Click it and Unblock the Notifications
బిఎమ్డబ్ల్యూ ఐ8 హైబ్రిడ్ కారు డెలివరీలు ప్రారంభం
జర్మన్ లగ్జరీ కార్ కంపెనీ బిఎమ్డబ్ల్యూ ఇటీవలే అంతర్జాతీయ మార్కెట్లలో విడుదల చేసిన తమ మొట్టమొదటి హైబ్రిడ్ కారు 'బిఎమ్డబ్ల్యూ ఐ8' (BMW i8)ను గడచిన ఫిబ్రవరిలో జరిగిన 2014 ఆటో ఎక్స్పోలో తొలిసారిగాయ ఇండియాకు కూడా పరిచయం చేసిన సంగతి తెలిసినదే. బిఎమ్డబ్ల్యూ తమ ఐ8 హైబ్రిడ్ స్పోర్ట్స్ కారు డెలివరీలను జూన్ నుంచి ప్రారంభిస్తామని ఆ సమయంలో కంపెనీ వెల్లడించింది.
కాగా.. తాజా సమాచారం ప్రకారం, బిఎమ్డబ్ల్యూ ఇప్పటికే తమ ఐ8 హైబ్రిడ్ కారు డెలివరీలను ప్రారంభించినట్లు తెలుస్తోంది. అయితే, బిఎమ్డబ్ల్యూ ఈ మోడల్ కార్లను చాలా పరిమిత సంఖ్యలో మాత్రమే ఇండియాకు కేటాయించినట్లు తెలుస్తోంది.
పెట్రోల్ మరియు ఎలక్ట్రిక్ పవర్తో నడిచే ఈ హైటెక్ స్పోర్ట్స్ కారును ధృడమైన కార్బన్ బాడీతో తయారు చేశారు. అత్యాధునిక సాంకేతిక పరిజ్ఞానం, ఆకర్షనీయమైన లుక్, సరికొత్త స్టయిల్తో డిజైన్ చేసిన ఈ ప్లగ్-ఇన్ హైబ్రిడ్ కారును తయారు చేశారు. ఈ కారుకు సంబంధించిన మరిన్ని వివరాలను తెలుసుకుందాం రండి.
మరింత సమాచారం తర్వాతి సెక్షన్లో.. మరిన్ని వివరాల కోసం ఈ ఫొటో ఫీచర్లో పరిశీలించండి..!
బిఎమ్డబ్ల్యూ ఐ8 హైబ్రిడ్ స్పోర్ట్స్ కారులో ఓ 1.5 లీటర్ టర్బో పెట్రోల్ ఇంజన్ను ఉపయోగించారు, ఇది డ్యూయెల్ క్లచ్ ట్రాన్సిమిషన్ ద్వారా రియర్ యాక్సిల్ (వెనుక చక్రాల)కు పవర్ను చేరవేస్తుంది. అలాగే, ఇందులో అమర్చిన 125 హార్స్ పవర్ ఎలక్ట్రిక్ మోటార్ ఫ్రంట్ యాక్సిల్ (ముందు చక్రాల)కు పవర్ను చేరవేస్తుంది.
బిఎమ్డబ్ల్యూ ఐ8 కారును పూర్తిగా పెట్రోల్ ఇంజన్తో కానీ లేదా పూర్తిగా ఎలక్ట్రిక్ పవర్తో కానీ లేదా రెండింటిని కలిపి ఒకేసారిగా కానీ ఉపయోగించి డ్రైవ్ చేయవచ్చు.
పెట్రోల్ ఇంజన్ మరియు ఎలక్ట్రిక్ మోటార్లు రెండూ కలిపి మొత్తం 349 హెచ్పిల శక్తిని, 550 ఎన్ఎమ్ల గరిష్ట టార్క్ను ఉత్పత్తి చేస్తాయి.
బిఎమ్డబ్ల్యూ భవిష్యత్తులో తయారు చేయనున్న అన్ని ఎలక్ట్రిక్, ప్లగ్-ఇన్ హైబ్రిడ్ కార్ల యొక్క డ్రైవ్ టెక్నాలజీ కోసం "ఈ-డ్రైవ్" (eDrive)ను ఉపయోగిస్తుంది. ఐ8లో కూడా ఇదే టెక్నాలజీని ఉపయోగించారు.
భారత్లో బిఎమ్డబ్ల్యూ ఐ8 హైబ్రిడ్ కారు చాలా పరిమిత సంఖ్యలో మాత్రమే (బహుశా 7 లేదా 8 యూనిట్లు) లభ్యం కానుంది. ఈ మోడల్ను పూర్తిగా విదేశాల్లో తయారు చేసి, ఇండియాకు దిగుమతి చేసుకోనున్నారు. ఈ నేపథ్యంలో, దీని ధర సుమారు రూ.1.5 కోట్లు ఉండొచ్చని అంచనా.
వీడియో
బిఎమ్డబ్ల్యూ ఐ8 కారు పనితీరును చూపించే వీడియోను ఈ స్లైడ్లో వీక్షించండి.
Continue with Google