నాలుగో త్రైమాసికంలో రానున్న కాంపాక్ట్ అంబాసిడర్

ఫొటో: రిస్ ఆక్స్‌‌ఫర్డ్

ఇతర భారతీయ కార్ కంపెనీల మాదిరిగానే హిందుస్థాన్ మోటార్స్ కూడా సబ్-ఫోర్ మీటర్ కాంపాక్ట్ కార్ సెగ్మెంట్లోని అవకాశాలను దక్కించుకునేందుకు ప్రయత్నిస్తోంది. ఉత్తమ్ బోస్ తెలిపిన దాని ప్రకారం, కాంపాక్ట్ అంబాసిడర్ బూట్ స్పేస్‌ను తగ్గించనున్నామని అయితే, ఇది హ్యాచ్‌బ్యాక్ మాత్రం కాదని తెలిపారు. బహుశా ఇది కాంపాక్ట్ సెడాన్ అయి ఉండొచ్చని తెలుస్తోంది.

ఫొటో: డిసి డిజైన్స్ అంబాసిడర్ కారు

ప్రస్తుతం హిందూస్థాన్ మోటార్స్ దేశీయ విపణిలో అందిస్తున్న రెగ్యులర్ వెర్షన్ అంబాసిడర్ ప్లాట్‌ఫామ్‌ను ఆధారంగా చేసుకొని మార్కెట్లో రానున్న ఈ కాంపాక్ట్ అంబాసిడర్ పొడవును 4 మీటర్ల కన్నా తక్కువగా ఉండేలా డిజైన్ చేయటం ద్వారా ఎక్సైజ్ సుంకపు రాయితీలను పొంది సరసమైన ధరకే ఈ కారును అందించాలని కంపెనీ యోచిస్తోంది.

ఫొటో: కలకత్తాలో అంబాసిడర్ టాక్సీ

ఈ కాంపాక్ట్ అంబాసిడర్ కారుకు సంబంధించిన పేరు, విడుదల తేది వివరాలను మాత్రం ఆయన వెల్లడించలేదు. వెరిటో, వెరిటో వైబ్ పేర్ల మాదిరిగానే అంబాసిడర్ కాంపాక్ట్ కారు పేరు కూడా, అంబాసిండర్ తర్వాత మరొక పేరు కలయికతో ఉండనుంది.

కొత్త ఫీచర్లు, మోడ్రన్ లుక్

బోస్ తెలిపిన సమాచారం ప్రకారం, ప్రస్తుత తరం కార్లలో లభిస్తున్న అనేక అధునాత ఫీచర్లను ఈ కాంపాక్ట్ అంబాసిడర్ కారులోను చూడొచ్చట. దీని లుక్ కూడా మోడ్రన్‌గానే ఉంటుందని ఆయన అన్నారు. దీన్నిబట్టి చూస్తుంటే, యువతను టార్గెట్‌గా చేసుకొని ఈ కారును విడుదల చేయనున్నట్లు తెలుస్తోంది.

ఫొటో: డిసి డిజైన్స్ అంబాసిడర్

గ్రామీణ, పట్టణ ప్రాంతాల్లో అంబాసిడర్ ఓ విఐపి కారు లాంటిది. ఈ మార్కెట్లలో ప్రస్తుతం అవకాశాలు మెండుగా ఉన్నాయని, ఈ నేపథ్యంలో ప్రధానంగా సదరు మార్కెట్లలోని కస్టమర్లను లక్ష్యంగా చేసుకొని ఈ కారును ఉండబోతుందని చెప్పారు.