60 రోజుల్లో ఫియట్ అవెంచురా క్రాసోవర్ విడుదల

ఇటీవలే సరికొత్త 2014 పుంటో ఇవో హ్యాచ్‌బ్యాక్‌ను విడుదల చేసిన ఫియట్ ఇండియా, మరో 60 రోజుల తర్వాత వేరొక కొత్త కారును విడుదల చేసేందుకు సిద్ధమవుతోంది. ఈ ఏడాది ఫిబ్రవరి నెలలో గ్రేటర్ నోయిడాలో జరిగిన 2014 ఆటో ఎక్స్‌పోలో ఫియట్ ఆవిష్కరించిన తమ సరికొత్త క్రాసోవర్ 'ఫియట్ అవెంచూరా' (Fiat Avventura) అక్టోబర్ 2014 నాటికి భారత మార్కెట్లో విడుదల కానుంది.

ఇది కూడా చదవండి: ఫియట్ పుంటో ఇవో విడుదల; ధరలు

వాస్తవానికి ఫియట్ పుంటో ఇవో హ్యాచ్‌బ్యాక్‌కి హైలీ మోడిఫైడ్ వెర్షనే ఈ ఫియట్ అవెంచురా క్రాసోవర్ (టొయోటా ఎతియోస్, ఎతియోస్ క్రాస్ మోడళ్ల మాదిరిగా). ఫియట్ పుంటో ప్లాట్‌ఫామ్‌పై తయారైన క్రాసోవర్ ఇది. రెగ్యులర్ పుంటో ఇవోకు, అవెంచురాకు మధ్య వ్యత్యాసాన్ని చూపించేందుకు గాను ఇందులో అనేక మార్పులు చేర్పులు చేశారు.

ఇది కూడా చదవండి: ఫియట్ పుంటో ఇవో టెస్ట్ డ్రైవ్ రివ్యూ

ఆఫ్-రోడింగ్‌కు అనువుగా ఉండేలా ఫియట్ అవెంచురా గ్రౌండ్ క్లియరెన్స్‌ను పెంచారు. దీని వెనుక డిజైన్‌ను గమనిస్తే, ఈకోస్పోర్ట్ మాదిరిగా ఉండే బూట్ డోర్ మౌంటెడ్ స్పేర్ వీల్, టెయిల్ ల్యాంప్స్, రియర్ బంపర్, స్ప్లిట్ సైలెన్సర్ వంటి డిజైన్ ఫీచర్లున్నాయి. దీని ఇంటీరియర్స్ కూడా మరింత మోడ్రన్‌గా ఉండనున్నాయి. ఈ కారుకు సంబంధించిన లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూ ఉండండి.