్ మొత్తం 41,300 యూనిట్లను విక్రయించినట్లు పేర్కొంది. ఈ సమయంతో పోలిస్తే, హ్యుందాయ్ అమ్మకాలు 45.9 శాతం వృద్ధిని సాధించాయి. కొత్తగా ప్రారంభించిన అల్కాజార్కి బలమైన డిమాండ్ ఏర్పడటం మరియు ఎప్పటిలాగే క్రెటా అమ్మకాలు బలంగా ఉండటంతో కంపెనీ ఈ వృద్ధిని సాధించగలిగింది.
హ్యుందాయ్ మొత్తం అమ్మకాలలో ఈ రెండు మోడళ్లే 25.8 శాతం వార్షిక వృద్ధికి దోహదపడ్డాయని కంపెనీ తెలిపింది. కాగా, గడచిన జూన్ 18వ తేదీన మార్కెట్లోకి ప్రవేశించిన హ్యుందాయ్ అల్కాజార్ 6-సీటర్ / 7-సీటర్ ఎస్యూవీ, దేశంలో లాంచ్ అయినప్పటి నుండి పాజిటివ్గా స్వీకరించబడింది.
ఈ మోడల్ కోసం ఇప్పటికే 14,000 యూనిట్లకు పైగా బుకింగ్లను దక్కించుకున్నట్లు కంపెనీ పేర్కొంది. అల్కజార్ను ప్రారంభించిన మొదటి 40 రోజుల్లో ఇంతటి భారీ సంఖ్యలో బుకింగ్స్ అందుకోవటం చాలా సంతోషంగా ఉందని హ్యుందాయ్ ఇండియా డైరెక్టర్ (సేల్స్, మార్కెటింగ్ అండ్ సర్వీస్) తరుణ్ గార్గ్ అన్నారు.
హ్యుందాయ్ అల్కజార్ కోసం ఇప్పటివరకు వచ్చిన బుకింగ్లలో, కస్టమర్లు ఎక్కువగా 6-సీటర్ వెర్షన్ను ఎంచుకున్నారని ఆయన తెలిపారు. సుమారు 60 శాతం మంది కస్టమర్లు ఆ కాన్ఫిగరేషన్ని ఎంచుకున్నారని, అలాగే డీజిల్ వేరియంట్లకు డిమాండ్ 65 శాతం వరకూ ఉందని తరుణ్ చెప్పారు.
భారతదేశపు అతిపెద్ద ప్యాసింజర్ కార్ల ఎగుమతిదారులలో హ్యుందాయ్ కూడా ఒకటి. కంపెనీ ఇటీవల విడుదల చేసిన అల్కాజర్ ఎస్యూవీ, ఐ20 ప్రీమియం హ్యాచ్బ్యాక్, వెన్యూ కాంపాక్ట్ ఎస్యూవీ మరియు క్రెటా మిడ్-సైజ్ ఎస్యూవీల కారణంగా హ్యుందాయ్ గత నెలలో మెరుగైన అమ్మకాలను సాధించగలిగింది.
మిడ్-సైజ్ ఎస్యూవీ విభాగంలో హ్యుందాయ్ క్రెటా తన ఆధిపత్యాన్ని కొనసాగిస్తుండగా, మూడు ఇంజన్ ఆప్షన్లు మరియు బహుళ గేర్బాక్స్ ఆప్షన్లు కలిగిన హ్యుందాయ్ వెన్యూ సబ్-ఫోర్ మీటర్ కాంపాక్ట్ ఎస్యూవీ విభాగంలో అమ్మకాల పరంగా ముందంజలో ఉంది. ఇక, తాజాగా వచ్చిన అల్కజార్ ఎస్యూవీ కూడా అమ్మకాల పరంగా అద్భతమైన ప్రదర్శనను కనబరుస్తోంది.
భారత మార్కెట్లో హ్యుందాయ్ అల్కజార్ ఎస్యూవీని ప్రెస్టీజ్, ప్రీమియం మరియు సిగ్నేచర్ అనే మూడు వేరియంట్లలో విక్రయిస్తున్నారు. ఈ కొత్త ఎస్యూవీ 6 సీట్లు లేదా 7 సీట్ల కాన్ఫిగరేషన్తో లభ్యమవుతుంది. దేశీయ విపణిలో హ్యుందాయ్ అల్కజార్ ఎస్యూవీ ధరలు రూ.16.30 లక్షల నుంచి రూ.20.14 లక్షల (ఎక్స్-షోరూమ్) మధ్యలో ఉన్నాయి.
ఇంజన్ ఆప్షన్స్ విషయానికి వస్తే, హ్యుందాయ్ అల్కజార్ పెట్రోల్ మరియు డీజిల్ ఇంజన్ ఆప్షన్లలో లభిస్తుంది. ఇందులోని 2.0-లీటర్ పెట్రోల్ ఇంజన్ 159 బిహెచ్పి పవర్ను మరియు 191 ఎన్ఎమ్ టార్క్ను ఉత్పత్తి చేస్తుంది. అలాగే, ఇందులోని 1.5-లీటర్ డీజిల్ ఇంజన్ 115 బిహెచ్పి పవర్ను మరియు 250 ఎన్ఎమ్ టార్క్ను ఉత్పత్తి చేస్తుంది. ఈ రెండు ఇంజన్లు మ్యాన్యువల్, ఆటోమేటిక్ గేర్బాక్స్ ఆప్షన్లతో లభిస్తాయి.