Just In
- 49 min ago ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- 3 hrs ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- 6 hrs ago 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- 8 hrs ago కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
Don't Miss
- Sports ముక్కలవుతున్న ముంబై.. హార్దిక్ను విమర్శిస్తూ నబీ పోస్ట్
- News జగన్ పై దాడి ఘటనలో మరో టర్నింగ్ ! వడ్డెర సంఘాల ఎంట్రీ..
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Technology ధర రూ.1799 కే, Youtube ,UPI ఫీచర్లతో Itel కొత్త ఫీచర్ ఫోన్! సేల్ వివరాలు
- Movies Tenent Review: మర్డర్ మిస్టరీ మెప్పించిందా? సత్యం రాజేష్కు హిట్ పడిందా? టెనెంట్ రివ్యూ
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
స్వాతంత్య్ర దినోత్సవం రోజున 5 ఎలక్ట్రిక్ కార్లు ఆవిష్కరించిన మహీంద్రా.. లాంచ్ మరియు ఇతర వివరాలు
దేశీయ వాహన తయారీ దిగ్గజం మహీంద్రా అండ్ మహీంద్రా ఎట్టకేలకు భారతీయ మార్కెట్లో 75 వ స్వాతంత్య్ర దినోత్సవాన్ని పురస్కరించుకుని 5 ఎలక్ట్రిక్ కార్లను ఆవిష్కరించింది. అవి XUV.E8, XUV.E9, BE.05, BE.07 మరియు BE.09 ఎలక్ట్రిక్ కార్లు. వీటి గురించి మరింత సమాచారం ఈ కథనంలో చూద్దాం రండి.
మహీంద్రా కంపెనీ ఏకకాలంలో 5 ఎలక్ట్రిక్ కార్లను ప్రవేశపెట్టడం నిజంగా గొప్ప విషయం. ప్రస్తుతం మార్కెట్లో ఎలక్ట్రిక్ వాహనాలకు పెరుగుతున్న డిమాండ్ కారణంగా కంపెనీ ఈ నిర్ణయం తీసుకోవడం జరిగిందని ఆశిస్తున్నాము.
మహింద్రా కంపెనీ విడుదల చేసినా ఈ 5 ఎలక్ట్రిక్ కార్లు INGLO ప్లాట్ఫారమ్పై ఆధారపడి ఉంటుంది. ఇందులోని మొదట XUV.E8 ఎలక్ట్రిక్ కారు 2024 డిసెంబర్ 2024 నాటికి విడుదలయ్యే అవకాశం ఉంది. ఈ కార్ విడుదలైన తరవాత మిగిలిన నాలుగు విడుదలవుతాయని కంపెనీ తెలిపింది. అదే సమయంలో కంపెనీ వీటిలో ఆధునిక ఫీచర్స్ మరియు పరికరాలతో తీసుకురావడమే కాకూండా ఆధునిక సేఫ్టీ ఫీచర్స్ కూడా అందించనుంది.
మహీంద్రా కంపెనీ ఈ 5 ఎలక్ట్రిక్ వాహనాలలోనూ 60 - 80 kWh సామర్థ్యం కలిగిన బ్యాటరీలను అందించే అవకాశం ఉంది. అదే సమయంలో, ఈ కార్లు 175 kW ఫాస్ట్ ఛార్జింగ్తో కేవలం 30 నిమిషాల్లో 0 నుండి 80% వరకు ఛార్జ్ చేయబడుతుంది. ఇది వినియోగదారులకు ఎంతగానో ఉపయోగపడతాయి.
కంపెనీ విడుదల చేయనున్న ఈ కొత్త ఎలక్ట్రిక్ కార్లలో RWD మరియు ఆల్ వీల్ డ్రైవ్ మోడల్స్ రెండూ ఉన్నాయి. ఇవి వరుసగా 231 - 285 బిహెచ్పి పవర్ మరియు 340 - 394 బిహెచ్పి పవర్ ఉత్పత్తి చేస్తాయి. అంతే కాకూండా ఈ ఎలక్ట్రిక్ కార్లు కేవలం 5 నుంచి 6 సెకన్లలో గంటకు 0 నుండి 100 కిమీ వేగాన్ని అందుకోగలవు.
మహీంద్రా XUV.E8:
కంపెనీ ఈ ఎలక్ట్రిక్ కారుని 2024 డిసెంబర్ నాటికి భారతీయ మార్కెట్లో విడుదల చేయడానికి సన్నాహాలు సిద్ధం చేస్తోంది. కావున కంపెనీ విడుదల చేయనున్న 5 కార్లలో మొదటి కారు ఇదే అవుతుంది. ఇది ఆధునిక ఫీచర్స్ మరియు పరికరాలను కలిగి ఉంటుంది. ఇది పరిమాణం పరంగా కూడా ఛాలా అనుకూలంగా ఉంటుంది.
మహీంద్రా XUV.E8 పొడవు 4740 మిమీ, వెడల్పు 1900 మిమీ, ఎత్తు 1760 మిమీ మరియు వీల్బేస్ 2762 మిమీ. ఇది కంపెనీ యొక్క XUV700 ఆధారంగా రూపొందించబడిన మోడల్. అయితే ఇందులో మరిన్ని అప్డేటెడ్ ఫీచర్స్ ఉండనున్నాయి. అయితే దీని కోసం 2024 వరకు వేచి చూడక తప్పదు.
మహీంద్రా XUV.E9:
మహీంద్రా కంపెనీ విడుదల చేయనున్న మరో ఎలక్ట్రిక్ కారు XUV.E9. ఇది 2025 ఏప్రిల్ నాటికి భారతీయ మార్కెట్లో అరంగేట్రం చేయనుంది. ఇది కూడా ధునిక ఫీచర్స్ మరియు పరికరాలను కలిగి ఉంటుంది. పరిమాణంలో కూడా ఇతర వాహనాలకు ఏమాత్రం తీసిపోకుండా ఉంటుంది. దీని పొడవు 4790 మిమీ, వెడల్పు 1905 మిమీ, ఎత్తు 1690 మిమీ మరియు వీల్బేస్ 2775 మిమీ వరకు ఉంటుంది.
మహీంద్రా BE.05:
ఇక మన లిస్ట్ లో మరియు కంపెనీ యొక్క మూడవ మోడల్ ఈ మహీంద్రా BE.05. ఇది 2025 అక్టోబర్ నాటికి భారతీయ మార్కెట్లో విడుదల కానుంది. మహీంద్రా BE.05 పొడవు 4370 మిమీ, వెడల్పు 1900 మిమీ, ఎత్తు 1635 మిమీ మరియు వీల్బేస్ 2775 మిమీ వరకు ఉంటుంది. కంపెనీ యొక్క BE శ్రేణిలో ఇది మొదటి మోడల్ మరియు ఇది పూర్తిగా పునరుద్ధరించబడిన మోడల్. కావున ఇది చాలా కొత్తగా మరియు వాహన వినియోగదారులకు చాలా అనుకూలంగా ఉంటుంది.
మహీంద్రా BE.07:
మహీంద్రా BE శ్రేణిలో రెండవ మోడల్ BE.07. ఇది 2026 అక్టోబర్ నాటికీ భారతీయ మార్కెట్లో విడుదలకానుంది. పరిమాణం పరంగా దీని పొడవు 4565 మిమీ, వెడల్పు 1900 మిమీ, ఎత్తు 1660 మిమీ మరియు వీల్బేస్ 2775 మిమీ వద్ద ఉంచబడుతుంది. ఇది పెద్ద మరియు శక్తివంతమైన ఎలక్ట్రిక్ SUV కానుంది.
మహీంద్రా BE.09:
ఇక మహీంద్రా విడుదల చేయనున్న 5 కార్లలో చివరిది మరియు BE శ్రేణిలో మూడవ మోడల్ BE.09. కంపెనీ ఈ BE.09 ఎలక్ట్రిక్ కారు భారతీయ మార్కెట్లో ఎప్పుడు విడుదలవుతుంది అనే విషయం ఇంకా అధికారికంగా వెల్లడించలేదు. అయితే ఇది కూడా 2026 నాటికి విడుదలయ్యే అవకాశం ఉంటుందని ఆశిస్తున్నాము. అంతే కాకూండా పరిమాణానికి సంబంధించిన సమాచారం కూడా కంపెనీ వెల్లడించలేదు. దీనికి సంబంధిన వివరాలు త్వరలోనే వెల్లడవుతాయి.