Just In
- 50 min ago ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- 2 hrs ago కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- 4 hrs ago రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- 4 hrs ago కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి (వీడియో)
Don't Miss
- Finance Insurance Company: ఈ శని, ఆదివారాలు తెరిచి ఉండనున్న బీమా కంపెనీలు..
- News జగన్ సీఎం కావాలని చెప్పుల్లేకుండా అభిమాని దీక్ష-స్వయంగా వెళ్లి విరమింపజేసిన వైనం..!
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Movies Yuva Movie Collections పునీత్ రాజ్కుమార్ ఫ్యామిలీ నుంచి మరో హీరో.. యువ మూవీకి రికార్డు కలెక్షన్లు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
ఫోక్స్వ్యాగన్ టి-రాక్ మరియు టిగువాన్ ఎస్యూవీలు మళ్ళీ వస్తున్నాయ్..
ఫోక్స్వ్యాగన్ ఇండియా, దేశీయ మార్కెట్లో తన ప్రస్తుత వాహన పోర్ట్ఫోలియోను విస్తరించనున్నట్లు ప్రకటించింది. ప్రస్తుతం ఉన్న మోడళ్లకు అదనంగా, టి-రోక్ ఎస్యూవీతో మరిన్ని కొత్త మోడళ్లను జోడించనున్నట్లు కంపెనీ తెలిపింది.
భారతదేశంలో ఫోక్స్వ్యాగన్ టి-రోక్ ఎస్యూవీ యొక్క మొదటి బ్యాచ్ ఇప్పటికే పూర్తిగా అమ్ముడైపోయిన సంగతి తెలిసినదే. ఈ నేపథ్యంలో, ఈ మోడల్ రెండ బ్యాచ్ను ప్రారంభించేందుకు కంపెనీ సన్నాహాలు చేస్తోంది. టి-రోక్ను పూర్తిగా విదేశాల్లో తయారు చేసి, ఇక్కడి మార్కెట్లో దిగుమతి చేసుకుంటున్నారు.
గతేడాది భారత మార్కెట్లో విడుదలైన ఫోక్స్వ్యాగన్ టి-రోక్ మొదటి బ్యాచ్లో భాగంగా, కంపెనీ 1,000 యూనిట్లను దేశీయ మార్కెట్లోకి దిగుమతి చేసుకుంది. ఈ మోడల్కి మార్కెట్ నుండి అద్భుతమైన స్పందన రావడంతో, ఈ ఎస్యూవీని ప్రారంభించిన కొన్ని నెలల్లోనే అన్ని యూనిట్లు అమ్ముడైపోయాయి.
MOST READ:ఈ ఏడాది భారత్లో లాంచ్ కానున్న టాప్ 5 కార్లు : వివరాలు
కాగా, ఇప్పుడు భారత మార్కెట్లో ఈ ఎస్యూవీని రీస్టాక్ చేయనున్నట్లు కంపెనీ ధృవీకరించింది. ఇది మునుపటిలాగే సిబియూ (కంప్లీట్లీ బిల్ట్ యూనిట్) రూట్లో దేశానికి దిగుమతి కానుంది. ఒకవేళ కంపెనీ ఈ మోడల్ను స్థానికంగా అసెంబుల్ చేయాలనుకుంటే, సికెడి (కంప్లీట్లీ నాక్డ్ డౌన్) రూట్లో విడిభాగాలను భారత్కు దిగుమతి చేసుకొనే అవకాశం ఉంది.
ఫోక్స్వ్యాగన్ టి-రోక్ ఎస్యూవీ ఒకే ఇంజన్ మరియు ఒకే ట్రాన్స్మిషన్ ఆప్షన్తో ఒకే ఒక్క వేరియంట్లో మాత్రమే లభిస్తుంది. మార్కెట్లో ఈ ఎస్యూవీ ధర రూ .19.99 లక్షలు, ఎక్స్షోరూమ్ (ఇండియా)గా ఉంది.
MOST READ:ముఖేష్ అంబానీ సెక్యూరిటీలో చేరిన 4 కొత్త కార్లు.. ఒక్కక్కటి 2 కోట్లకు పైమాటే
ఈ ఎస్యూవీలో పవర్ఫుల్ 1.5 లీటర్ టిఎస్ఐ పెట్రోల్ ఇంజన్ ఉంటుంది. ఈ ఇంజన్ గరిష్టంగా 148 బిహెచ్పి పవర్ను మరియు 240 ఎన్ఎమ్ టార్క్ను ఉత్పత్తి చేస్తుంది. ఇంజిన్ సెవన్-స్పీడ్ డిఎస్జి ఆటోమేటిక్ ట్రాన్స్మిషన్తో జతచేయబడి ఉంటుంది.
ఫోక్స్వ్యాగన్ టి-రోక్ కేవలం 8.4 సెకన్లలోనే గంటకు 0 నుండి 100 కి.మీ వేగాన్ని చేరుకోగలదు. దీని గరిష్టం వేగం గంటకు 205 కిలోమీటర్లుగా ఉంటుందని ఫోక్స్వ్యాగన్ పేర్కొంది.
ఇకపోతే, ఫోక్స్వ్యాగన్ టి-రోక్తో పాటుగా, 5-సీటర్ వెర్షన్ ఫోక్స్వ్యాగన్ టిగువాన్ ఎస్యూవీని కూడా సరికొత్త ఇంజన్తో తిరిగి భారత మార్కెట్లో ప్రారంభించాలని కంపెనీ ప్లాన్ చేస్తోంది. ఫేస్లిఫ్టెడ్ 2021 ఫోక్స్వ్యాగన్ టిగువాన్ను గతేడాది అంతర్జాతీయ మార్కెట్లలో విడుదల చేశారు. ఈ ఏడాది ఏప్రిల్ నాటికి ఫోక్స్వ్యాగన్ టి-రోక్ ఎస్యూవీ మరియు ఫేస్లిఫ్టెడ్ టిగువాన్ భారత్లో విడుదల కావచ్చని అంచనా.
MOST READ:సైనికుల కోసం బుల్లెట్ బైక్లనే మొబైల్ అంబులెన్స్లుగా మార్చేశారు..
ఫేస్లిఫ్ట్ వెర్షన్ ఫోక్స్వ్యాగన్ టిగువాన్ కొత్త ఫ్రంట్ మరియు రియర్ డిజైన్ను కలిగి ఉంటుంది. ఇందులో హెడ్లైట్ క్లస్టర్తో విలీనం అయ్యే రీడిజైన్ చేయబడిన ఫ్రంట్ గ్రిల్ ఉంటుంది, ఇది చూడటానికి గోల్ఫ్ 8 మోడల్లో కనిపించినట్లుగా ఉంటుంది. ఇంకా ఇందులో కొత్త హెడ్ల్యాంప్ సెటప్, కొత్త అల్లాయ్ వీల్స్ డిజైన్ వంటి మార్పులు కూడా ఉండనున్నాయి.
ఫోక్స్వ్యాగన్ టిగువాన్ ధరను అందుబాటులో ఉంచేందుకు గానూ దీనిని కేవలం ఫ్రంట్-వీల్-డ్రైవ్ వేరియంట్గానే విడుదల చేసే అవకాశం ఉంది. ఫేస్లిఫ్టెడ్ 5 సీటర్ ఫోక్స్వ్యాగన్ టిగువాన్ ఎస్యూవీని కూడా సిబియు మార్గంలో భారతదేశానికి తీసుకువచ్చే అవకాశం ఉంది. లేదంటే, ప్రత్యామ్నాయంగా దీనిని పూణేలోని కంపెనీ చాకన్ ప్లాంట్లో అసెంబ్లింగ్ చేసే సామర్థ్యం కూడా ఫోక్స్వ్యాగన్కి ఉంది.
MOST READ:కార్ డ్రైవర్ల గురించి సంచలన నిజాలు బయటపెట్టిన సర్వే.. ఏంటి ఆ నిజాలు
మునుపటి ఫోక్స్వ్యాగన్ టిగువాన్లో 2.0-లీటర్ టిడిఐ ఇంజన్ను ఉపయోగించారు. అయితే, టి-రోక్ ఎస్యూవీలో ఉపయోగించే ఇంజన్ ఆప్షన్లనే కొత్త టిగువాన్ ఎస్యూవీలో కూడా ఆఫర్ చేయవచ్చని సమాచారం. ఈ కొత్త మోడల్లో 48వి హైబ్రిడ్ సిస్టమ్ కూడా ఉండొచ్చనే వార్తలు వినిపిస్తున్నాయి.