Just In
- 1 hr ago మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- 15 hrs ago వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- 18 hrs ago ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- 20 hrs ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
Don't Miss
- Finance Ola Cabs IPO: త్వరలో ఓలా క్యాబ్స్ ఐపీఓ..
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- News టీడీపీ ప్లాన్ బీ- వంగవీటి రాధాకు టికెట్?
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Movies Karthika Deepam 2 April 20th: దీపపై పగతో రగిలిపోతున్న నర్సింహ.. శౌర్యని ఇక్కడే చదివిస్తానంటున్న దశరద్!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
కాలుష్యం విషయంలో ఆధునిక కార్లు, ఎలక్ట్రిక్ కార్లతో పోలిస్తే పురాతన కార్లే చాలా బెస్ట్: రిపోర్ట్
భారత ఆటోమొబైల్ మార్కెట్ చాలా వైవిధ్యమైనది. ప్రస్తుతం మనదేశం ప్రపంచంలోని అతిపెద్ద కార్ మార్కెట్లలో ఒకటిగా ఉంది. భారతదేశ రోడ్లపై చాలా ఏళ్ల క్రితమే కార్లు తిరగడం ప్రారంభించాయి. ఆనాటి కార్లు చాలా అద్బుతమైనవి మరియు ఇప్పటికీ కొంతమంది కార్ కలెక్టర్ల వద్ద అలనాటి క్లాసిక్ కార్లు చాలా అందమైన స్థితిలో ఉన్నాయి. మారుతున్న కాలంతో పాటే కార్లు రూపాలు మారాయి మరియు వాటిలో ఉపయోగించే ఇంజన్లు అలాగే అవి విడుదల చేసే ఉద్ఘారస్థాయిలు అన్నీ మారాయి.
సాధారణంగా పాత కార్లు నేటి ఆధునిక కార్లతో పోలిస్తే చాలా ఎక్కువ కాలుష్య ఉద్ఘారాలను విడుదల చేస్తాయని చాలా మంది భావించవచ్చు. కానీ, అది పూర్తిగా అవాస్తవమని నేటి ఆధునిక కార్లు మరియు ఆధునిక ఎలక్ట్రిక్ కార్ల కంటే కూడా ఆనాటిక క్లాసిక్ కార్లే పర్యావరణానికి తక్కువ హాని కలిగిస్తాయని ఇటీవలి అధ్యయనం మరియు కొన్ని నివేదికలు వెల్లడిస్తున్నాయి. పాత కార్ల ఉద్ఘారాల విషయంలో ఉన్న చాలా మంది అపోహలను ఈ నివేదికలు తొలగించనున్నాయి.
బిఎస్6 వంటి తాజాగా ఉద్ఘారాల నేపథ్యంలో, క్లాసిక్ కార్ యజమానులు తమ పాత కార్లను కేవలం గ్యారాజ్లకు మాత్రమే పరిమితం చేశారు. వాటిని బయటకుతీస్తే ఎక్కడ పర్యావరణానికి హాని జరుగుతుందో లేక ట్రాఫిక్ పోలీసులు భారీ జరిమానాలు విధిస్తారో అనే ఉద్దేశ్యంతో సదరు క్లాసిక్ కార్ల యజమానులు తమ పురాతన కార్లను కేవలం షో పీస్లుగా మాత్రమే ఉంచుకుంటున్నారు. అయితే, ఈ తాజా అధ్యయనం క్లాసిక్ కార్ల యజమానులు మరియు ఔత్సాహికులను ఊపిరి పీల్చుకునేలా చేస్తుంది.
ప్రజలలో పర్యావరణ పరిరక్షణ పట్ల అవగాహన ప్రతి రోజు కొత్త ఎత్తులకు చేరుకుంటోంది. ఫలితంగా, దేశంలో ఎలక్ట్రిక్ వాహనాల విక్రయాలు గణనీయంగా పెరుగుతున్నాయి. అదే సమయంలో, పాత కార్లు ఇటీవలి కాలంలో తీవ్ర విమర్శలను ఎదుర్కొంటున్నాయి. క్లాసిక్ కార్ల యజమానులు తమ పాత కార్లను ఎంతో శ్రమతో చక్కగా మెయింటైన్ చేస్తునప్పటికీ, చాలామంది ఈ పాత కార్లను కాలుష్యం కారణంగా నిందిస్తూనే ఉన్నారు.
భారతదేశంతో పాటుగా ప్రపంచవ్యాప్తంగా వివిధ దేశాలలో అనేక క్లాసిక్ కార్లు ఇప్పటికీ చాలా స్వచ్ఛమైన స్థితిలో ఉన్నాయి మరియు వాటి యజమానులు అలాంటి పురాతన ఐకానిక్ క్లాసిక్ కార్లను నేటి ఆధునికత కోసం వదిలిపెట్డానికి ఇష్టపడరు. ఈ నేపథ్యంలో, క్లాసిక్ కార్ల యజమానులు ఈ కార్లను ఎప్పటికీ తమతోనే ఉంచడానికి కాలుష్యం విషయంలో ఇటీవలి అధ్యయనాలు మరింత ప్రోత్సాహాన్ని కలిగిస్తున్నాయి. నేటి కార్లతో పోలిస్తే అవి అంత ఎక్కువ కాలుష్యాన్ని కలిగించవని తాజా అధ్యయనాలు నిరూపించాయి.
సాధారణంగా అప్పటి టెక్నాలజీతో తయారైన పాతకాలపు ఇంజన్లు ఎక్కువ కాలుష్య కారకాలను విడుదల చేస్తాయి మరియు వాటిని ఎవరూ మార్చలేరు. అయితే, నేటి ఆధునిక కార్లతో పోలిస్తే, ఇలాంటి క్లాసిక్ కార్లు రోడ్లపై చాలా తక్కువగా ఉపయోగించబడుతున్నాయి. అంటే, ఇవి రోజువారీగా ఉపయోగించే ఆధునిక కారు విడుదల చేసే కాలుష్య ఉద్ఘారాల కంటే తక్కువగానే ఉంటుందని అర్థం.
మరోవైపు, ఎలక్ట్రిక్ కార్లు ఎలాంటి కాలుష్య ఉద్గారాలను ఉత్పత్తి చేయనప్పటికీ, దాని శక్తి (ఎనర్జీ) యొక్క మూలం ఎల్లప్పుడూ శుభ్రంగా ఉండకపోవచ్చు. ఉదాహరణకు, భారతదేశం బొగ్గు ఆధారిత విద్యుత్ ప్లాంట్ల నుండి ఎక్కువ విద్యుత్ తయారవుతుంది. అంటే, కారును చార్జ్ చేసేందుకు విద్యుత్ కావాలంటే, విద్యుత్ పరిశ్రమ దానికోసం బొగ్గును మండించాల్సి ఉంటుంది. దీన్ని పరిగణలోకి తీసుకుంటే, రోజువారీగా ఉపయోగించే ఎలక్ట్రిక్ కారు కూడా అప్పుడప్పుడు ఉపయోగించే పాత క్లాసిక్ కారు కంటే కొంచెం ఎక్కువ కాలుష్యాన్నే కలిగిస్తుందని చెప్పొచ్చు.
ఈ తాజా పరిశోధనలు ఇప్పుడు క్లాసిక్ కార్ క్లబ్లు మరియు పాతకాలపు కార్ల యజమానులు పర్యావరణాన్ని కలుషితం చేయడం గురించి పెద్దగా ఆలోచించకుండా ఇలాంటి విలువైన వాహనాలను తమ స్వాధీనంలోనే ఉంచుకోవడానికి ఓ బలమైన సందర్భాన్ని అందించాయి. అయితే, దురదృష్టవశాత్తు పాత కార్ల వినియోగాన్ని నిరోధించే లేదా పరిమితం చేసే అనేక చట్టాలు ఇప్పటికే వివిధ దేశాల్లో అమలులో ఉన్నాయి. కాబట్టి, అలాంటి ప్రాంతాలలో ఇవి కేవలం మ్యూజియంలో బొమ్మలుగా మిగిలాల్సిందే.
ఎలక్ట్రిక్ వాహనాలు తమ బ్యాటరీలను ఛార్జ్ చేయడానికి ఉపయోగించే విద్యుత్ పునరుత్పాదక మూలాల నుండి గ్రహించినంత వరకు అవి అద్భుతమైనవే. అయితే, ఎప్పుడైతే ఇలాంటి ఎలక్ట్రిక్ కార్లు చార్జింగ్ కోసం డీజిల్ జనరేటర్లు లేదా పర్యావరణానికి హనికలిగించి తయారు చేయబడే విద్యుత్శక్తితో చార్జ్ అవుతాయో అలాంటి సందర్భాల్లో ఇవి పర్యావరణ సాన్నిహిత్యమైనవిగా పరిగణించబడవు.
ఇక క్లాసిక్ కార్లంటే ఇష్టపడే వారు చాలా అరుదుగా ఉంటారు. అవి తక్కువ ఫీచర్లు మరియు భద్రతను కలిగి ఉన్నప్పటికీ, వాటితో తమకున్న అనుబంధం కారణంగా అలాంటి కార్లను వదులుకోలేరు. వాటి మెయింటినెన్స్ కాస్ట్ ఎక్కువగా ఉన్నా లేదా వాటిపై విధించే పన్నులు ఎక్కువగా ఉన్నా వాటిని తమతోనే ఉంచుకునేందుకు ఎక్కువగా ఇష్టపడుతారు. కాబట్టి, తాజా అధ్యయనం యొక్క ఫలితాలు అటువంటి ఔత్సాహికులకు ఈ విషయం లో మరింత ఉపశమనం కలిగించేలా ఉన్నాయి.