కోవిడ్-19 ఎఫెక్ట్: వారం రోజుల పాటు ఎమ్‌జి మోటార్స్ ప్లాంట్ మూసివేత!

ఈ నేపథ్యంలో, చైనీస్ కార్ బ్రాండ్ ఎమ్‌జి మోటార్ ఇండియా, గుజరాత్‌లోని తమ హలోల్ ప్లాంట్‌లో ఉత్పత్తిని తాత్కాలికంగా నిలిపివేస్తున్నట్లు ప్రకటించింది. ఏప్రిల్ 29 నుండి మే 5 వరకు ఈ ప్లాంట్‌ను తాత్కాలికంగా మూసివేస్తున్నట్లు కంపెనీ ప్రకటించింది.

దేశంలో 'కోవిడ్ గొలుసును విచ్ఛిన్నం చేసే' ప్రయత్నంలో భాగంగా, తమ ప్లాంట్‌లో ఉత్పత్తికి తాత్కాలికంగా బ్రేక్ ఇస్తున్నామని ఎమ్‌జి మోటార్ ఇండియా ప్రెసిడెంట్ మరియు మేనేజింగ్ డైరెక్టర్ రాజీవ్ చాబా ధృవీకరించారు.

MOST READ:రూ. 10 కోట్ల విలువైన కారులో ప్రయాణించిన యూట్యూబర్ ఏం చెప్పాడంటే?

సోషల్ మీడియా వేదికగా ఆయన ఈ విషయాన్ని వెల్లడించారు. కోవిడ్ గొలుసును విచ్ఛిన్నం చేయడానికి వడోదరలోని హలోల్ ప్లాంట్‌ను 7 రోజుల పాటు మూసివేయాలని తాము నిర్ణయించుకున్నామని, తమ ఉద్యోగులు ఈ కఠినమైన సమయాల్లో సురక్షితంగా ఉండటానికి మరియు సమాజాన్ని జాగ్రత్తగా చూసుకోవడానికి కట్టుబడి ఉన్నారని ఆయన తన ట్వీట్‌లో తెలిపారు.

ప్రస్తుతం గుజరాత్ కోవిడ్-19 కేసులు విపరీతంగా పెరుగుతున్నాయి. ఈ పరిస్థితుల్లో ఎమ్‌జి మోటార్ ఇండియా తమ ఉద్యోగులు మరియు సమాజం పట్ల జాగ్రత్త వహించేందుకు ఈ నిర్ణయం తీసుకుంది. కంపెనీ తీసుకున్న ఈ నిర్ణయం వలన ఉత్పత్తికి అంతరాయం ఏర్పడి, వాహనాల వెయిటింగ్ పీరియడ్ మరింత పెరిగే అవకాశం ఉంది.

MOST READ:మారుతి సుజుకి మాజీ ఎండి 'జగదీష్ ఖత్తర్' మృతి; వివరాలు

గడచిన మార్చి 2021 నెలలో కంపెనీ తమ వాహనాల వెయిటింగ్ పీరియడ్‌కు సంబంధించి ఓ ప్రకటన చేసిన సంగతి తెలిసినదే. భారత మార్కెట్లో తాము విక్రయిస్తున్న కార్లకు ఏర్పడుతున్న భారీ డిమాండ్ కారణంగా, వాటి వెయిటింగ్ పీరియడ్ కూడా భారీగా పెరిగిపోతోంది.

ప్రస్తుతం కొత్తగా తమ కార్లు కొనుగోలు చేసే కస్టమర్లు, వాటి డెలివరీ కోసం సుమారు 2-3 నెలలు వేచి ఉండాల్సి వస్తోందని కంపెనీ పేర్కొంది. ఎమ్‌జి మోటార్ ఇండియా ప్రస్తుతం దేశీయ మార్కెట్లో హెక్టర్, హెక్టర్ ప్లస్, గ్లోస్టర్ మరియు ఎమ్‌జి జెడ్ఎస్ ఈవీ అనే నాలుగు ఎస్‌యూవీలను విక్రయిస్తోంది.

MOST READ:అలెర్ట్: కర్ణాటకలో 14 రోజుల కఠిన ఆంక్షలతో కరోనా లాక్‌డౌన్

గుజరాత్‌లో ఉన్న హలోల్ ప్లాంట్‌లో ఎమ్‌జి మోటార్ ఈ నాలుగు మోడళ్లను తయారు చేస్తోంది. ప్రస్తుతం ఈ ప్లాంట్ ఏటా 80,000 వాహనాలను ఉత్పత్తి చేయగల సామర్థ్యాన్ని కలిగి ఉంది. గతంలో అమెరికన్ కార్ బ్రాండ్ జనరల్ మోటార్స్ ఈ ప్లాంట్‌ను ఆపరేట్ చేసేది. జనరల్ మోటార్స్ నుండి ఎమ్‌జి మోటార్ ఈ ప్లాంట్‌ను కొనుగోలు చేసింది.

ఇదిలా ఉంటే, ప్రస్తుత సంక్షోభ సమయంలో ప్రజలకు సహాయం చేయడం కోసం ఈ కంపెనీ ముందుకొచ్చింది. ఇందులో భాగంగా, మెడికల్ ఆక్సిజన్ ఉత్పత్తిని పెంచడానికి ఎమ్‌జి మోటార్ కంపెనీ మోక్సీకి చెందిన దేవానందన్ గ్యాసెస్‌తో చేతులు కలిపింది. వడోదరలోని ప్రధాన వైద్య ఆక్సిజన్ ఉత్పత్తిదారులలో దేవానందన్ గ్యాసెస్ కూడా ఒకటి.

MOST READ:భారత మార్కెట్లో టాప్ 5 బెస్ట్ మైలేజ్ కార్లు.. వివరాలు