Just In
- 55 min ago సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- 2 hrs ago హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- 4 hrs ago బుల్లితెర నటి 'ప్రజ్ఞా భట్' కొత్త కారు చూసారా.. ధర ఎంతో తెలుసా?
- 5 hrs ago జనరల్ టికెట్ ప్యాసింజర్స్తో ఫుల్ రష్గా రిజర్వ్డ్ కోచ్లు.. ప్రయాణికుడి కంప్లెయింట్, రైల్వే శాఖ సీరియస్
Don't Miss
- Movies NTR31: ఎన్టీఆర్ - ప్రశాంత్ నీల్ ప్రాజెక్టుపై బిగ్ ట్విస్ట్.. ఫ్యాన్స్కు ఇది బిగ్ షాకే!
- News జగన్కు షాక్..పిఠాపురంలో వైసీపీకి భారీగా రాజీనామాలు
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మార్కెట్లో విడుదల కానున్న కొత్త Kia Carens ధర బహుశా ఇంతేనా..?
భారతీయ మార్కెట్లో అడుగుపెట్టిన అనతి కాలంలోనే అత్యంత ప్రజాదరణ పొందిన సౌత్ కొరియా కార్ల తయారీ సంస్థ కియా మోటార్స్ (Kia Motors) ఇప్పుడు 2022 వ సంవత్సరంలో ఒక కొత్త MPV (కియా కారెన్స్) విడుదల చేయడానికి సిద్ధమవుతోంది. ఈ MPV ని ఇప్పటికే దేశీయ మార్కెట్లో ఆవిష్కరించింది. అంతే కాకుండా కంపెనీ ఈ కియా కారెన్స్ యొక్క బుకింగ్స్ కూడా స్వీకరించడం ప్రారంభించింది.
దేశీయ మార్కెట్లో అడుగుపెట్టనున్న ఈ కొత్త MPV ని కొనాలనుకునేవారు ముందస్తుగా రూ. 25,000 చెల్లించి, కంపెనీ వెబ్సైట్ లేదా డీలర్షిప్ని సందర్శించి బుక్ చేసుకోవచ్చు. అయితే ఈ MPV ధరను కంపెనీ అధికారికంగా ప్రకటించినప్పటికీ అంచనా ధర మాత్రం వెల్లడైంది.
దీనికి సంబంధించి వెలువడిన సమాచారం ప్రకారం ఈ కొత్త కియా కారెన్స్ ప్రారంభ ధర రూ. 14 లక్షలు (ఎక్స్-షోరూమ్) ఉండే అవకాశం ఉంటుంది. ఇది బేస్ ప్రీమియం 1.5-లీటర్ పెట్రోల్ మాన్యువల్ వేరియంట్గా ఉంటుంది, అదే విధంగా దాని టాప్-స్పెక్ లగ్జరీ ప్లస్ 1.5-లీటర్ డీజిల్ ఆటోమేటిక్ వేరియంట్ ధర రూ. రూ. 19.5 లక్షలు (ఎక్స్-షోరూమ్) ఉండే అవకాశం ఉంటుంది. కావున దీని ధర రూ. 14 లక్షల నుంచి రూ. 19.5 లక్షల వరకు ఉంటుందని భావిస్తున్నారు.
కియా కంపెనీ ఈ కారును మొత్తం ఐదు ట్రిమ్ ఆప్షన్లలో లాంచ్ చేయబోతున్నట్లు ఇప్పటికే తెలిసింది. ఇందులో ప్రీమియం, ప్రెస్టీజ్, ప్రెస్టీజ్ ప్లస్, లగ్జరీ మరియు లగ్జరీ ప్లస్ ఉన్నాయి. ఈ ఐదు ట్రిమ్లలో, కియా కేరెన్స్ 6 మరియు 7 సీట్ల ఎంపికలలో తీసుకురాబడుతుంది.
కొత్త కియా కారెన్స్ MPV గ్లోబల్ డిజైన్ లాంగ్వేజ్పై ఆధారపడి ఉంటుంది. కావున ఇది చూడటానికి చాలా ఆకర్షనీయంగా ఉంటుంది. ఈ MPV యొక్క ముందు భాగంలో టైగర్ నోస్ గ్రిల్ ఉంది. అంతే కాకుండా దీని ముందు భాగంలో ఒక సపరేటింగ్ లైన్ కూడా మీరు చూడవచ్చు. ఇది ముందు భాగంలో ఎగువ మరియు దిగువ ఎయిర్ ఇన్టేక్లను వేరు చేయడానికి ఉపయోగపడుతుంది.
ఇది ట్విన్ హెడ్లైట్ డిజైన్ను కలిగి ఉంది. దీనితో పాటు మెయిన్ హెడ్లైట్ సన్నని లైట్ల క్రింద ఉంచబడింది. ఇది LED DRL కూడా పొందుతుంది. ఇందులో పెద్ద వీల్ ఆర్చ్లు సైడ్ మరియు బాడీ లైన్లలో ముందు నుండి చివరి వరకు కనిపిస్తాయి. ఇదే లైన్ ముందు హెడ్లైట్ వద్ద మొదలై ఫ్రంట్ డోర్ వద్ద ముగుస్తుంది.
కియా కారెన్స్ యొక్క ఎల్ఈడీ టైల్లైట్లు చాలా కొత్తగా కనిపిస్తున్నాయి. ఇది ఇప్పటివరకు అందుబాటులో ఉన్న ఏ కియా మోడల్స్ లో కనిపించదు. అంతే కాకుండా దీనికి రెండు వైపులా టెయిల్ లైట్లను కలిపే లైట్ బార్తో పాటు వెనుక డోర్ పైన అనేక లైన్లు ఇవ్వబడ్డాయి. మొత్తానికి ఇది చూడగానే ఆకర్షించే విధంగా ఉంటుంది.
కియా కారెన్స్ కొలతల విషయానికి వస్తే, దీని పొడవు 4,540 మిమీ, 1,800 మిమీ వెడల్పు, 1,708 మిమీ ఎత్తు మరియు దాని విభాగంలో 2,780 మిమీ పొడవైన వీల్బేస్ను కలిగి ఉంటుంది. ఇది ఇంపీరియల్ బ్లూ, మాస్ బ్రౌన్, మెరిసే సిల్వర్, ఇంటెన్స్ రెడ్, గ్లేసియర్ వైట్ పెర్ల్, క్లియర్ వైట్, గ్రావిటీ గ్రే మరియు అరోరా బ్లాక్ పెర్ల్ అనే 8 కలర్ ఆప్సన్స్ లో అందుబటులో ఉంటుంది.
కొత్త కియా కారెన్స్ యొక్క ఇంటీరియర్ విషయానికి వస్తే, ఇందులో పెద్ద టచ్స్క్రీన్ ఇన్ఫోటైన్మెంట్ సిస్టమ్ అందుబాటులో ఉంటుంది. దాని దిగువ వేరియంట్ 10.25 ఇంచెస్ టచ్స్క్రీన్ ఇన్ఫోటైన్మెంట్ సిస్టమ్ను పొందుతుంది. దీని ఇన్స్ట్రుమెంట్ క్లస్టర్ పూర్తిగా డిజిటల్గా ఉంటుంది.
ఇందులోని స్టీరింగ్ వీల్ కంపెనీ యొక్క సెల్టోస్ మాదిరిగా ఉంటుంది. ఈ స్టీరింగ్ కి ఇరువైపులా అనేక కంట్రోల్ బటన్లు ఇవ్వబడ్డాయి. ఇవి వాహన వినియోగదారులకు చాలా అనుకూలంగా ఉంటాయి. కొత్త కియా కారెన్స్ 6 మరియు 7 సీట్ల ఎంపికలలో తీసుకురాబడింది. కావున ఇందులో మల్టిపుల్ AC వెంట్స్, కప్ హోల్డర్, స్మార్ట్ ఎయిర్ ప్యూరిఫైయర్, మల్టిపుల్ USB పోర్ట్లు, పెద్ద సన్రూఫ్, వైర్లెస్ ఛార్జింగ్, బోస్ ఆడియో సిస్టమ్, వెంటిలేటెడ్ ఫ్రంట్ సీట్, 64 కలర్ యాంబియంట్ లైటింగ్, లెదర్ సీటు వంటి అనేక ఆధునిక ఫీచర్లు పొందుతుంది. కంపెనీ యొక్క అత్యధిక వీల్ బేస్ కలిగిన మోడల్ ఇదేనని కంపెనీ పేర్కొంది.
కారెన్స్ యొక్క అన్ని వేరియంట్లలో 6 ఎయిర్బ్యాగ్లు ప్రామాణికంగా ఉంటాయి. అంతే కాకుండా ఇందులో ఎలక్ట్రానిక్ స్టెబిలిటీ కంట్రోల్, వెహికల్ స్టెబిలిటీ మేనేజ్మెంట్, హిల్ స్టార్ట్ కంట్రోల్, డౌన్హిల్ బ్రేక్ కంట్రోల్, టైర్ ప్రెజర్ మానిటరింగ్ సిస్టమ్ మరియు అన్ని చక్రాలపై డిస్క్ బ్రేక్ వంటివి ఇవ్వబడ్డాయి.
కొత్త కియా కారెన్స్ యొక్క ఇంజన్ విషయానికి వస్తే, ఇందులో రెండు పెట్రోల్ మరియు ఒక డీజిల్ ఇంజన్ ఆప్షన్ ఇవ్వబడుతుంది. దీని 1.5 పెట్రోల్ ఇంజన్ 113 bhp పవర్ మరియు 144 Nm టార్క్ అందిస్తుంది, దీనికి 6 స్పీడ్ మ్యాన్యువల్ ఆప్షన్ ఇవ్వబడుతుంది. దాని 1.4 లీటర్ టర్బో పెట్రోల్ ఇంజన్, 6 స్పీడ్ మాన్యువల్ మరియు 7 DCTతో లభ్యమవుతుంది, ఈ ఇంజన్ 138 bhp శక్తిని మరియు 242 న్యూటన్ మీటర్ల టార్క్ను అందిస్తుంది.
మూడవ ఇంజన్ 1.5 లీటర్ డీజిల్ ఇంజన్, 6 స్పీడ్ మాన్యువల్ మరియు 6 స్పీడ్ ఆటోమేటిక్ తో అందుబాటులో ఉంటుంది, ఈ ఇంజన్ 113 bhp పవర్ మరియు 250 న్యూటన్ మీటర్ టార్క్ అందిస్తుంది. దీనితో పాటు, ఎకో, స్పోర్ట్ మరియు నార్మల్ వంటి అనేక డ్రైవ్ మోడ్లు కూడా అందుబాటులో ఉంటాయి. మొత్తానికి ఈ MPV దేశీయ మార్కెట్లో అడుగుపెట్టిన తరువాత తప్పకుండా మంచి అమ్మకాలను పొందుతుందని ఆశిస్తున్నాము.