రూ.39,000 మేర పెరిగిన మహీంద్రా ఎక్స్‌యూవీ300 ధరలు

అంతేకాకుండా, మహీంద్రా ఎక్స్‌యూవీ300 మోడల్‌లో కంపెనీ కొన్ని ఫీచర్లను కూడా తొలగించింది. ఈ మోడల్ పెట్రోల్ మరియు డీజిల్ ఇంజన్ ఆప్షన్లతో లభిస్తుంది, ఈ రెండు వెర్షన్ల ధరలు పెరిగాయి. పెరిగిన ధరలను ఎక్స్-షోరూమ్ నుండి ఆన్-రోడ్‌కు పోల్చి చూస్తే అవి సుమారు రూ.90,000 వరకు ప్రభావితం చేస్తాయి.

మహీంద్రా ఎక్స్‌యూవీ300 వేరియంట్ లైనప్‌లో పెట్రోల్ వెర్షన్ ధరలు రూ.1000 నుండి రూ.36,000 వరకూ పెరగగా, డీజిల్ వెర్షన్ ధరలు రూ.27,000 నుండి రూ.39,000 వరకూ పెరిగాయి. కంపెనీ ఈ మోడల్ ధరలను పెంచడమే కాకుండా, ఇందులో ఆఫర్ చేసే కొన్ని ఫీచర్లను కూడా తొలగించింది.

MOST READ:బెంగళూరులో అందుబాటులో ఉన్న ఆక్సిజన్ బస్సులు; పూర్తి వివరాలు

అప్‌డేట్ చేయబడిన మహీంద్రా ఎక్స్‌యూవీ300లో ఇప్పుడు రెండ వరుసలో రెండు 3-పాయింట్ సీట్ బెల్ట్‌లను మాత్రమే ఉంచింది. అంటే, మిడిల్ ప్యాసింజర్‌కు కేవలం ల్యాప్‌బెల్ట్ మాత్రమే ఉంటుంది. అలాగే, ఇప్పటి వరకూ ఈ కారులో ఆఫర్ చేసిన హీటెడ్ సైడ్ మిర్రర్స్ ఫీచర్‌ను కూడా కంపెనీ తొలగించింది.

ధరల సవరణ అనంతరం మహీంద్రా ఎక్స్‌యూవీ300 డబ్ల్యూ 4 పెట్రోల్ ఇంజన్ వేరియంట్ ధర రూ.7.96 లక్షలు కాగా, డబ్ల్యూ 6 మరియు డబ్ల్యు6 ఏఎమ్‌టి ధరలు వరుసగా రూ.9.70 లక్షలు, రూ .10.25 లక్షలుగా ఉన్నాయి (అన్ని ధరలు ఎక్స్-షోరూమ్).

MOST READ:వేలానికి సిద్ధంగా ఉన్న సూపర్ కండిషన్‌లో ఉన్న 42 ఏళ్ల మెర్సిడెస్ బెంజ్; వివరాలు

అలాగే, మహీంద్రా ఎక్స్‌యూవీ300 డబ్ల్యూ 8 పెట్రోల్ ఇంజన్ ధర రూ.10.31 లక్షలు, డబ్ల్యూ 8 (ఓ) ధర రూ.11.47 లక్షలు మరియు దాని ఏఎమ్‌టి వేరియంట్‌ ధర రూ.12.13 లక్షలుగా ఉన్నాయి (అన్ని ధరలు ఎక్స్-షోరూమ్).

డీజిల్ వేరింట్ల ధరల విషయానికి వస్తే, డబ్ల్యూ 4 ధర రూ.8.97 లక్షలు, డబ్ల్యూ 6 ధర రూ.10.31 లక్షలు, డబ్ల్యూ 6 ఏఎమ్‌టి వేరియంట్ ధర రూ.10.95 లక్షలుగా ఉన్నాయి. అలాగే, డబ్ల్యూ 8 ధర రూ.11.50 లక్షలు, డబ్ల్యూ 8 (ఓ) ధర రూ.12.27 లక్షలు, ఎఎమ్‌టి వేరియంట్‌ ధర రూ.12.94 లక్షలుగా ఉన్నాయి (అన్ని ధరలు ఎక్స్-షోరూమ్).

MOST READ:కూరగాయల అమ్మకానికి కొత్త టయోటా ఫార్చ్యూనర్.. వినటానికి వింతగా ఉన్నా, ఇది నిజమే

మొత్తంగా చూసుకుంటే, ఈ మహీంద్రా ఎక్స్‌యూవీ300 ఎస్‌యూవీ ధరలను రూ.1,000 నుంచి రూ.39,000 మధ్యలో పెంచారు. ఈ కారులో లభించే కొన్ని కీలకమైన ఫీచర్లను గమనిస్తే, ఇందులో డ్యూయల్ టోన్ డాష్‌బోర్డ్, బాడీ కలర్ డోర్ హ్యాండిల్ మరియు సైడ్ మిర్రర్స్, స్టీరింగ్‌పై ఆడియో కంట్రోల్, సెంట్రల్ లాకింగ్, పవర్ విండోస్, 8 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్ మొదలైనవి ఉన్నాయి.

సేఫ్టీ ఫీచర్ల విషయానికొస్తే, మహీంద్రా ఎక్స్‌యూవీ300 యొక్క డబ్ల్యూ 6 వేరియంట్‌లో ఏబిఎస్ విత్ ఇబిడి, 2 ఎయిర్‌బ్యాగులు, నాలుగు చక్రాలపై డిస్క్ బ్రేక్‌లు, సీట్ బెల్ట్ రిమైండర్, స్పీడ్ సెన్సింగ్ డోర్ లాక్ వంటి ఫీచర్లు లభిస్తాయి.

MOST READ:ఈ బైక్ ఏదో గుర్తించగలరా.. ఒక్కసారి చూసి ట్రై చేయండి

ఇక ఇంజన్ పరంగా చూసుకుంటే, ఇందులోని 1.5 లీటర్ 4-సిలిండర్ డీజిల్ ఇంజన్ గరిష్టంగా 115 బిహెచ్‌పి పవర్‌ను మరియు 300 ఎన్ఎమ్ టార్క్‌ను ఉత్పత్తి చేస్తుంది. అలాగే, ఇందులోని 1.2-లీటర్ టర్బో పెట్రోల్ ఇంజన్ గరిష్టంగా 110 బిహెచ్‌పి పవర్‌ను మరియు 200 ఎన్ఎమ్ టార్క్‌ను ఉత్పత్తి చేస్తుంది.

ఆసక్తికరమైన విషయం ఏంటంటే, గ్లోబల్ ఎన్‌సిఎపి నిర్వహించిన క్రాష్ టెస్టులో మహీంద్రా ఎక్స్‌యూవీ300 5 స్టార్ సేఫ్టీ రేటింగ్‌ను దక్కించుకొని, భారతదేశంలో లభిస్తున్న కార్లలో అత్యంత సురక్షితమైన కారుగా నిలిచింది. ఈ క్రాష్ టెస్టులో అడల్ట్ సేఫ్టీలో 5-స్టార్ రేటింగ్ లభించగా, చైల్డ్ సేఫ్టీలో 4-స్టార్ రేటింగ్ లభించింది. ఇది గ్లోబల్ ఎన్‌సిఎపి పరీక్షించిన భారత కార్లలోనే అత్యధిక సేఫ్టీ రేటింగ్.