Just In
- 2 hrs ago ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- 3 hrs ago క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- 7 hrs ago వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- 8 hrs ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
Don't Miss
- News వాట్సప్ లో మరో అదిరిపోయే కొత్త ఫీచర్; ఆఫ్ లైన్ లోనూ షేరింగ్.. ఇక రచ్చేనా!!
- Sports CSK vs LSG: వారెవ్వా రాహుల్.. వాటే క్యాచ్!వీడియో
- Movies Krishna Bhagavan: రవితేజ, వైవీఎస్ చౌదరి అలా గోడ దూకి వచ్చేవాళ్లు.. నన్ను అలా అనుకొని!
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఇదేం విడ్డూరం సామీ.. ఈ కారు డెలివరీ కోసం 4 సంవత్సరాలు వెయిట్ చేయాలా..?
కొత్త కారు కొనడం అనేది ఎవ్వరికైనా మనసుకు సంతోషాన్ని కలిగించే చాలా ఉత్తేజకరమైన విషయం. కస్టమర్లు తమకు నచ్చిన కారును బుక్ చేసినప్పటి నుండి ఆ కారు ఇంటికి డెలివరీ అయ్యే వరకూ వారు చెందే అనుభూతిని మాటల్లో వర్ణించలేము. ఈ ఎదురుచూపులు మరియు ఆ ఎదురుచూపుల తర్వాత వచ్చే ఆనందం అంతా ఇంతా కాదు. అయితే, ఈ వెయిటింగ్ పీరియడ్ పెరిగే కొద్దీ కస్టమర్లలో అసహనం కూడా పెరుగుతుంది. తద్వారా కస్టమర్లు కారును క్యాన్సిల్ చేసుకునే ఆస్కారం ఉంది.
కస్టమర్ కారు బుక్ చేసినప్పటి నుండి అది వారికి డెలివరీ అయ్యే వరకూ ఉండే సమయాన్ని వెయిటింగ్ పీరియడ్ అంటారు. సాధారణంగా కొన్ని కార్లకు వెయిటింగ్ పీరియడ్ 2 వారాల నుండి 2 నెలల వరకు ఉంటుంది. అయితే, కొన్ని సందర్భాల్లో 12 నెలల వరకూ కూడా వెయిటింగ్ పీరియడ్ ఉంటుంది. అయితే, ఈ కథనంలో మనం చెప్పుకోబోయే కారుకి మాత్రం నాలుగు సంవత్సరాల వెయిటింగ్ పీరియడ్ ఉంది.
జపనీస్ కార్ బ్రాండ్ టొయోటా అంతర్జాతీయ మార్కెట్లలో విక్రయిస్తున్న లగ్జరీ ఎస్యూవీ ల్యాండ్ క్రూజర్ (land-cruiser) ఎస్యూవీ డిమాండ్ విపరీతంగా పెరిగిపోయింది. దీని డిమాండ్ ఎంతలా పెరిగిందంటే, ఇప్పుడు ఈ కారును బుక్ చేసుకున్న కస్టమర్లు డెలివరీ తీసుకోవాలంటే మరో 4 సంవత్సరాల పాటు వెయిట్ చేయాల్సినంతగా డిమాండ్ పెరిగిపోయింది. కొత్త తరం టొయోటా ల్యాండ్ క్రూయిజర్ కోసం సుమారు 4 సంవత్సరాల వరకు వెయిటింగ్ పీరియడ్ ఉన్నట్లు మొదట్లో వార్తలు వినిపించాయి.
అయితే, ఇవన్నీ పుకార్లని కొట్టిపారేశారు, కానీ ఇప్పుడు టొయోటా కూడా అదే విషయాన్ని ధృవీకరించింది. కొత్త తరం ల్యాండ్ క్రూయిజర్ కావాలంటే 4 సంవత్సరాల వరకు వెయిటింగ్ పీరియడ్ ఉంటుందని టొయోటా పేర్కొంది. జపాన్ మార్కెట్లో టొయోటా 300 సిరీస్ ల్యాండ్ క్రూయిజర్ ఎస్యూవీ కోసం ప్రస్తుత డిమాండ్ను తీర్చడానికి 4 సంవత్సరాల వరకు పడుతుందని ప్రకటించింది. అయితే, ఈ వెయిటింగ్ పీరియడ్ను వీలైనంత వరకూ తగ్గించేందుకు ప్రయత్నాలు చేస్తున్నట్లు కంపెనీ తెలిపింది.
మరి ఈ కారు కొనడానికి కస్టమర్లు అంత కాలం వేచి ఉంటారా? అనే సందేహం మీకు రావచ్చు. అయితే, ప్రత్యేకమైన టొయోటా ల్యాండ్ క్రూయిజర్ వంటి కార్ల కోసం కస్టమర్లు ఎంత కాలమైనా వేచి ఉండేందుకు సిద్ధంగా ఉంటారనేది వాస్తవం. కొత్త తరం టొయోటా ల్యాండ్ క్రూయిజర్ కారు గతేడాది జూన్ నెలలో ప్రపంచ వ్యాప్తంగా విడుదలైంది. అప్పటి నుంచి ఈ కారు స్థానిక జపాన్లోనే కాకుండా ప్రపంచవ్యాప్తంగా వినియోగదారుల నుండి మంచి ఆదరణ పొందింది.
కస్టమర్లలో విపరీతమైన మద్దతు ఉంటే, అంటే డిమాండ్ పెరిగినప్పుడు, కార్ల కంపెనీలకు ఆ అవసరాన్ని తీర్చడం కష్టంగా మారుతుంది. డిమాండ్కు అనుగుణంగా కంపెనీలు తమ వాహనాల ఉత్పత్తిని కూడా పెంచాల్సి ఉంటుంది. అప్పుడే సదరు వాహనం యొక్క నిరీక్షణ సమయాన్ని తగ్గించడం మరియు కస్టమర్లకు వేగంగా కార్లను డెలివరీ చేయడం సాద్యమవుతుంది. అయితే, సెమీకండక్టర్ చిప్ కొరత కారణంగా ప్రపంచవ్యాప్తంగా కార్ల ఉత్పత్తి తీవ్రంగా ప్రభావితమైంది.
కరోనా మహమ్మారి పరిస్థితుల తర్వాత ప్రపంచ వ్యాప్తంగా సెమీకండక్టర్ చిప్ల కొరత ఏర్పడింది. ఇవి వాహనాల తయారీలో చాలా కీలకంగా ఉండే ఎలక్ట్రానిక్ చిప్స్. కొత్త తరం టొయోటా ల్యాండ్ క్రూయిజర్ యొక్క వెయిటింగ్ పీరియడ్ పెరగడానికి ఇది కూడా ఒక కారణం కావచ్చు. అయితే ఈ కారు యొక్క వెయిటింగ్ టైమ్ని తగ్గించే ప్రయత్నాలు జరుగుతున్నందున, సమీప భవిష్యత్తులో ఈ కారు కోసం వెయిటింగ్ టైమ్ తగ్గుతుందని అంచనా వేయవచ్చు.
కొత్త తరం టొయోటా 300 సిరీస్ ల్యాండ్ క్రూయిజర్ కారు డిజైన్ చాలా మెరుగ్గా ఉంటుంది. గతంతో పోల్చుకుంటే, టొయోటా ఈ కారులో అనేక కొత్త ఫీచర్లను కూడా జోడించింది. ఈ కారు 2 రకాల ఇంజన్ ఆప్షన్లతో అందుబాటులో ఉంటుంది. ఇందులో మొదటిది 409 బిహెచ్పి పవర్ మరియు 650 ఎన్ఎమ్ టార్క్ను ఉత్పత్తి చేసే పెద్ద 3.5-లీటర్ ట్విన్-టర్బోఛార్జ్డ్ వి6 పెట్రోల్ ఇంజన్. మరొకటి 304.5 బిహెచ్పి పవర్ మరియు 700 ఎన్ఎమ్ టార్క్ను ఉత్పత్తి చేసే 3.3 లీటర్ ట్విన్-టర్బో వి6 డీజిల్ ఇంజన్.