Just In
- 48 min ago గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- 2 hrs ago 5 రూపాయల గొడవ.. చిర్రెత్తి సోషల్ మీడియాలో పోస్ట్ చేసిన ప్రయాణికుడు.. అసలేం జరిగిందంటే.!!
- 4 hrs ago జనాలు ఎక్కువగా కొంటున్న టాప్-3 SUVలు ఇవే.. జాబితాలో లేని టాటా కార్లు!!
- 7 hrs ago జాన్ అబ్రహం మనసుదోచిన కొత్త బైక్ ఇదే!.. మీరూ చూడండి
Don't Miss
- Sports PBKS vs MI: అందుకే రెండు మార్పులు చేశాం: సామ్ కరణ్
- News నక్షత్రాన్ని మార్చిన గురువు.. ఈ రాశులకు అదృష్ట యోగం
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Movies పడక గదిలోకి వెళ్లందే ఆఫర్లు రావు.. టాప్ సింగర్పై మండిపడ్డ నటి కస్తూరి
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
హ్యుందాయ్ క్రెటా రికార్డ్: భారత రోడ్లపై 5 లక్షల మంది హ్యాపీ కస్టమర్స్!
కొరియన్ కార్ బ్రాండ్ హ్యుందాయ్, భారత మార్కెట్లో విక్రయిస్తున్న పాపులర్ మిడ్-సైజ్ ఎస్యూవీ "హ్యుందాయ్ క్రెటా" అమ్మకాల పరంగా దూసుకుపోతోంది. ఈ విభాగంలోకి ఎన్ని కొత్త మోడళ్లు వచ్చినా, క్రెటానే కస్టమర్ల ఫస్ట్ ఛాయిస్గా ఉంటోంది. తాజాగా హ్యుందాయ్ క్రెటా మరో అరుదైన మైలురాయిని చేరుకుంది.
హ్యుందాయ్ క్రెటా ఎస్యూవీని భారత మార్కెట్లో ప్రవేశపెట్టినప్పటి నుండి ఇప్పటి వరకూ 5,00,000 యూనిట్లను విక్రయించినట్లు కంపెనీ ప్రకటించింది. ఐదేళ్ల క్రితం భారత మార్కెట్లోకి ప్రవేశించిన క్రెటా, ఇప్పుడు దేశవ్యాప్తంగా 5 లక్షల మందికి పైగా హ్యాపీ కస్టమర్లను సంపాధించుకుందని కంపెనీ పేర్కొంది.
ఈ మేరకు హ్యుందాయ్ తన అధికారిక యూట్యూబ్ ఛానెల్లో 'ది లెగసీ ఆఫ్ క్రెటా' పేరుతో ఓ ఆసక్తికరమైన వీడియోని కూడా విడుదల చేసింది. ఇందులో వివిధ కస్టమర్లు తమ క్రెటాతో తీసియో వీడియో బైట్లు కంపెనీతో పంచుకున్నారు. ఆ వీడియోలన్నింటినీ కలిపి హ్యుందాయ్ అద్భుతమైన వీడియోని తయారు చేసింది.
MOST READ:అమెరికా కొత్త ప్రెసిడెంట్ జో బైడెన్ ఉపయోగించే 'దెయ్యం' కారు గురించి తెలుసా?
హ్యుందాయ్ గతేడాది ఆరంభంలో అప్గ్రేడెడ్ 2020 క్రెటా ఎస్యూవీని మార్కెట్లో విడుదల చేసింది. ఈ ఎస్యూవీ మునుపటి కంటే అత్యధికంగా అమ్ముడవుతోంది. దేశంలో కోవిడ్-19 వంటి విపత్కర పరిస్థితుల్లో కూడా ఈ మోడల్ కస్టమర్లను ఆకర్షించడంలో విజయం సాధించింది.
ఈ కొత్త (2020) మోడల్ మార్కెట్లో విడుదలైన అతికొద్ది సమయంలోనే 65,000 యూనిట్లకు పైగా బుకింగ్లను దక్కించుకుంది. ఏప్రిల్ - జూలై 2020 మధ్య కాలంలో 34,212 యూనిట్ల అమ్మకాలను నమోదు చేసింది. మార్కెట్లో ఎమ్జి హెక్టర్, కియా సెల్టోస్ వంటి మోడళ్లు వచ్చినప్పటికీ, పోటీలో నిలదొక్కుకుంది.
MOST READ:బైక్ మ్యూజియంలో అగ్నికి ఆహుతైన అరుదైన వాహనాలు
కొత్త 2020 హ్యుందాయ్ క్రెటా విభిన్న ఇంజన్ ఆప్షన్లతో లభిస్తుంది. ఇందులో కొత్త 1.5-లీటర్ పెట్రోల్ మరియు డీజిల్ ఇంజన్లు ఒకేరకంగా 115 బిహెచ్పి శక్తిని మరియు 144 ఎన్ఎమ్ (పెట్రోల్) మరియు 250 ఎన్ఎమ్ల (డీజిల్) గరిష్ట టార్క్ను ఉత్పత్తి చేస్తాయి.
హ్యుందాయ్ క్రెటా టాప్-ఎండ్ వేరియంట్లలో 1.4 లీటర్ టర్బో పెట్రోల్ ఇంజన్ ఆప్షన్ లభిస్తుంది. ఈ ఇంజన్ గరిష్టంగా 140 బిహెచ్పిల శక్తిని ఉత్పత్తి చేస్తుంది. ఈ మూడు ఇంజన్లు స్టాండర్డ్ 6-స్పీడ్ మాన్యువల్ గేర్బాక్స్తో జతచేయబడి ఉంటాయి.
MOST READ:బువ్వ తిను, బుల్లెట్ బైక్ పట్టుకెళ్లు: రాయల్ ఎన్ఫీల్డ్ 'బుల్లెట్' థాలి ఛాలెంజ్
ఆటోమేటిక్ గేర్బాక్స్ కావాలనుకునే వారికి కూడా ఇందులో ఆప్షన్లు అందుబాటులో ఉన్నాయి. ఇందులో 1.5 లీటర్ పెట్రోల్ ఇంజన్ 6-స్పీడ్ సివిటి, 1.5 లీటర్ డీజిల్ ఇంజన్ టార్క్-కన్వర్టర్ మరియు 1.4-లీటర్ టర్బో పెట్రోల్ ఇంజన్ 7-స్పీడ్ డిసిటి గేర్బాక్స్తో లభిస్తుంది.
కొత్త హ్యుందాయ్ క్రెటాలో స్టీరింగ్ మౌంటెడ్ కంట్రోల్స్, 7-ఇంచ్ ఇన్స్ట్రుమెంట్ క్లస్టర్, హ్యుందాయ్ అఫీషియల్ బ్లూ-లింక్ కనెక్టివిటీ టెక్నాలజీతో పాటుగా యాపిల్ కార్ప్లే మరియు ఆండ్రాయిడ్ ఆటో వంటి ఫీచర్లను సపోర్ట్ చేసే 10.25 ఇంచ్ టచ్స్క్రీన్ ఇన్ఫోటైన్మెంట్ సిస్టమ్ వంటి ఫీచర్లు ఉన్నాయి.
MOST READ:వామ్మో.. ఆరుగురు పర్యాటకులున్న కారుని నోటితో లాగేసిన పులి [వీడియో]
అంతేకాకుండా, ఇందులో వైర్లెస్ ఛార్జింగ్, వెంటిలేటెడ్ ఫ్రంట్ సీట్స్, కీలెస్ ఎంట్రీ, పుష్-బటన్ స్టార్ట్ / స్టాప్, పానోరమిక్ సన్రూఫ్, ఆంబియెంట్ లైటింగ్, టైర్ ప్రెజర్ మానిటరింగ్ సిస్టమ్, మల్టిపుల్ ఎయిర్బ్యాగ్స్, ఎబిఎస్ విత్ ఇబిడి, ప్యాడల్ షిఫ్టర్స్, ఎలక్ట్రిక్ పార్కింగ్ బ్రేక్, రియర్ పార్కింగ్ కెమెరా మరియు సెన్సార్లు, హిల్-స్టార్ట్ అసిస్ట్, హిల్-డీసెంట్ కంట్రోల్, ఎలక్ట్రానిక్ స్టెబిలిటీ కంట్రోల్ వంటి అధునాతన సాంకేతిక మరియు సేఫ్టీ ఫీచర్లు కూడా ఉన్నాయి.
హ్యుందాయ్ ఇండియా ప్రస్తుతం భారత్లో తన ఎస్యూవీ పోర్ట్ఫోలియోలో వెన్యూ, క్రెటా, టూసాన్ మరియు కోనా ఎలక్ట్రిక్ వాహనాలను కలిగి ఉంది. కాగా, హ్యుందాయ్ క్రెటా ఈ విభాగంలో కియా సెల్టోస్, ఎమ్జి హెక్టర్, టాటా హారియర్, జీప్ కంపాస్ మరియు ఫోక్స్వ్యాగన్ టి-రాక్ వంటి మోడళ్లకు పోటీగా నిలుస్తుంది.