డిసి డిజైన్స్ చేతిలో వంపులు తిరిగిన 'ఫోర్డ్ ఈకోస్పోర్ట్'

ముందుగా ఎక్స్టీరియర్ లుక్‌ని గమనిస్తే, ఫ్రంట్ బంపర్‌ని పూర్తిగా మార్చేశారు. పెద్ద హనీకోంబ్ గ్రిల్, దానికి దిగువన చిన్న ఎయిర్ ఇన్‌టేక్ డ్యామ్, ప్రొజెక్టర్ హెడ్ ల్యాంప్స్, కొత్త సైడ్ మిర్రర్స్ ఇందులో ప్రధాన ఆకర్షణగా నిలుస్తాయి. ఫోర్డ్ లోగో స్థానంలో డిసి లోగో కనిపిస్తుంది.

ఈ కస్టమైజ్డ్ డిసి ఈకోస్పోర్ట్‌లో ప్రధానంగా చెప్పుకోవాల్సిన మరొక హైలైట్ ఫీచర్ ఎంటంటే ఎల్ఈడి డేటైమ్ రన్నింగ్ లైట్స్. హెడ్‌ల్యాంప్స్‌కు ఎగువ భాగంలో ఉండే ఈ ఎల్‌ఈడి డేటైమ్ రన్నింగ్ లైట్లలోనే టర్న్ ఇండికేటర్ లైట్లు కూడా ఉండటం విశేషం.

రెగ్యులర్ 5-సీటర్ ఫోర్డ్ ఈకోస్పోర్ట్‌ను డిసి డిజైన్స్ కంఫర్టబల్ 4-సీటర్ (2 + 2)గా మార్చేశారు. ముందు వరుసలో రెండు కెప్టెన్ సీట్లు, వెనుక సీట్లు, వెనుక వరుసలో రెండు కెప్టెన్ సీట్లను అమర్చారు. వీటన్నింటినీ యాంత్రికంగా (ఎలక్ట్రికల్లీ అడ్జస్టబల్ సీట్స్) సర్దుబాటు చేసుకోవచ్చు.

ముందు సీట్లను వేరు చేస్తూ సెంటర్ కన్సోల్ ఉన్నట్లుగానే, వెనుక వరుసలో సీట్లలో కూడా సెంటర్ కన్సోల్ ఉంటుంది. వెనుక సీట్లను అడ్జస్ట్ చేసుకునేందుకు సెంటర్ కన్సోల్‌కే స్విచ్‌లు అమర్చబడి ఉంటాయి.

వెనుక సీట్లలో కూర్చునే ప్రయాణికులకు సైతం ఎయిర్ కండిషనింగ్ వచ్చేలా ఫ్రంట్ సెంటర్ కన్సోల్‌పై రియర్ ఏసి వెంట్‌ను అమర్చారు. ఇంటీరియర్స్‌ను ఎక్కువ భాగం బీజ్ కలర్‌తో బ్లాక్ కలర్ కాంబినేషన్‌తో కస్టమైజ్ చేశారు.

వెనుక సీట్లో కూర్చునే ప్యాసింజర్ల వినోదం కోసం రెండు పెద్ద ఎల్‌సిడి స్క్రీన్లను అమర్చారు. కారు పైభాగాన్ని కూడా కస్టమైజ్ చేశారు. ఇందులో ఇంటీరియర్ లైటింగ్ (మూడ్ లైటింగ్) హైలైట్‌గా నిలుస్తుంది.

ఫోర్డ్ ఈకోస్పోర్ట్ కస్టమైజేషన్ ప్యాకేజ్ గురించి డిసి డిజైన్స్ ఇంకా ఎలాంటి వివరాలు వెల్లడించలేదు. ఇందుకు సంబంధించిన పూర్తి వివరాలను మీ సమీపంలో డిసి డిజైన్ అవుట్‌లెట్‌ను సందర్శించి కానీ లేదా ఫోన్ ద్వారా కానీ తెలుసుకోవచ్చు.

డిసి డిజైన్స్ కస్టమైజ్డ్ ఫోర్డ్ ఈకోస్పోర్ట్ రియర్ సెంటర్ కన్సోల్ మరియు ఎలక్ట్రానిక్ కంట్రోల్ స్విచ్‌లు.

ఈ కస్టమైజ్డ్ ఫోర్డ్ ఈకోస్పోర్ట్ ఎస్‌యూవీలోని హెడ్‌రెస్ట్ లను కూడా యాంత్రికంగా కంట్రోల్ చేసుకోవచ్చని తెలుస్తోంది. ముందు సీట్లను వెనుకకు వంచుకున్నట్లుగానే వెనుక సీట్లను కొంత కోణం వరకు వెనక్కు వంచుకోవచ్చు.