హ్యుందాయ్ ఎలైట్ ఐ20 విడుదల: ధర రూ.4.89 లక్షలు

By Ravi

Published: Monday, August 11, 2014, 14:15 [IST]

భారతదేశపు ద్వితీయ అగ్రగామి ప్యాసింజర్ కార్ల తయారీ కంపెనీ హ్యుందాయ్ మోటార్ ఇండియా, దేశీయ విపణిలో ఆఫర్ చేస్తున్న ఐ20 ప్రీమియం హ్యాచ్‌బ్యాక్‌లో కంపెనీ ఓ సరికొత్త అప్‌గ్రేడెడ్ వెర్షన్‌ను నేడు (ఆగస్ట్ 11, 2014) మార్కెట్లో విడుదల చేసింది.

'హ్యుందాయ్ ఎలైట్ ఐ20' (Hyundai Elite i20) పేరుతో విడుదలైన ఈ స్టయిలిష్ ప్రీమియం హ్యాచ్‌బ్యాక్ ప్రారంభ ధర కేవలం రూ.4.89 లక్షలు మాత్రమే (బేస్ పెట్రోల్ వేరియంట్ ధర, ఎక్స్-షోరూమ్, ఢిల్లీ). హ్యుందాయ్ ఎలైట్ ఐ20 మొత్తం 8 వేరియంట్లలో (4 పెట్రోల్, 4 డీజిల్) లభిస్తుంది.

ఈ కారును ఫ్లూయిడిక్ స్కల్ప్చర్ 2.0 డిజైన్ ఫిలాసఫీ ఆధారంగా డిజన్ చేశారు. జర్మనీలోని రుస్సెల్స్‌హీమ్‌లో హ్యుందాయ్ డిజైన్ సెంటర్ యూరప్ వద్ద ఈ కారును డిజైన్ చేశారు. దీని ఇంజన్ ఆప్షన్స్, ధరలు, వేరియంట్లు, మైలేజ్ తదితర వివరాలను ఈ కథనంలో తెలుసుకోండి.

మరింత సమాచారం తర్వాతి సెక్షన్‌లో.. మరిన్ని వివరాలను ఈ ఫొటో ఫీచర్‌లో పరిశీలించండి..!

తర్వాతి స్లైడ్‌లలో హ్యుందాయ్ ఎలైట్ ఐ20 ఇంజన్ ఆప్షన్ల్, మైలేజ్, ధరలు తదితర వివరాలను తెలుసుకోండి.

పెట్రోల్ ఇంజన్

పెట్రోల్ వెర్షన్ ఎలైట్ ఐ20లో 1.2 లీటర్ పెట్రోల్ ఇంజన్‌ను ఉపయోగించారు. ఈ ఇంజన్ గరిష్టంగా 83 పిఎస్‌ల శక్తిని, 11.7 కెజిఎమ్‌ల టార్క్‌ను ఉత్పత్తి చేస్తుంది. ఇది 5-స్పీడ్ మ్యాన్యువల్ ట్రాన్సిమిషన్‌తో లభిస్తుంది.

డీజిల్ ఇంజన్

డీజిల్ వెర్షన్ ఎలైట్ ఐ20లో 1.4 లీటర్ డీజిల్ ఇంజన్‌ను ఉపయోగించారు. ఈ ఇంజన్ గరిష్టంగా 90 పిఎస్‌ల శక్తిని, 22.4 కెజిఎమ్‌ల టార్క్‌ను ఉత్పత్తి చేస్తుంది. ఇది 6-స్పీడ్ మ్యాన్యువల్ ట్రాన్సిమిషన్‌తో లభిస్తుంది.