మారుతి వ్యాగన్ఆర్ వర్సెస్ స్టింగ్‌రే; అసలు మ్యాటర్ ఏంటి?

ధర

వ్యాగన్ఆర్ కన్నా స్టింగ్‌రే ధర సుమారు రూ.50,000 వరకు అధనంగా ఉంది. వ్యాగన్ఆర్ ధరలు రూ.3.58 లక్షల నుంచి రూ.4.45 లక్షల రేంజ్‌లో ఉంటే, స్టింగ్‌రే ధరలు రూ.4.10 లక్షల నుంచి రూ.4.67 లక్షల రేంజ్‌లో ఉన్నాయి. (అన్ని ధరలు ఎక్స్-షోరూమ్, ఢిల్లీ).

పెర్ఫామెన్స్

వ్యాగన్ఆర్, స్టింగ్‌రే మోడళ్లలో ఇంజన్ పరంగా ఎలాంటి మార్పులు లేవు. మారుతి సుజుకి అందిస్తున్న పాపులర్ 1.0 లీటర్ కె-సిరీస్ ఇంజన్‌నే ఈ రెండు మోడళ్లలోను ఉపయోగించారు. ఈ ఇంజన్ గరిష్టంగా 67.1 బిహెచ్‌పిల శక్తిని, 90 ఎన్ఎమ్‌ల టార్క్‌ను ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ ట్రాన్సిమిషన్‌తో జతచేయబడి ఉంటుంది.

ఎక్స్టీరియర్స్

కొత్త స్టింగ్‌రే హ్యాచ్‌బ్యాక్ స్టయిలిష్ క్రోమ్ ఫినిష్డ్ గ్రిల్, అల్లాయ్ వీల్స్, కొత్త టెయిల్ ల్యాంప్స్‌తో సరికొత్త డిజైన్‌ను కలిగి ఉంటుంది. ఇంకా ఇందులో ప్రొజెక్టర్ స్టైల్ హెడ్‌ల్యాంప్స్, పెద్ద ఎయిర్ డ్యామ్, ఫాగ్‌ల్యాంప్స్ వంటి ఎక్స్టీరియర్ ఫీచర్లను స్టింగ్‌రేలో చూడొచ్చు. ఈ రెండు మోడళ్ల ఎక్స్టీరియర్‌ను పక్క ఫొటోలో పరిశీలించండి.

ఇంటీరియర్స్

స్టింగ్‌రే ఇంటీరియర్స్ విషయానికి వస్తే, ఇది పూర్తిగా నలుపు ఇంటీరియర్లను కలిగి ఉండి, లెథర్‌తో కవర్ చేయబడిన స్టీరింగ్ వీల్‌తో లభిస్తుంది. ఇందులో మరొక ప్రధాన ఆకర్షన బ్లూ-బ్లాక్ కలర్ ఇన్‌స్ట్రుమెంట్ క్లస్టర్. వ్యాగన్ఆర్ ఇంటీరియర్ విషయానికి వస్తే, ఇది డ్యూయెల్ టోన్ (బీజ్ అండ్ బ్లాక్) ఇంటీరియర్లతో లభిస్తుంది.

మరి ఈ రెండింటిలో ఏది బెస్ట్?

వ్యాగన్ఆర్, స్టింగ్‌రే కార్లలో డిజైన్ పరమైన మార్పులు తప్పితే, పెద్దగా చర్చించుకునే అంశాలేవీ లేవు. స్టయిలిష్ వెర్షన్ కోరుకునే వారికి స్టింగ్‌రే, ధర గురించి ఆలోచించే వారికి వ్యాగన్ఆర్ కార్లు చక్కటి ఆప్షన్లని చెప్పవచ్చు. ఒక్క మాటలో చెప్పాలంటే, కొత్త దుస్తుల్లో వచ్చిన పాత వ్యాగన్ఆర్ కారే ఈ స్టింగ్‌రే అనొచ్చు. మీరేమెంటారు..?