బ్యాట్‌మ్యాన్ నిస్సాన్ జ్యూక్ నిస్మోను గెలుచుకున్న లక్కీ విజేత

Updated: Tuesday, May 28, 2013, 19:39 [IST]

ఈ బ్యాట్‌మ్యాన్ వెర్షన్ నిస్సాన్ జ్యూక్ నిస్మో కారును గుర్తుపట్టారా..? గడచిన సంవత్సరం విడుదలైన హాలీవుడ్ చిత్రం 'ది డార్క్ నైట్ రైజెస్' యొక్క డివిడి, బ్లూరే డిస్క్ విడుదల వేడుకను పురస్కరించుకొని, జపాన్‌కు చెందిన ప్రముఖ ఆటోమొబైల్ కంపెనీ నిస్సాన్ ఓ ఓ స్పెషల్ ఎడిషన్ కారును విడుదల చేసిన సంగతి తెలిసినదే.

ఈ స్పెషల్ ఎడిషన్‌ కారును సొంతం చేసుకునేందుకు 'నిస్సాన్ థ్రిల్ టెస్ట్' అనే కాంటెస్ట్‌ను నిర్వహంచింది. ఈ కాంటెస్ట్‌లో గెలిచిన విజేతకు కంపెనీ ఈ లిమిటెడ్ ఎడిషన్‌లలో ఒక కారును బహుమతిగా ఇచ్చింది. ఈ కాంటెస్ట్ గడచిన ఏడాది ఫిబ్రవరి వరకూ జరిగింది. ఇందులో వేల్స్‌కు చెందిన ఆడమ్ విలియమ్స్ ఈ లక్కీ కారును గెలుచుకున్నాడు. బ్యాట్‌మ్యాన్ నుంచి స్ఫూర్తి పొంది కంపెనీ ఈ కారును డిజైన్ చేసింది.

బ్యాట్‌మ్యాన్ థీమ్‌తో కూడిన 'డార్క్ నైట్ రైజెస్ టిఎమ్ జ్యూక్ నిస్మో' అని పిలిచే ఈ కారును 2013 జ్యూక్ నిస్మోను ఆధారంగా చేసుకొని తీర్చిదిద్దారు. ఇందులో 200 పిఎస్‌ల శక్తిని విడుదల చేసే 1.6 లీటర్ టర్బోఛార్జ్‌డ్ ఇంజన్‌ను ఉపయోగించారు. ఈ ఇంజన్ 6-స్పీడ్ మ్యాన్యువల్ ట్రాన్సిమిషన్ సిస్టమ్‌తో జతచేయబడి ఉంటుంది. డార్క్ నైట్ రైజెస్ టిఎమ్ జ్యూక్ నిస్మో కేవలం 7.8 సెకండ్ల వ్యవధిలోనే 0-100 కిలోమీటర్ల వేగాన్ని అందుకుంటుంది. స్టాండర్డ్ జ్యూక్ నిస్మోతో పోల్చుకుంటే, డార్క్ నైట్ రైజెస్ టిఎమ్ జ్యూక్ నిస్మోలో విశిష్టమైన ఫీచర్లను కలిగి ఉంటుంది.