బిఎమ్‌డబ్ల్యూ 7-సిరీస్ సిగ్నేచర్ ఎడిషన్ విడుదల; ధర రూ.1.22 కోట్లు

జర్మనీకి చెందిన ప్రముఖ లగ్జరీ కార్ల తయారీ సంస్థ బిఎమ్‌డబ్ల్యూ ఇండియా, దేశీయ విపణిలో ఈ ఏడాది ఏప్రిల్ నెలలో ప్రవేశపెట్టిన తమ సరికొత్త ఫేస్‌లిఫ్ట్ వెర్షన్ 'బిఎమ్‌డబ్ల్యూ 7-సిరీస్'లో కంపెనీ తాజాగా ఓ లిమిటెడ్ ఎడిషన్‌ను అందుబాటులోకి తీసుకువచ్చింది. బిఎమ్‌డబ్ల్యూ 7-సిరీస్ సిగ్నేచర్ ఎడిషన్ పేరిట కంపెనీ ఓ స్పెషల్ ఎడిషన్ మోడల్‌ను విడుదల చేసింది.

ఇది కూడా చదవండి: ఆడి ఏ3 లగ్జరీ కార్ టెస్ట్ డ్రైవ్ రివ్యూ

ఈ సిగ్నేచర్ ఎడిషన్ బిఎమ్‌డబ్ల్యూ 7-సిరీస్ లగ్జరీ కారును ప్రముఖ ఇండియన్ ఫ్యాషన్ డిజైనర్ సునీత్ వర్మ చేతుల మీదుగా విడుదల చేశారు. బిఎమ్‌డబ్ల్యూ ఇండియా ఈ ఏడాది నిర్వహించిన 6వ సీజన్ 'బిఎమ్‌డబ్ల్యూ ఫ్యాషన్ షో' కార్యక్రమంలో ఈ కారును విడుదల చేశారు. భారత విపణిలో బిఎమ్‌డబ్ల్యూ 7-సిరీస్ సిగ్నేచర్ ఎడిషన్ ధర రూ.1.22 కోట్లు (ఎక్స్-షోరూమ్)గా ఉంది.

ఇది కూడా చదవండి: BMW 1-సిరీస్ ఎమ్ పెర్ఫార్మెన్స్ ఎడిషన్ విడుదల

కొత్త బిఎమ్‌డబ్ల్యూ 7-సిరీస్ సిగ్నేచర్ ఎడిషన్‌లో అధనపు ఫీచర్లు డిజైన్ పరంగా కానీ లేదా ఇంజన్ పరంగా కానీ ఎలాంటి మార్పులు చేయలేదు. ఇందులో 3.0 లీటర్ స్ట్రైట్-సిక్స్ డీజిల్ ఇంజన్‌‌ను ఉపయోగించారు. ఇది ఇంపీరియల్ బ్లూ బ్రిలియంట్ ఎఫెక్ట్ మరియు మినరల్ వైట్ రెండు మెటాలిక్ కలర్స్‌లో లభిస్తుంది. దేశవ్యాప్తంగా ఉన్న బిఎమ్‌డబ్ల్యూ షోరూమ్‌లలో ఇది అందుబాటులో ఉంటుంది.