కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

దేశీయ విఫణిలో అత్యంత ప్రజాదరణపొందిన వాహన తయారీ సంస్థ అయిన టయోటా (Toyota) యొక్క కొత్త 'హైలక్స్ పికప్ ట్రక్కు' ఈ నెల 20 న విడుదలవుతుంది కంపెనీ తెలిపింది. అయితే ఈ కొత్త హైలక్స్ యొక్క బుకింగ్స్ కూడా జనవరి 20 నుంచి ప్రారంభం కానున్నాయి. ఆసక్తిగల కస్టమర్లు రూ. 1 లక్ష చెల్లించి బుక్ చేసుకోవచ్చు. డెలివరీలు మార్చి నుంచి ప్రారంభమవుతాయి. అయితే విడుదలకు ముందే కంపెనీ ఈ కొత్త మోడల్ యొక్క టీజర్‌ కూడా విడుదల చేసింది. దీని గురించి మరింత సమాచారం ఇక్కడ తెలుసుకుందాం.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

టయోటా విడుదల చేసిన ఈ కొత్త టీజర్ వీడియోలో హైలక్స్ హెడ్‌లైట్‌లను రెండు వైపులా చూడవచ్చు. గ్రిల్ చుట్టూ నల్లటి నొక్కు మరియు మధ్యలో క్రోమ్ స్ట్రిప్ ఉంది. ఈ కారణంగా ఇది చాలా ఆకర్షణీయంగా కనిపిస్తుంది. కంపెనీ దాని టీజర్‌తో పాటు, రిచ్ లైఫ్ కోసం సిద్ధంగా ఉండండి అని కూడా రాసింది. మీరు దీనిని ఇక్కడ చూడవచ్చు.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

కొత్త టయోటా హైలక్స్ 5-సీటర్ వెహికల్ గా దేశీయ మార్కెట్లో అరంగేట్రం చేయనుంది. కావున ఇది సిటీ మరియు ఆఫ్-రోడ్ రెండింటిలోనూ ఉపయోగపడుతుంది. ఈ కొత్త ట్రక్కు కేవలం డీజిల్ ఇంజిన్ ఎంపికలో మాత్రమే అందుబాటులో ఉంటుంది.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

అయితే ఇది మొత్తం 5 కలర్ ఆప్సన్స్ లో అందుబటులో ఉంటుంది. అవి ఎమోషనల్ రెడ్, గ్రే మెటాలిక్, వైట్ పెరల్ సిఎస్, సిల్వర్ మెటాలిక్ మరియు సూపర్ వైట్ కలర్స్. కంపెనీ ఈ కొత్త మోడల్ కొనుగోలుపైన అద్భుతమైన వారంటీ కూడా అందిస్తుంది. ఇందులో భాగంగానే కంపెనీ దీనికి 3 సంవత్సరాలు లేదా 1 లక్ష కిమీ వారెంటీ ఇస్తుంది. అయితే ఈ వారంటీని 5 సంవత్సరాలు లేదా 2.2 లక్షల కిమీ వరకు పొడిగించే అవకాశం కూడా అందుబటులో ఉంటుంది. ఈ కొత్త ట్రక్కుకి సర్వీస్ చేసుకోవడం కూడా చాలా సులభం. ఎందుకంటే కంపెనీ దేశవ్యాప్తంగా మొత్తం 342 సర్వీస్ అవుట్‌లెట్‌లను కలిగి ఉంది.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

త్వరలో విడుదల కానున్న ఈ ట్రక్కు పూర్తిగా కొత్త సెగ్మెంట్ అని, ఇది 4x4 అడ్వెంచర్‌ను ఆస్వాదించాలనుకునే కస్టమర్‌లను లక్ష్యంగా చేసుకుంటుందని కంపెనీ తెలిపింది. కంపెనీ దీనిని భారతదేశంలోని తన సొంత ప్లాంట్‌లో తయారు చేయబోతోంది, ఇది పూర్తిగా మేడ్ ఇన్ ఇండియా ఉత్పత్తి కానుంది.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

కొత్త టయోటా హైలక్స్ IMV పై నిర్మించబడింది. ఇప్పటికే కంపెనీ టయోటా ఇన్నోవా మరియు టయోటా ఫార్చ్యూనర్‌ వంటి వాటిని నిర్మించింది. ఇది మొదట 1968 లో ప్రారంభించబడింది. ఇప్పటి వరకు దాని 8 తరాలు తీసుకురాబడ్డాయి మరియు గత 50 సంవత్సరాలలో ఇది చాలా రెట్లు మెరుగుపరచబడింది. ఇది ప్రస్తుతం ప్రపంచంలోని 180 దేశాలలో విక్రయించబడుతోంది మరియు ఇప్పటివరకు 20 మిలియన్ యూనిట్లు విక్రయించబడ్డాయి. ఇది నిజంగా కంపెనీ సాధించిన గొప్ప విజయం అనే చెప్పాలి.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

టయోటా హైలక్స్ మోడల్ టయోటా ఫార్చ్యూనర్‌లో ఉపయోగిస్తున్న అదే 2.8 లీటర్ టర్బో డీజిల్ ఇంజన్‌నే ఉపయోగించనుంది. ఈ ఇంజన్ గరిష్టంగా 204 బిహెచ్‌పి శక్తిని మరియు 500 ఎన్ఎమ్‌ల టార్క్‌ను ఉత్పత్తి చేయగలదు. ఈ ఇంజన్ ఇప్పటికే ఫార్చ్యూనర్ 4 వీల్ డ్రైవ్ సిస్టమ్‌తో అందుబాటులో ఉంది.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

టయోటా హైలక్స్ యొక్క కొలతల విషయానికి వస్తే, దీని పొడవు 5,325 మి.మీ, వెడల్పు 1,855 మి.మీ, ఎత్తు 1,865 మి.మీ మరియు వీల్‌బేస్‌ను 3,085 మి.మీ వరకు ఉంటుంది. అదే సమయంలో దీని గ్రౌండ్ క్లియరెన్స్ 216 మి.మీ ఉంటుంది. దీని బరువు 2.1 టన్నులు వరకు ఉంటుంది.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

టయోటా హైలక్స్‌ ఆధునిక డిజైన్ మరియు పరికరాలను కలిగి ఉంటుంది. ఇందులో పెద్ద మరియు హెక్సాగోనల్ ఫ్రంట్ గ్రిల్ ఇవ్వబడింది. అంతే కాకుండా దీనికి రెండు వైపులా ఎల్ఈడీ ప్రొజెక్టర్ హెడ్‌లైట్‌లు ఇవ్వబడ్డాయి. కావున ఇది చూడటానికి చాలా దూకుడుగా కనిపిస్తుంది.

ఈ కొత్త పికప్ ట్రక్కు అల్లాయ్ వీల్స్‌తో పాటు వీల్ ఆర్చ్‌ల చుట్టూ ప్లాస్టిక్ క్లాడింగ్ పొందుతుంది. దీని డిజైన్ దాదాపు ఫార్చ్యూనర్ మాదిరిగానే ఉంటుంది. ఇది వర్టికల్ టెయిల్ లైట్ మరియు డబుల్ క్యాబ్ స్టైలింగ్‌ పొందుతుంది. కంపెనీ యొక్క ఫార్చ్యూనర్ మరియు ఇన్నోవాలు ఏ ప్లాట్‌ఫారమ్‌పై నిర్మించబడ్డాయో అదే ప్లాట్‌ఫారమ్‌పై ఈ కొత్త హైలెక్స్ ట్రక్కు కూడా నిర్మించే అవకాశం ఉంటుంది.

కొత్త Toyota Hilux టీజర్ వచ్చేసింది.. ఇక లాంచ్ ఎప్పుడంటే?

ఇందులోని ఇంటీరియర్ ఫీచర్ల విషయానికి వస్తే, ఇందులో ఆపిల్ కార్‌ప్లే మరియు ఆండ్రాయిడ్ ఆటోతో కూడిన 8.0 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, ఆటోమేటిక్ క్లైమేట్ కంట్రోల్ మరియు మౌంటెడ్ కంట్రోల్‌లతో కూడిన మల్టీ ఫంక్షనల్ స్టీరింగ్ వీల్ వంటి అనేక ఫీచర్లు ఇందులో ఉండనున్నాయి. ఇది వాహన వినియోగదారులకు చాలా అనుకూలంగా ఉంటుంది అని ఖచ్చితంగా చెప్పవచ్చు.

Most Read Articles

Read more on: #టయోటా #toyota
English summary
Toyota hilux teaser released ahead of launch details
Story first published: Saturday, January 15, 2022, 13:07 [IST]
--<
-->
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X