Click it and Unblock the Notifications
డాట్సన్ కాన్సెప్ట్ కార్ స్కెచ్; ఆటో ఎక్స్పోలో ఆవిష్కరణ
జపనీస్ కార్ కంపెనీ నిస్సాన్ తిరిగి తీసుకువచ్చిన తమ పురాతన కార్ బ్రాండ్ డాట్సన్ క్రింద కంపెనీ బడ్జెట్ కార్లను విక్రయించనున్న సంగతి తెలిసినదే. ఈ దిశలో భాగంగా, కంపెనీ ఇప్పటికే డాట్సన్ గో, డాట్సన్ గో ప్లస్ ఎమ్పివిలను ఆవిష్కరించిన కంపెనీ వచ్చే ఫిబ్రవరిలో జరగనున్న 2014 ఢిల్లీ ఆటో ఎక్స్పోలో మరో కొత్త కాన్సెప్ట్ను ఆవిష్కరించనున్నట్లు మేము ఇదివరకటి కథనంలో ప్రచురించడం జరిగింది.
తాజాగా, ఈ విషయాన్ని అధికారికంగా ధృవీకరిస్తూ, డాట్సన్ తమ కాన్సెప్ట్ కారు అఫీషియల్ స్కెచ్ను విడుదల చేసింది (క్రింది ఫొటోలో చూడొచ్చు). ఫిబ్రవరి 5, 2014వ తేది నుంచి ప్రారంభం కానున్న ఢిల్లీ ఆటో ఎక్స్పో 2014లో ఈ కారును పూర్తిగా ఆవిష్కరించి ప్రపంచానికి పరిచయం చేయనున్నారు.
డాట్సన్ ప్రోడక్ట్ పోర్ట్ఫోలియో విస్తరణలో భాగంగా, అధిక వృద్ధి ఉన్న మార్కెట్లను లక్ష్యంగా చేసుకొని, ప్రత్యేకించి యువ కొనుగోలుదారులను ఆకట్టుకునే విధంగా ఈ కాన్సెప్ట్ కారును తయారు చేసినట్లు కంపెనీ ఓ ప్రకటనలో పేర్కొంది.
పరిశ్రమ వర్గాల సమాచారం ప్రకారం, డాట్సన్ త్వరలో విడుదల చేయనున్న గో హ్యాచ్బ్యాక్కు దిగువన ఈ ఐ2 చిన్న కారును ప్రవేశపెట్టనున్నట్లు తెలుస్తోంది. ఈ సెగ్మెంట్లో ఇది నేరుగా మారుతి సుజుకి ఆల్టో 800 వంటి మోడళ్లకు పోటీగా నిలుస్తుంది. దీని ధర రూ.2-3 లక్షల రేంజ్లో ఉండొచ్చని అంచనా. లేటెస్ట్ అప్డేట్స్ కోసం తెలుగు డ్రైవ్స్పార్క్ను గమనిస్తూ ఉండండి.
Continue with Google