Just In
- 4 hrs ago 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- 5 hrs ago మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- 7 hrs ago కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- 9 hrs ago వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి (వీడియో)
Don't Miss
- Sports DC vs GT: రఫ్ఫాడించిన ముఖేష్ కుమార్.. ఓడిపోయే మ్యాచ్లో గెలిచిన ఢిల్లీ!
- News హైదరాబాద్, కరీంనగర్ కాంగ్రెస్ అభ్యర్థులు వీరే: ఖమ్మంలో హీరో వెంకటేష్ వియ్యంకుడు
- Movies అలాంటి దుస్తులు ధరిస్తే మానభంగాలా? అనసూయ పోస్టు వైరల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
భారత్లో మెర్సిడెస్-మేబాక్ జిఎల్ఎస్ 600 ఎస్యూవీ విడుదల ఖరారు
జర్మన్ లగ్జరీ కార్ బ్రాండ్ మెర్సిడెస్ బెంజ్, భారత మార్కెట్లో మరో కొత్త ఖరీదైన కారును ప్రవేశపెట్టబోతోంది. వచ్చే వారంలో దేశీయ విపణిలో మేబాక్ జిఎల్ఎస్ 600 అల్ట్రా లగ్జరీ ఎస్యూవీని విడుదల చేయనున్నట్లు మెర్సిడెస్ బెంజ్ ఇండియా ప్రకటించింది. ఆ వివరాలేంటో తెలుసుకుందాం రండి.
మేబాక్ అనేది మెర్సిడెస్ బెంజ్ యొక్క ఆల్ట్రా లగ్జరీ కార్ బ్రాండ్, ఈ బ్రాండ్ పేరుతో కంపెనీ ప్రపంచ వ్యాప్తంగా అత్యంత విలాసవంతమైన మరియు ఖరీదైన కార్లను తయారు చేస్తుంటుంది. మెర్సిడెస్-మేబాక్ లైనప్ నుండి వస్తున్న మొట్టమొదటి ఎస్యూవీ ఈ జిఎల్ఎస్ 600. దీనిని తొలిసారిగా 2019లో ఆవిష్కరించారు. గతేడాది పలు అంతర్జాతీయ మార్కెట్లలో ప్రవేశపెట్టారు.
మెర్సిడెస్-మేబాక్ జిఎల్ఎస్ 600 భారత మార్కెట్లోకి రాబోతున్న కొత్త వేరియంట్ అవుతుంది. స్టాండర్డ్ మెర్సిడెస్ బెంజ్ జిఎల్ఎస్ 600తో పోలిస్తే, ఈ మేబాక్ వెర్షన్ అల్ట్రా-లగ్జరీ ఎస్యూవీలో అనేక మార్పులు ఉంటాయి. ఈ స్పెషల్ జిఎల్ఎస్ 600 మేబాక్ ఎక్స్టీరియర్ మరియు ఇంటీరియర్లలో పలు బెస్పోక్ ఫీచర్స్ మరియు మెటీరియల్స్ ఉంటాయి.
మెర్సిడెస్-మేబాక్ జిఎల్ఎస్ 600 ఎస్యూవీలో క్రోమ్లో ఫినిష్ చేసిన ఎక్స్టీరియర్ ట్రిమ్స్ ఉంటాయి. వీటిలో పెద్ద వెర్టికల్ స్లాట్ గ్రిల్, విండో లైన్, సైడ్-స్టెప్, ముందు మరియు వెనుక బంపర్లపై డిజైన్ ట్వీక్స్, రూఫ్ రెయిల్స్ మరియు ఎగ్జాస్ట్ టిప్స్ ఉన్నాయి.
ఈ ప్రీమియం లగ్జరీ ఎస్యూవీలో పెద్ద 22 ఇంచ్ లేదా 23 ఇంచ్ బ్రష్డ్ మల్టీ-స్పోక్ అల్లాయ్ వీల్స్, డ్యూయెల్ టోన్ పెయింట్ స్కీమ్, బ్లాక్ కలర్లో ఫిని చేయబడిన విండో పిల్లర్స్ మరియు రూఫ్, 'మేబాక్' బ్రాండ్ చిహ్నం మొదలైన ఫీచర్లు కూడా ఉన్నాయి.
మేబాక్ జిఎల్ఎస్ 600 ఇంటీరియర్ ఫీచర్లను గమనిస్తే, ఇదివరకు చెప్పుకున్నట్లుగా, ఈ ఎస్యూవీ బెస్పోక్ మెటీరియల్ మరియు ఫీచర్లను కలిగి ఉంటుంది. వెనుక సీట్లలో గరిష్ట లగ్జరీ కోసం పూర్తి పవర్ ఆపరేటెడ్ రిక్లైనింగ్ లెథర్ సీట్లను ఆఫర్ చేయనున్నారు. ఈ సీట్లు వెంటిలేషన్తో పాటుగా మసాజింగ్ ఫంక్షన్ను కూడా కలిగి ఉంటాయి.
వెనుక సీటులోని ప్రయాణీకుల అనుభవాన్ని మరింత విలాసంగా మరియు వినోదాత్మకంగా మార్చేందుకు ఇందులో పెద్ద టచ్స్క్రీన్ డిస్ప్లే యూనిట్స్ కూడా ఉంటాయి. వెనుక వైపు మధ్యలో అమర్చిన టాబ్లెట్ స్క్రీన్ సాయంతో వెనుక సీట్లలోని ప్రయాణీకులను కారులోని వివిధ అంశాలను యాక్సెస్ చేయవచ్చు. ఇందులో ఆడియో, క్లైమేట్ కంట్రోల్, యాంబియంట్ లైటింగ్, సన్షేడ్స్ మరియు నావిగేషన్ మొదలైనవి ఉన్నాయి.
అంతేకాకుండా, వెనుక వరుసలో ఫోల్డింగ్ టాబ్లెట్స్ మరియు రిఫ్రిజిరేటర్ సౌకర్యం కూడా ఉంటుంది. ఇంకా ఇందులో పెద్ద పనోరమిక్ మూన్రూఫ్, 12.3 ఇంచ్ ఎమ్బియూఎక్స్ ఇన్ఫోటైన్మెంట్ సిస్టమ్ మరియు 12.3 ఇంచ్ డిజిటల్ ఇన్స్ట్రుమెంట్ క్లస్టర్, బర్మెస్టర్ సరౌండ్ సౌండ్ సిస్టమ్, 64 రంగులతో కూడిన ఎల్ఈడి ఆప్టికల్ ఫైబర్ యాంబియంట్ లైటింగ్ వంటి మరిన్నో ఫీచర్లు ఈ కారులో ఉన్నాయి.
ఈ కారులో ఆసక్తికరమైన ఫీచర్ ఏంటంటే, ఇందులో ఇ-యాక్టివ్ బాడీ కంట్రోల్ సస్పెన్షన్ సిస్టమ్ ఉంటుంది. ఇది కెమెరా ద్వారా రహదారిని స్కాన్ చేసి, దానికి అనుగుణంగా సస్పెన్షన్ను ఆటోమేటిక్గా సర్దుబాటు చేస్తుంది. ఈ ఫీచర్ వలన ఈ ఆల్ట్రా-ప్రీమియం లగ్జరీ ఎస్యూవీలో డ్రైవింగ్ అనుభూతి చాలా అల్ట్రా స్మూత్గా అనిపిస్తుంది.
ఇంజన్ విషయానికి వస్తే, మెర్సిడెస్-మేబాక్ జిఎల్ఎస్ 600 ఎస్యూవీలో శక్తవంతమైన 4.0-లీటర్ వి8 ఇంజన్ను ఉపయోగించారు. ఈ ఇంజన్ గరిష్టంగా 550 బిహెచ్పి శక్తిని మరియు 730 ఎన్ఎమ్ టార్క్ను ఉత్పత్తి చేస్తుంది. ఈ ఇంజన్ 21 బిహెచ్పి శక్తిని మరియు 249ఎన్ఎమ్ టార్క్ను ఉత్పత్తి చేసే ఇంటిగ్రేటెడ్ ఈక్యూ బూస్ట్ స్టార్టర్-జనరేటర్ను కూడా కలిగి ఉంటుది.
ఈ కారులోని ఇంజన్ 9 జి-ట్రోనిక్ ఆటోమేటిక్ ట్రాన్స్మిషన్కు జతచేయబడి ఉంటుంది మరియు ఇది ఇంజన్ నుండి వచ్చే శక్తిని నాలుగు చక్రాలకు సమానంగా పంపిణీ చేస్తుంది. మేబాక్ జిఎల్ఎస్ 600 కేవలం 4.9 సెకన్లలోనే గంటకు 0 నుండి 100 కిలోమీటర్ల వేగాన్ని చేరుకుంటుంది మరియు ఈ కారు గరిష్ట వేగాన్ని యాంత్రికంగా గంటకు 250 కిలోమీటర్లకు మాత్రమే పరిమితం చేశారు.