Just In
- 20 min ago 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- 1 hr ago 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- 2 hrs ago కూతురికి రూ.2 కోట్ల కారు గిఫ్ట్ ఇచ్చిన తండ్రి.. ఫిదా చేస్తున్న వీడియో
- 2 hrs ago కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
Don't Miss
- News టీడీపీ గెలుపు కష్టమే.. ఎంపీ అభ్యర్థి అభ్యర్థి లావు కృష్ణ దేవరాయలు షాకింగ్ కామెంట్స్
- Technology ఫిజికల్ బటన్ లు లేకుండా రానున్న iPhone 16 ! డిజైన్ వివరాలు లీక్
- Finance ITC: ఐటీసీ ఇన్వెస్టర్లకు శుభవార్త.. !
- Sports చరిత్ర సృష్టించిన అక్షర్ & పంత్ క్రేజీ రికార్డు
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Movies Brahmamudi April 25th episode: కావ్యకు సవతి వచ్చినా ఫర్వాలేదా?.. నీవు నా మొగుడిని తగులుకుంటావా? అనామిక
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టొయోట కస్టమర్లకు అప్పుడే పండుగ వచ్చేసింది.. హైరైడర్ డెలివరీలు మొదలయ్యాయ్
భారతీయ మార్కెట్లో అత్యంత ప్రజాదరణ పొందిన జపనీస్ ఆటోమొబైల్ దిగ్గజం 'టొయోట' (Toyota) దేశీయ విఫణిలో ఒక కొత్త హైబ్రిడ్ కారుని విడుదల చేసిన విషయం తెలిసిందే. అయితే కంపెనీ ఇటీవల అన్ని వేరియంట్ల ధరలను అధికారికంగా వెల్లడించింది. అంతకంటే ముందే ఈ కొత్త హైబ్రిడ్ కారు కోసం బుకింగ్స్ స్వీకరించడం కూడా ప్రారంభించింది. కాగా ఇప్పుడు డెలివరీలు కూడా ప్రారంభించింది. దీని గురించి మరిన్ని వివరాలు ఇక్కడ తెలుసుకుందాం.
టొయోట కంపెనీ విడుదల చేసిన కొత్త 'అర్బన్ క్రూయిజర్ హైరైడర్' (Urban Cruiser Hyryder) డెలివరీలు ఈ నవరాత్రుల సమయంలో విజయదశమి కంటే ముందే ప్రారభమయ్యాయి. దీనికి సంబంధించిన ఫోటోలు కూడా సోషల్ మీడియాలో వెల్లడయ్యాయి.
దేశీయ మార్కెట్లో టొయోట హైరైడర్ ధరలు రూ. 10.48 లక్షల (ఎక్స్-షోరూమ్) నుంచి రూ. 18.99 లక్షల (ఎక్స్-షోరూమ్) వరకు ఉన్నాయి. ఇప్పటికే కంపెనీ ఈ SUV కోసం బుకింగ్స్ స్వీకరించడం ప్రారంభించింది. కావున కొనుగోలుదారులు ముందస్తుగా రూ. 25,000 చేసుకోవచ్చు.
కొత్త టొయోట 7 మోనోటోన్ కలర్స్, 4 డ్యూయెల్ టోన్ కలర్స్ లో అందుబాటులో ఉంటుంది. కావున ఇది మొత్తం 11 కలర్ ఆప్సన్స్ లో అందుబాటులో ఉంటుంది. ఇది డిజైన్ పరంగా కూడా చాలా ఆధునికంగా ఉంటుంది. కావున ఇందులో సన్నని డబుల్-లేయర్ డేటైమ్ రన్నింగ్ లైట్లు ప్రత్యేకంగా కనిపిస్తాయి. డోర్స్ మీద హైబ్రిడ్ బ్యాడ్జ్ వంటి వాటిని చూడవచ్చు. వెనుక వైపు సి-ఆకారంలో ఉండే టెయిల్ లైట్స్ ఉన్నాయి.
టయోటా అర్బన్ క్రూయిజర్ హైరైడర్ ఇప్పుడు పరిమాణం పరంగా కూడా వాహన వినియోగదారులకు చాలా అనుకూలంగా ఉంటుంది. కావున ఇది 4365 మిమీ పొడవు, 1795 మిమీ వెడల్పు, 1645 మిమీ ఎత్తు మరియు 2600 మిమీ వీల్ బేస్ ఉంటుంది. దీని వల్ల క్యాబిన్ విశాలంగా ఉంటుంది, సుదూర ప్రయాణాలకు కూడా ఇది చాలా కంఫర్ట్ గా ఉంటుంది.
ఇక ఇంటీరియర్ ఫీచర్స్ విషయానికి వస్తే, ఇందులో 9-ఇంచెస్ టచ్స్క్రీన్ ఇన్ఫోటైన్మెంట్ సిస్టమ్ ఉంటుంది. ఇది ఆండ్రాయిడ్ ఆటో మరియు యాపిల్ కార్ప్లే వంటి వాటికి సపోర్ట్ చేస్తుంది. డ్యాష్బోర్డ్లో 7-ఇంచెస్ డిజిటల్ డ్రైవర్ డిస్ప్లే కూడా ఉంది. అంతే కాకుండా ఇందులో హెడ్-అప్ డిస్ప్లే, సన్రూఫ్, వెంటిలేటెడ్ ఫ్రంట్ సీట్లు, ఎలక్ట్రికల్లీ అడ్జస్టబుల్ డ్రైవర్ సీటు, వైర్లెస్ ఫోన్ ఛార్జింగ్, స్లైడింగ్ ఫ్రంట్ ఆర్మ్రెస్ట్, రిమోట్ ఇగ్నిషన్ ఆన్/ఆఫ్, రిమోట్ ఏసీ కంట్రోల్, డోర్ లాక్/అన్లాక్, స్టోలెన్ వెహికల్ ట్రాకర్ మరియు ఇమ్మొబిలైజర్ వంటి ఫీచర్స్ కూడా అందుబాటులో ఉన్నాయి.
హైరైడర్ SUV లోని సేఫ్టీ ఫీచర్స్ విషయానికి వస్తే, ఇందులో ఆరు ఎయిర్బ్యాగ్లు, ఏబీఎస్ విత్ ఈబిడి, వెహికల్ స్టెబిలిటీ కంట్రోల్, హిల్ డిసెంట్ కంట్రోల్, హిల్ హోల్డ్ కంట్రోల్, అన్ని చక్రాలపై డిస్క్ బ్రేక్లు, వెనుక ప్రయాణీకుల కోసం 3-పాయింట్ సీట్ బెల్ట్లు మరియు టైర్ ప్రెజర్ మానిటరింగ్ సిస్టమ్ వంటివి కూడా అందుబాటులో ఉన్నాయి. ఇవన్నీ కూడా వాహన వినియోగదారుల యొక్క భద్రతను నిర్థారిస్తాయి.
టయోటా అర్బన్ క్రూయిజర్ హైరైడర్ స్ట్రాంగ్ హైబ్రిడ్ టెక్నాలజీని పొందిన మొదటి మిడ్-సైజ్ SUV. ఇది టొయోటా యొక్క 1.5-లీటర్ TNGA అట్కిన్సన్ సైకిల్ ఇంజన్ను పొందుతుంది. ఇది 92 హెచ్పి పవర్ మరియు 122 న్యూటన్ మీటర్ టార్క్ ఉత్పత్తి చేస్తుంది. అంతే కాకుండా ఇందులో 79 హెచ్పి పవర్ మరియు 141 న్యూటన్ మీటర్ టార్క్ ఉత్పత్తి చేసే ఎలక్ట్రిక్ మోటారుతో జత చేయబడి ఉంటుంది.
హైరైడర్ మారుతి సుజుకి నుండి మైల్డ్-హైబ్రిడ్ పవర్ట్రైన్ను కూడా పొందుతుంది. కావున ఇందులో 1.5-లీటర్ K15C ఇంజిన్ కూడా ఉంటుంది. ఇది 103 హెచ్పి పవర్ మరియు 137 న్యూటన్ మీటర్ టార్క్ ఉత్పత్తి చేస్తుంది. ఇది 5-స్పీడ్ మాన్యువల్ లేదా 6-స్పీడ్ టార్క్ కన్వర్టర్ ఆటోమేటిక్ గేర్బాక్స్తో జత చేయబడి ఉంటుంది.
డ్రైవ్స్పార్క్ అభిప్రాయం:
టొయోట కంపెనీ యొక్క హైరైడర్ డెలివరీలు ఎట్టకేలకు ప్రారంభమయ్యాయి. కావున మొదట బుక్ చేసుకున్న కస్టమర్లు ఈ SUV డెలివరీలను పొందవచ్చు. అయితే రానున్న దీపావళి పండుగలోపు మరిన్ని ఎక్కువ డెలివెరీలు జరిగే అవకాశం ఉంటుందని భావిస్తున్నాము. ఇలాంటి మరిన్ని కథనాలతో పాటు కొత్త కార్లు మరియు కొత్త బైకులను గురించి ఎప్పటికప్పుడు అప్డేటెడ్ సమాచారం తెలుసుకోవడానికి తెలుగు డ్రైవ్స్పార్క్ ఛానల్ చూస్తూ ఉండండి.