హ్యుందాయ్ నుంచి మరింత శక్తివంతమైన ఇయాన్ కార్

కొరియన్ కార్ కంపెనీ హ్యుందాయ్ అందిస్తున్న ఎంట్రీ లెవల్ స్మాల్ కార్ 'ఇయాన్'లో ఓ పవర్‌ఫుల్ వేరియంట్‌ను విడుదల చేసేందుకు కంపెనీ సన్నాహాలు చేస్తోంది. ఇందులో భాగంగా, కొత్త ఇయాన్ మరింత పెద్దదైన, శక్తివంతమైన ఇంజన్‌ను ఈ చిన్న కారులో ఉపయోగించనున్నారు.

యూరోపియన్ స్పెసిఫిక్ హ్యుందాయ్ ఐ10 కారులో ఆఫర్ చేస్తున్న 1.0 లీటర్ (1000సీసీ), 3-సిలిండర్ పెట్రోల్ తరహా ఇంజన్‌ను ఈ కొత్త పవర్‌ఫుల్ ఇయాన్‌లో ఉపయోగించనున్నారు. యూరోపియన్ వెర్షన్ 1.0 లీటర్ ఇంజన్ గరిష్టంగా 65 బిహెచ్‌పిల శక్తిని 95 ఎన్ఎమ్‌ల టార్క్‌ను ఉత్పత్తి చేస్తుంది. కానీ ఇండియన్ వెర్షన్ కొంచెం తక్కువ పవర్‌ను ఉత్పత్తి చేస్తూ, ఎక్కువ మైలేజ్‌ని ఆఫర్ చేసే అవకాశం ఉంది.

కొత్త పవర్‌ఫుల్ ఇయాన్‌లో ఇంజన్‌తో పాటుగా డిజైన్‌లో కొద్దిపాటి మార్పులు చేర్పులు ఉండే అవకాశం ఉంది. ఈ కొత్త వేరియంట్ ఇయాన్ ఈ సెగ్మెంట్లోని ఆల్టో కె10, డాట్సన్ గో వంటి కాంపాక్ట్ కార్లతో పోటీ పడనుంది. ప్రస్తుత పోటీ వాతావరణంలో, హ్యుందాయ్ నుంచి ఈ పవర్‌ఫుల్ ఇంజన్ కలిగిన ఇయాన్ ఎంతో స్వాగతించదగినది.