Just In
- 13 hrs ago ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- 14 hrs ago క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- 17 hrs ago వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- 19 hrs ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
Don't Miss
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Movies కట్టె పుల్లకు చీరకట్టినా.. మగాళ్ల ప్రవర్తనపై బిగ్బాస్ బ్యూటీ హిమజ హాట్ కామెంట్
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
టాటా మోటార్స్ జూన్ 2021 మోడల్ వారీగా సేల్స్ రిపోర్ట్; మొదటి స్థానంలో నెక్సాన్, చివరి స్థానంలో?
భారతదేశంలో ప్రముఖ వాహన తయారీదారుగా ప్రసిద్ధి చెందిన టాటా మోటార్స్, ఇటీవల తన జూన్ 2021 అమ్మకాల నివేదికలను విడుదల చేసింది. దీని ప్రకారం 2021 జూన్ నెలలో మంచి అమ్మకాలు జరిపినట్లు తెలుస్తోంది. 2020 జూన్ తో పోలిస్తే ఈ ఏడాది 2021 జూన్లో కంపెనీ అమ్మకాలు దాదాపు 111 శాతం పెరిగాయి.
2021 జూన్ నెలలో కంపెనీ మొత్తం 24,111 యూనిట్ల ప్యాసింజర్ వాహనాలను విక్రయించింది. అయితే 2020 జూన్ లో కంపెనీ మొత్తం 11,419 యూనిట్ల ప్యాసింజర్ వాహనాలను విక్రయించింది. దీన్నిబట్టి చూస్తే కంపెనీ అమ్మకాలు ఈ నెలలో బాగా పెరిగాయి.
ఇదిలా ఉండగా టాటా మోటార్స్ యొక్క నెలవారీ అమ్మకాల విషయానికి వస్తే, కంపెనీ అమ్మకాలు ఏకంగా 59 శాతం పెరిగాయి. టాటా మోటార్స్ మే 2021 లో మొత్తం 15,180 యూనిట్ల ప్యాసింజర్ వాహనాలను విక్రయించింది.
టాటా మోటార్స్ యొక్క మోడల్ వారీ అమ్మకాల నివేదికను పరిశీలిస్తే, 2021 జూన్ నెలలో టాటా మోటార్స్ తన కాంపాక్ట్ ఎస్యూవీ టాటా నెక్సాన్ ను ఎక్కువ అమ్మినట్లు తెలుస్తోంది. కంపెనీ గత నెలలో 8,033 యూనిట్లను విక్రయించగా, గత ఏడాది జూన్ లో 3,040 యూనిట్లను విక్రయించింది. దీని అమ్మకాలు మునుపటికంటే పెరిగాయి.
టాటా మోటార్స్ యొక్క ప్రీమియం హ్యాచ్బ్యాక్ టాటా ఆల్ట్రోజ్ కారు అమ్మకాల పరంగా రెండవ స్థానంలో ఉంది. ఇది గత నెలలో 6,350 యూనిట్లు అమ్ముడయ్యింది. అదే విధంగా గత ఏడాది అంటే 2020 జూన్ నెలలో కంపెనీ 3,104 యూనిట్లను మాత్రమే విక్రయించగలిగింది. ఈ ఏడాది టాటా ఆల్ట్రోజ్ అమ్మకాలు 104.57% పెరిగాయి.
ఇక టాటా మోటార్స్ యొక్క ఎంట్రీ లెవల్ హ్యాచ్బ్యాక్ 'టాటా టియాగో' అమ్మకాల విషయానికి వస్తే, కంపెనీ గత నెలలో 4,881 యూనిట్లను విక్రయించింది. అదే విధంగా 2020 లో 4,069 యూనిట్లను విక్రయించింది. టాటా టియాగో యొక్క ఈ ఏడాది అమ్మకాలు 19.96 శాతం పెరిగినట్లు నివేదికల ద్వారా తెలిసింది.
కంపెనీ యొక్క ఫుల్ సైజ్ 5-సీట్స్ ఎస్యూవీ టాటా హారియర్ ఈ నెల అమ్మకాల్లో నాల్గవ స్థానంలో ఉంది. గత నెలలో కంపెనీ ఈ ఎస్యూవీని 2,041 యూనిట్లను విక్రయించగలిగింది. ఇదే నెలలో గత సంవత్సరం కంపెనీ 653 యూనిట్లను మాత్రమే విక్రయించింది. అంటే దీని ప్రకారం ఈ ఏడాది అమ్మకాలు 212.56 శాతం పెరిగాయి.
ఇవి మాత్రమే కాకుండా, కంపెనీ కొత్త 7 సీట్స్ ఎస్యూవీ టాటా సఫారి విషయానికి వస్తే, గత నెలలో ఈ కారు మొత్తం 1,730 యూనిట్లను విక్రయించింది. అదే విధంగా మే 2021 అమ్మకాలతో పోలిస్తే, దాని అమ్మకాలలో 12.63 శాతం పెరుగుదల ఉంది. దీని 1,536 యూనిట్లు మే 2021 లో అమ్ముడయ్యాయి.
టాటా మోటార్స్ యొక్క అమ్మకాల జాబితాలో చివరి స్థానంలో టాటా టిగోర్ చేరింది. టాటా టిగోర్ గత నెలలో మార్కెట్లో 1,076 యూనిట్లు మాత్రమే అమ్ముడుపోయింది. అదే సమయంలో గత ఏడాది జూన్ నెలలో కంపెనీ 553 యూనిట్లను మార్కెట్లో విక్రయించింది. గత అమ్మకాలకంటే ఈ జూన్ నెలలో అమ్మకాలు దాదాపు 94.58 శాతం పెరిగింది.