Click it and Unblock the Notifications
2338 బ్రయో, అమేజ్, సిఆర్-వి కార్లను రీకాల్ చేసిన హోండా
ఎయిర్బ్యాగ్ సమస్య కారణంగా హోండా కార్స్ ఇండియా లిమిటెడ్ (హెచ్సిఐఎల్) కూడా 2338 కార్లను రీకాల్ చేసింది. డ్రైవర్ సైడ్ ఎయిర్బ్యాగ్ ఇన్ఫ్లేటర్లోని ఓ భాగాన్ని రీప్లేస్ చేసేందుకు బ్రయో, అమేజ్, సిఆర్-వి కార్లను రీకాల్ చేస్తున్నట్లు కంపెనీ ఓ ప్రకటనలో పేర్కొంది.
ఈ కార్లన్నీ కూడా సెప్టెంబర్ 2011 నుంచి జులై 2014 మధ్య కాలంలో ఉత్పత్తి అయినవని కంపెనీ తెలిపింది. రీకాల్ చేసిన మొత్తం కార్లలో 1040 యూనిట్ల హోండా బ్రయో, 1235 యూనిట్ల హోండా అమేజ్, 63 యూనిట్ల హోండా సిఆర్-వి కార్లున్నట్లు కంపెనీ వివరించింది.
ఎయిర్బ్యాగ్ ఇన్ఫ్లేటర్లో బఫ్ఫెల్ ప్లేట్ను సరిగ్గా అమర్చారో లేదో చెక్ చేసేందుకు ప్రపంచ వ్యాప్తంగా హోండా జారీ చేసిన రీకాల్లో భాగంగానే, ఇండియాలో కూడా రీకాల్ను ప్రకటించినట్లు హోండా కార్స్ ఇండియా విడుదల చేసిన ఓ ప్రకటనలో పేర్కొంది.
ఈ రీకాల్కు సంబంధించిన కస్టమర్లు సంప్రదించే ప్రక్రియ ప్రారంభించామని, తమ డీలర్షిప్ ప్రతినిధులు కస్టమర్లను సంప్రదించి, ఈ రీకాల్ గురించి తెలియజేస్తారని, అధీకృత హోండా డీలర్షిప్ కేంద్రానికి తీసుకువచ్చే కార్లలో ఈ లోపాని తనిఖీ చేసి, ఉచితంగా స్పేర్ను రీప్లేస్ చేస్తామని కంపెనీ తెలిపింది.
ఒకవేళ మీరు పైన తెలిపిన హోండా కార్లను ఉపయోగిస్తున్నట్లయితే, మీ కారు కూడా ఈ రీకాల్కు వర్తిస్తుందో లేదో తెలుసుకోవాలంటే, హోండా కార్స్ ఇండియా అధికారిక వెబ్సైట్ (www.hondacarindia.com)ను సందర్శించి, తమ వాహనానికి చెందిన 17 అక్షరాలు-అంకెలతో కూడిన వెహికల్ ఐడెంటిఫికేషన్ (విఐఎన్) నెంబరును (ఛాస్సిస్ నెంబర్) నమోదు చేసి తెలుసుకోవచ్చు.
ఈ సమస్య వలన ఇప్పటి వరకు ఎలాంటి ప్రమాదం జరగలేదని, ముందస్తు జాగ్రత్తలో భాగంగానే ఈ రీకాల్ను ప్రకటించామని హోండా తెలిపింది. ఈ ఎయిర్బ్యాగ్ ఇన్ఫ్లేటర్లో బఫ్ఫెల్ ప్లేట్ను సరిగ్గా అమర్చకపోయినట్లయితే, యాక్సిడెంట్ సమయంలో ఎయిర్బ్యాగ్ విచ్చుకొన్నప్పుడు అందులో గాలి పీడనం ఎక్కువై కంటైనర్ డ్యామేజ్ అయ్యే ప్రమాదం ఉంది.
Continue with Google