డిసి డిజైన్స్ నుంచి కస్టమైజ్డ్ హ్యుందాయ్ ఐ20 హ్యాచ్‌బ్యాక్

డిసి డిజైన్స్ ఇదివరకటి వెర్షన్ హ్యుందాయ్ ఐ20 (ఐ-జెన్ ఐ20 మోడల్ కాదు)ను తీసుకొని, దాని ఎక్స్టీరియర్స్‌ను వైట్ అండ్ రెడ్ థీమ్‌తోను, ఇంటీరియర్స్‌ను బ్లాక్ అండ్ రెడ్ థీమ్‌తోను కస్టమైజ్ చేశారు.

ముందు వైపు డిసి డిజైన్ స్టయిల్‌తో కూడిన కొత్త మెష్ గ్రిల్‌ను, డిసి యాంబ్లంను జోడించారు. ఈ గ్రిల్ చుట్టూ రెడ్ కలర్ సరౌండింగ్ ఉంటుంది.

అలాగే హెడ్‌ల్యాంప్స్‌కు దిగువన ఫాగ్‌ల్యాంప్ హౌసింగ్, గ్రిల్ అండ్ బంపర్ స్పాయిలర్ లిప్, సైడ్ స్కర్ట్స్‌ను రెడ్ కలర్ ప్లాస్టిక్‌తో డిజైన్ చేశారు.

వెనుక వైపు కూడా బంపర్‌లో రెడ్ కలర్ ఇన్‌సెర్ట్, దానిపై క్రోమ్ సైలెన్సర్ పైప్స్ (పనిచేయనివి, రెగ్యులర్ సైలెన్సర్ కారు క్రింది భాగంలోనే ఉంటుంది) ప్రత్యేకంగా ఉంటాయి.

ఇంటీరియర్స్‌లో కూడా ఇదే తరహా డ్యూయెల్ టోన్ కలర్ థీమ్ ఉంటుంది. అయితే, ఇందులో ఎక్స్టీరియర్స్ మాదిరి వైట్ రెండ్ కాకుండా, బ్లాక్ రెడ్ కాంబినేషన్‌ను ఉపయోగించారు.

ఈ స్టాండర్డ్ ప్యాకేజ్‌లో కేవలం ఎక్స్టీరియర్ విజువల్ చేంజెస్ మాత్రమే లభిస్తాయి. ఇంటీరియర్ మోడిఫికేషన్స్ అధనంగా ఉంటాయి.

ఇదివరకటి డిసి డిజైన్ మోడిఫైడ్ వాహనాల్లో చూసిన విధంగా ఈ డిసి ఐ20 ఇంటీరియర్స్ కూడా ఉంటాయి. ఇందులో రెడ్ లెథర్‌ను ఉపయోగించారు.

బ్లాక్ అండ్ రెడ్ డ్యాష్‌బోర్డ్, రెడ్ సీట్ కవర్స్, రెడ్ అప్‌హోలెస్ట్రీ.. ఇలా మొత్తమ్మీద కారు ఇంటీరియర్‌లో ఎక్కువ భాగం రెడ్ కలర్ వర్క్ కనిపిస్తుంది.

ఇంటీరియర్ మోడిఫికేషన్‌లో కొత్తగా ఎలాంటి అదనపు పరికరాలు కానీ లేదా ప్రస్తుతం ఉన్న వాటికి అప్‌గ్రేడ్స్ కాని లభించవు. మరి మీకు నచ్చిందా ఈ డిసి మోడిఫైడ్ ఐ20..?