డిసి స్టయిల్ మెర్సిడెస్ బెంజ్ ఏ-క్లాస్ లగ్జరీ కార్

డిసి డిజైన్స్ ఇప్పటి వరకు కస్టమైజ్ చేసిన అనేక వాహనాలను ఫొటోల రూపంలోనే విడుదల చేసింది కానీ, వాటికి సదరు మోడిఫికేషన్లకు సంబంధించిన పూర్తి వివరాలను మాత్రం వెల్లడించలేదు.

మెర్సిడెస్ బెంజ్ ఏ-క్లాస్‌ను ఇటీవలే డిసి డిజైన్స్ కస్టమైజ్ చేసిన ఎలాంట్రా మాదిరిగా కాకుండా, మోడిఫికేషన్లను కేవలం ఎక్స్టీరియర్లకు మాత్రమే పరిమితం చేసినట్లు తెలుస్తోంది. (ఎందుకంటే, ఇంటీరియర్ ఫొటోలు విడుదల చేయలేదు కాబట్టి).

ఈ ఫోటోలో చూసినట్లుగా, మెరిసే మెర్సిడెస్ బెంజ్ ఏ-క్లాస్ పెయింట్‌ను మ్యాట్ డార్క్ కలర్ పెయింట్‌తో రీప్లేస్ చేశారు. ఈ కొత్త పెయింట్ వర్క్ వలన ఇది మరింత స్పోర్టీగా కనిపిస్తుంది.

అలాగే, ఎప్పుడు మెరుస్తూ కనిపించే మెర్సిడెస్ బెంజ్ 3-పాయింటెడ్ స్టార్ లోగో ఇక్కడ నల్లగా కనిపిస్తోంది. క్రోమ్ లోగో స్థానంలో బాడీ కలర్‌కు మ్యాచ్ అయ్యేలా బ్లాక్ మ్యాట్ ఫినిష్‌తో కూడిన లోగోను ఉపయోగించారు.

మెర్సిడెస్ బెంజ్ ఏ-క్లాస్ ఫ్రంట్ గ్రిల్‌ను మాత్రం టచ్ చేయకుండా అలానే ఉంచారు. ఇది గ్రిల్‌పై వజ్రాలు పొదినట్లుగా అనిపిస్తుంటుంది.

లో ప్రొఫైల్ టైర్లు కలిగిన 5-స్పోక్ అల్లాయ్ వీల్స్, ఫ్రంట్ ఎయిర్ స్ప్లిట్టర్, రెడ్ కలర్‌తో హైలైట్ చేయబడిన రియర్ స్క్రాచ్ గార్డ్ ఇందులో ప్రధానంగా చెప్పుకోదగిన మోడిఫికేషన్లు.

ఏ-క్లాస్ కారును విభిన్నంగా, విశిష్టంగా, స్టయిలిష్‌గా, స్పోర్టీగా, మరింత లగ్జరీగా మార్చుకోవాలనుకునే వారు డిసి డిజైన్స్‌ను ఆశ్రయించవచ్చు.

రెడ్ కలర్‌తో హైలైట్ చేయబడిన రియర్ స్క్రాచ్ గార్డ్ ఈ కారుకు వెనుక వైపు నుంచి మరింత స్పోర్టీ లుక్‌నిస్తుంది.

మెర్సిడెస్ బెంజ్ ఏ-క్లాస్ విషయానికి వస్తే, భారత మార్కెట్లో పెట్రోల్ వెర్షన్ ధర రూ.21.73 లక్షలు, డీజిల్ వెర్షన్ ధర రూ.22.73 లక్షలు (రెండు ధరలు, ఎక్స్-షోరూమ్)గా ఉన్నాయి.