Just In
- 1 hr ago ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- 3 hrs ago క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- 6 hrs ago వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- 7 hrs ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
Don't Miss
- News జనసేనకు మద్దతుగా మెగాస్టార్...పిఠాపురంలో రెండు రోజులు పర్యటన
- Movies Krishna Bhagavan: రవితేజ, వైవీఎస్ చౌదరి అలా గోడ దూకి వచ్చేవాళ్లు.. నన్ను అలా అనుకొని!
- Sports CSK vs LSG: అందుకే రచిన్ రవీంద్రను పక్కనపెట్టాం: రుతురాజ్ గైక్వాడ్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
భారతీయ మార్కెట్లో విడుదలైన కొత్త మహీంద్రా బొలెరో మ్యాక్స్ పిక్-అప్ ట్రక్: ధర & పూర్తి వివరాలు
భారతీయ వాహన తయారీ దిగ్గజం మరియు ప్రజలకు ఎంతగానో నమ్మికైనా వెహికల్ బ్రాండ్ 'మహీంద్రా అండ్ మహీంద్రా' మార్కెట్లో తన కొత్త పికప్ ట్రక్ విడుదల చేసింది. ఈ పికప్ ట్రక్ పేరు 'మహీంద్రా బొలెరో మ్యాక్స్ పిక్-అప్ సిటీ 3000' (Mahindra Bolero MaXX Pik-Up City 3000). దీని ప్రారంభ ధర రూ. 7,68 లక్షలు (ఎక్స్-షోరూమ్). ఈ కొత్త మహీంద్రా పికప్ ట్రక్కు గురించి పూర్తి సమాచారం ఈ కథనంలో చూసేద్దాం.. రండి.
ఇప్పుడు భారతీయ విఫణిలో విడుదలైన కొత్త 'మహీంద్రా బొలెరో మ్యాక్స్ పిక్-అప్ సిటీ 3000' కొనుగోలు కోసం కంపెనీ ఆకర్షణీయమైన ఫైనాన్సింగ్ ఆఫర్స్ కూడా అందిస్తుంది. దీని కింద కొనుగోలుదారులు రూ. 25,000 చెల్లించి వెహికల బుక్ చేసుకోవచ్చు.
పనితీరు మరియు విశ్వసనీయత కోసం దాని విభాగంలో స్థిరమైన బెస్ట్ సెల్లర్గా ఉంది. నవీకరించబడిన ట్రక్ను ప్రారంభించడంతో, మహీంద్రా మార్కెట్లో పెద్ద సంఖ్యలను సంపాదించాలని చూస్తోంది.
మహీంద్రా బొలెరో మ్యాక్స్ పిక్-అప్ ఇప్పుడు మంచి పనితీరుని అందించాడని మరియు మార్కెట్లో తన ఉనికిని మరింత బలోపేతం చేయడానికి అనుకూలంగా అప్డేట్ చేయబడింది. కావున ఇది వాహన వినియోగదారులకు తప్పకుండా అనుకూలంగా ఉంటుంది. ఈ పికప్ ట్రక్ 1300 కేజీల పేలోడ్ సామర్థ్యాన్ని కలిగి ఉంటుంది. అదే సమయంలో దీని డెక్ వెడల్పు 1700 మిమీ వరకు ఉంటుంది.
ఈ అప్డేటెడ్ మహీంద్రా బొలెరో మ్యాక్స్ పిక్-అప్ ఇప్పుడు ఆధునిక LCV కనెక్టెడ్ టెక్నాలజీ కలిగి ఉంటుంది. ఎందుకంటే ఇది మహీంద్రా iMAX టెలిమాటిక్స్ సొల్యూషన్ సమర్థవంతమైన వాహన నిర్వహణను ఎనేబుల్ చేయడానికి మరియు వ్యాపార ఉత్పాదకతను పెంచడానికి తోడ్పడుతుంది.
మహీంద్రా కొత్త పికప్ ట్రక్ యొక్క డిజైన్ విషయానికి వస్తే, ఇందులో కొత్త హెడ్ల్యాంప్లు, రీడిజైన్ చేయబడిన ఫ్రంట్ రేడియేటర్ గ్రిల్ మరియు సరికొత్త ఇన్స్ట్రుమెంట్ క్లస్టర్తో కూడిన కొత్త డ్యాష్బోర్డ్ వంటివి ఉన్నాయి. అంతే కాకుండా డ్రైవర్ ప్లస్ టూ ఫ్రంట్ సీటింగ్ సెటప్, హైట్ అడ్జస్టబుల్ డ్రైవర్ సీట్, టర్న్ సేఫ్ లైట్ వంటివి కూడా ఉన్నాయి.
మహీంద్రా పికప్ ట్రక్కులోని ఇంజిన్ విషయానికి వస్తే, ఇందులో 2.5-లీటర్ m2Di యూనిట్ ఉంటుంది. ఇది 65 బిహెచ్పి పవర్ మరియు 195 ఎన్ఎమ్ టార్క్ అందిస్తుంది. ఇది ఒక లీటరుకు 17.2 కిమీ మైలేజ్ అందిస్తుంది. కంపెనీ ఇప్పుడు దీనిపైన మహీంద్రా 20,000 కిలోమీటర్ల సుదీర్ఘ సేవా విరామంతో 3 సంవత్సరాల/1,00,000 కిమీ వారంటీని కూడా అందిస్తోంది.
ఇక సస్పెన్షన్ విషయానికి వస్తే, దీని ముందు మరియు వెనుక భాగంలో లీఫ్ స్ప్రింగ్లు ఉంటాయి. కావున ఇవి మంచి ప్రయాణ అనుభూతిని అందిస్తాయి. ఈ కొత్త పికప్ ట్రక్కు అన్ని విధాలా అనుకూలంగా ఉండేలా ఇప్పుడు ఆధునిక డిజైన్ మరియు టెక్నాజీలతో విడుదల హేయడం జరిగింది.
మహీంద్రా యొక్క బొలెరో మ్యాక్స్ పిక్-అప్ సిటీ 3000 విడుదలసమయంలో కంపెనీ ఆటోమోటివ్ డివిజన్ ప్రెసిడెంట్ 'విజయ్ నక్రా' మాట్లాడుతూ.. కస్టమర్ల జీవితాన్ని సానుకూలంగా ప్రభావితం చేయడానికి, వారు మరింత సంపాదించడానికి మరియు అభివృద్ధి చెందడానికి మేము నిరంతరం కృషి చేస్తూనే ఉన్నాము. ఇందులో భాగంగానే ఈ పికప్ ట్రక్కు తీసుకురావడం జరిగిందన్నారు. ఇది తన విభాగంలో తప్పకుండా తన సామర్థ్యాన్ని నిరూపించుకుంటుందన్నారు.
అదే సమయంలో మహీంద్రా ఆటోమోటివ్ టెక్నాలజీ అండ్ ప్రోడక్ట్ డెవలప్మెంట్ ప్రెసిడెంట్ 'ఆర్. వేలుసామి' మాట్లాడుతూ.. మార్కెట్లో ప్రస్తుతం పికప్ ట్రక్కులకు మంచి డిమాండ్ ఉంది. ఈ సమయంలో కంపెనీ లాంఛ్ చేసిన బొలెరో మ్యాక్స్ పిక్-అప్ సిటీ 3000 తప్పకుండా దాని ప్రత్యర్థులను ఎదుర్కొని కస్టమర్లను ఆకర్శించడం విజయం పొందుతుందని ఆశిస్తున్నట్లు తెలిపారు.
డ్రైవ్స్పార్క్ అభిప్రాయం:
మహీంద్రా కంపెనీ ఇటీవల తన 'జీతో ప్లస్ సిఎన్జి చార్సౌ' విడుదల చేసింది. ఇప్పుడు 'బొలెరో మ్యాక్స్ పిక్-అప్ సిటీ 3000' విడుదల చేసింది. వాణిజ్య రంగంలో ప్రజలకు ఉపయోగకరంగా ఉండటానికి కంపెనీ నిరంతరం కృషి చేస్తూనే ఉంది. అంతే కాకుండా కంపెనీ యొక్క వాహనాలకు మార్కెట్లో మంచి ఆదరణ ఉంది, కావున ఈ కొత్త మహీంద్రా వెహికల్స్ మంచి అమ్మకాలు పొందుతాయని ఆశిస్తున్నాము.