Just In
- 11 hrs ago 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- 11 hrs ago ఇలా చేయడం కరెక్టేనా? తప్పో.. ఒప్పో మీరే చెప్పాలి - వీడియో
- 13 hrs ago నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- 14 hrs ago సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
Don't Miss
- Movies Guppedantha Manasu March 29th: మను ఇక్కడే ఉంటాడంటున్న వసు.. వద్దంటూ గొడవ చేస్తున్న అనుపమ!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
వాహనాల రిజిస్ట్రేషన్ కోసం అర్టీఓ చుట్టూ తిరగాల్సిన పని లేదు; అంతా ఆన్లైన్లోనే..
ఇకపై కొత్త వాహనాల రిజిస్ట్రేషన్ కోసం ఆర్టీఓ కార్యాలయాల చుట్టూ తిరిగాల్సిన పనిలేదు. కొత్త వాహనాల విషయంలో డిజిటల్ వాహనాల రిజిస్ట్రేషన్ ప్రక్రియకు మహారాష్ట్ర రవాణా శాఖ శ్రీకారం చుట్టింది. ఇందులో భాగంగా రాష్ట్రంలో డిజిటల్ వాహనాల నమోదును ప్రవేశపెట్టింది.
ఈ కొత్త ప్రక్రియ ద్వారా వాహనాలను రిజిస్ట్రేషన్ చేయడం ఇప్పుడు పూర్తిగా కాంటాక్ట్లెస్ ప్రక్రియగా మారుతుంది. మహారాష్ట్ర ప్రభుత్వం తీసుకున్న ఈ నిర్ణయాన్ని ఫాడా (ఫెడరేషన్ ఆఫ్ ఆటోమొబైల్ డీలర్స్ అసోసియేషన్) కూడా స్వాగతించింది.
ఈ విధానంలో కొత్త వాహనాలకు సంబంధించిన పత్రాలు ఆన్లైన్లో సమర్పించబడతాయి. అనంతరం, పత్రాలను విజయవంతంగా ధృవీకరించబడిన తర్వాత వాహన సంఖ్య (వెహికల్ రిజిస్ట్రేషన్ నెంబర్) జనరేట్ అవుతుంది. ప్రస్తుతానికి ఈ విధానం పూర్తిగా కొత్త వాహనాల రిజిస్ట్రేషన్లను మాత్రమే వర్తిస్తుంది.
ఈ మేరకు మహారాష్ట్ర రవాణా కమిషనర్ డాక్టర్ అవినాష్ ధకనే జూన్ 8, 2021వ తేదీన ఉత్తర్వులు జారీ చేశారు. ఈ అధికారిక ఉత్తర్వుల ప్రకారం, డీలర్లు వాహన రిజిస్ట్రేషన్ ఫారంలను ఆన్లైన్ పోర్టల్ ద్వారా సమర్పిస్తారు. ఇకపై పూర్తిగా తయారైన కొత్త మోటార్సైకిళ్ళు మరియు కార్ల యొక్క మొదటి రిజిస్ట్రేషన్ కోసం భౌతిక ధృవీకరణ ఉండదు.
కొత్త వాహనం కొనుగోలు చేసే సమయంలోనే వాహన డీలర్లు, రిజిస్ట్రేషన్ ప్రక్రియకు కావల్సిన అన్ని పత్రాలను సేకరించి, ఆన్లైన్లో సమర్పిస్తారు. ఆ తర్వాత డీలర్ల కస్టమర్ నుండి ఇ-సంతకాన్ని డిజిటల్గా సేకరిస్తారు. ఇలా వాహనాలను విజయవంతంగా నమోదు చేసిన తరువాత, డీలర్షిప్ల వద్ద వాహన రిజిస్ట్రేషన్ నెంబర్లు ఆటోమేటిక్గా జనరేట్ అవుతాయి.
అయితే, తమ వాహనాలను ప్రత్యేకమైన లేదా ఫ్యాన్సీ నెంబర్ కోరుకునే కస్టమర్లు మాత్రం తప్పనిసరిగా ఆర్టీఓ కార్యాలయాన్ని సందర్శించాల్సి ఉంటుంది. ఈ డిజిటల్ ప్రక్రియను ప్రవేశపెట్టడానికి మహారాష్ట్ర రాష్ట్ర రవాణా శాఖతో తాము నిరంతరం చర్చలు జరుపుతున్నామని ఫడా తెలిపింది.
కొత్త వాహనాల విషయంలో డిజిటల్ వాహన రిజిస్ట్రేషన్ ప్రక్రియను ఇబ్బంది లేకుండా చేయడానికి ఫడా తమ ఇన్పుట్లను రాష్ట్ర ప్రభుత్వానికి అందించింది. కోవిడ్-19 మహమ్మారి కారణంగా, దేశంలో డిజిటల్ మరియు కాంటాక్ట్లెస్ సేవలకు ప్రధాన్యత సంతరించుకుంది.
ఇందులో భాగంగానే, కొత్త వాహనాలను కొనుగోలు చేసిన కస్టమర్లు, తమ వాహన రిజిస్ట్రేషన్ కోసం ఆర్టీఓ చుట్టూ తిరగాల్సిన అవసరం లేకుండా, ఆ ప్రక్రియను మొత్తం పూర్తిగా ప్రస్తుత కాలానికి అనుగుణంగా డిజిటలైజ్ చేయబడింది. మహారాష్ట్ర బాటలోనే దేశంలో ఇతర రాష్ట్రాలు కూడా ఈ విధానాన్ని అనుసరిస్తే, ఆర్టీఓ కార్యాలయాల వద్ద రద్దీ తగ్గే అవకాశం ఉంటుంది.
కొత్త వాహనాల రిజిస్ట్రేషన్ ప్రక్రియను డిజిటల్ చేయటం ద్వారా, రాష్ట్రంలో కార్ల వ్యాపారం మరింత సులభతరం అవుతుంది. కస్టమర్లు షోరూమ్ల నుండి తమ వాహనాలను వేగంగా మరియు ఇబ్బంది లేకుండా డెలివరీ చేయడానికి మరియు వారి విలువైన సమయాన్ని ఆదా చేయడానికి ఈ ప్రక్రియ అనుమతినిస్తుంది.
ఇదిలా ఉంటే, కేంద్ర ప్రభుత్వం ఆర్టీఓ కార్యాయాల వద్ద అనవసరమైన రద్దీని నివారించడానికి, తద్వారా ఆర్టీఓల పనితీరును పెంచడానికి కొన్ని ఆర్టీఓ సేవలను ఆన్లైన్ చేసింది. లెర్నర్స్ లైసెన్స్ పొందటం, డ్రైవర్ లైసెన్స్ రెన్యువల్ చేసుకోవటం మరియు కొత్త వాహనాలను రిజిస్ట్రేషన్ చేసుకోవటం మొదలైన 18 రకాల ఆర్టీఓ సేవలను ఆన్లైన్ చేస్తున్నట్లు కేంద్ర రోడ్డు రవాణా మరియు రహదారుల మంత్రిత్వ శాఖ పేర్కొంది.
ఈ మేరకు, కేంద్ర రోడ్డు రవాణా మరియు రహదారుల మంత్రిత్వ శాఖ విడుదల చేసి నోటిఫికేషన్లో పేర్కొన్న 18 రకాల సేవలను పొందటానికి వినియోగదారులు ఆర్టీఓ కార్యాలయాన్ని సందర్శించాల్సిన అవసరం లేదని, అయితే వారు ఈ సేవలను పొందాలంటే తప్పనిసరిగా ఆధార్ను కలిగి ఉండాలని వివరించింది. - వీటికి సంబంధించిన పూర్తి వివరాల కోసం ఈ లింకుపై క్లిక్ చేయండి.