Just In
- 9 hrs ago త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- 11 hrs ago బెంజ్ కారు కొన్న సోషల్ మీడియా సెన్సేషన్ 'కుషా కపిల'.. ధర తెలిస్తే షాకవుతారు!
- 11 hrs ago MG గ్లోస్టర్ మెయింటెనెన్స్ అండ్ రిపేర్ ఖర్చులన్నీ ఉచితంగా.. సంస్థ బంపర్ ఆఫర్.!!
- 13 hrs ago సెకండ్ హ్యాండ్ కార్లలో ఎక్కువగా వీటికే ప్రాధాన్యత ఇస్తున్నారట.. ఆ కార్లపైనే క్రేజ్ ఎక్కువ!!
Don't Miss
- News పవన్ కళ్యాణ్ను మెచ్చుకున్న చంద్రబాబు
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Sports 89 రన్స్ కాపాడుకోవాలంటే..ఆ అద్భుతం జరగాలి!- గిల్
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Technology iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
- Movies ఎన్టీఆర్ను ఆ పరిస్థితుల్లో చూసి రాజమౌళి కంటతడి.. జన్మలో అలాంటి క్లైమాక్స్ పెట్టకుండా జక్కన్న షాకింగ్ నిర్ణయం!
ప్రత్యర్థులకంటే తక్కువ ధర వద్ద విడుదలైన కొత్త Mahindra Alturas G4 2WD: పూర్తి వివరాలు
మహీంద్రా అండ్ మహీంద్రా దేశీయ విఫణిలో కొత్త 'ఆల్టురాస్' జి4 యొక్క కొత్త వేరియంట్ '2 వీల్ డ్రైవ్ హై' ని విడుదల చేసింది. ఈ కొత్త వేరియంట్ ధర మార్కెట్లో రూ. 30.68 లక్షలు. ఇది ప్రస్తుతం ఆల్టురాస్ జి4 లైనప్లో ఉన్న ఏకైక వేరియంట్. మహీంద్రా యొక్క ఆల్టురాస్ జి4 2 వీల్ డ్రైవ్ హై గురించి మరిన్ని వివరాలు ఈ కథనంలో తెలుసుకుందాం.. రండి.
మహీంద్రా కంపెనీ ఇప్పుడు ఈ కొత్త వేరియంట్ విడుదలతో ఇకపై ఆల్టురాస్ బేస్ 2WD మరియు 4X4 వేరియంట్లను అందించే అవకాశం లేదు. కాగా కొత్త 2 వీల్ డ్రైవ్ హై వేరియంట్ 4WD వేరియంట్ వలె అదే పరికరాలను కలిగి ఉంటుంది, అంతే కాకుండా పవర్ట్రెయిన్ విషయంలో కూడా ఎటువంటి మార్పు లేదు.
మహీంద్రా ఆల్టురాస్ అనేది టొయోట ఫార్చ్యూనర్ డీజిల్ 2-వీల్ డ్రైవ్ ఆటోమేటిక్ కంటే కూడా రూ. 6.5 లక్షలు తక్కువ ధరకే లభ్యమవుతుంది. అదే సమయంలో MG గ్లోస్టర్ డీజిల్ కంటే కూడా రూ. 1.32 లక్షలు తక్కువ ధరకు కొనుగోలు చేయవచ్చు.
గతంలో మహీంద్రా కంపెనీ తన ఆల్టురాస్ G4 2WD మరియు 4X4 వేరియంట్లను అందుబాటులో ఉంచింది. 4X4 వేరియంట్లో అత్యధిక ఫీచర్లు మరియు పరికరాలు ఉన్నాయి. ఇందులో రెయిన్-సెన్సింగ్ వైపర్లు, ఆటోమేటిక్ హెడ్ల్యాంప్లు, పవర్డ్ టెయిల్గేట్, మెమరీ ఫంక్షన్తో కూడిన ఎలక్ట్రానిక్ డ్రైవర్ సీట్ అడ్జస్టబుల్ మరియు సైడ్ అండ్ కర్టెన్ ఎయిర్బ్యాగ్లు ఉన్నాయి.
కాగా ఇప్పుడు ఆ 4X4 నిలిపివేసిన తర్వాత, ఈ ఫీచర్లన్నీ కొత్త 2-వీల్ డ్రైవ్ వేరియంట్లో అందించబడుతున్నాయి. కావున ఆల్టురాస్ కొనుగోలుదారులు ఏ మాత్రం చింతించాల్సిన అవసరం లేదు. 4X4 వేరియంట్ లోని అన్ని ఫీచర్స్ పొందవచ్చు. అదే సమయంలో 2-వీల్ డ్రైవ్ వేరియంట్లో 8 ఇంచెస్ టచ్స్క్రీన్ ఇన్ఫోటైన్మెంట్ సిస్టం ఉంటుంది. ఇది ఆండ్రాయిడ్ ఆటో మరియు ఆపిల్ కార్ప్లే కి సపోర్ట్ చేస్తుంది. 18 ఇంచెస్ అల్లాయ్ వీల్స్, సన్రూఫ్ మరియు యాంబియంట్ లైటింగ్ వంటివి కూడా ఇప్పుడు అందుబాటులో ఉన్నాయి.
ఆల్టురాస్ G4 యొక్క పవర్ట్రెయిన్ విషయానికి వస్తే, మనం ఇంతకుముంచు చెప్పుకున్నట్లుగానే ఇందులో ఎటువంటి మార్పులు లేదు. కావున అదే 2.2-లీటర్ డీజిల్ ఇంజన్ అందుబాటులో ఉంటుంది. ఇది 178 బిహెచ్పి పవర్ మరియు 420 ఎన్ఎమ్ గరిష్ట టార్క్ అందిస్తుంది. ఇంజిన్ 7-స్పీడ్ ఆటోమేటిక్ గేర్బాక్స్తో జత చేయబడింది. ఈ ఇంజిన్ మెర్సిడెస్ బెంజ్ నుంచి తీసుకోబడింది. కావున పనితీరుపరంగా ఎటువంటి మార్పు లేదు, అద్భుతమైన పనితీరుని పొందవచ్చు.
పరిమాణం పరంగా మహీంద్రా ఆల్టురాస్ G4 వాహన వినియోగదారులకు చాలా అనుకూలంగా ఉంటుంది. దీని పొడవు 4850 మిమీ, వెడల్పు 1,960 మిమీ, ఎత్తు 1,845 మిమీ మరియు వీల్బేస్ 2,865 మిమీ వరకు ఉంటుంది.
మహీంద్రా ఆల్టురాస్ లోని సేఫ్టీ ఫీచర్స్ విషయానికి వస్తే, ఇందులో ఎయిర్ బ్యాగులు, ఏబీఎస్ విత్ ఈబిడి, రియర్ పార్కింగ్ సెన్సార్లు, 360 డిగ్రీ కెమెరా, ఎలక్ట్రానిక్ స్టెబిలిటీ ప్రోగ్రామ్, హిల్-స్టార్ట్ అసిస్ట్, హిల్-డీసెంట్ కంట్రోల్ మరియు ట్రాక్షన్ కంట్రోల్ సిస్టమ్ వంటివి అందుబాటులో ఉన్నాయి. ఇవన్నీ కూడా వాహన వినియోగదారుల యొక్క భద్రతను నిర్థారిస్తాయి.
డ్రైవ్స్పార్క్ అభిప్రాయం:
దేశీయ మార్కెట్లో ఒకప్పుడు మంచి ప్రజాదరణ పొందిన మహీంద్రా యొక్క ఆల్టురాస్ ఇప్పుడు కొత్త వేరియంట్ లో విడుదలైంది. ఇది భారతీయ విఫణిలో ఈ పండుగ సీజన్లో మంచి అమ్మకాలను పొందే అవకాశం ఉంటుందని ఆశిస్తున్నాము. అదే సమయంలో ఇది టొయోట ఫార్చ్యూనర్, ఇసుజు MU-ఎక్స్ మరియు ఎంజి గ్లోస్టర్ వంటి వాటికి ప్రత్యర్థిగా ఉంటుంది.