హోండా సిటీకి చెక్ పెట్టేందుకు కొత్త హ్యందాయ్ వెర్నా వేరియంట్స్

హోండా జోరుకు అడ్డుకట్ట వేసేందుకు హ్యుందాయ్ సన్నాహాలు ప్రారంభించింది. హోండా కార్స్ ఇండియా ఇటీవల విడుదల చేసిన సరికొత్త 2014 సిటీ సెడాన్‌కు పోటీ ఇచ్చేందుకు ఓ టాప్-ఎండ్ వేరియంట్ వెర్నా సెడాన్‌ను హ్యుందాయ్ విడుదల చేసింది.

హ్యుందాయ్ వెర్నా ఎస్ఎక్స్ (ఓ) (Hyundai Verna SX (O)) అనే కొత్త వేరియంట్‌ను హ్యుందాయ్ మోటార్ ఇండియా సైలెంట్‌గా మార్కెట్లోకి విడుదల చేసింది. ప్రొజెక్టర్ హెడ్‌ల్యాంప్స్, 16-ఇంచ్ డైమండ్-కట్ అల్లాయ్ వీల్స్, ఇల్యుమినేటెడ్ పవర్ విండో స్విచెస్, సేఫ్టీ ఎస్కార్ట్ హెడ్‌ల్యాంప్స్ వంటి ఫీచర్లతో ఈ కొత్త వెర్నా ఎక్స్ (ఆప్షనల్) వేరియంట్ లభ్యం కానుంది.

మరోవైపు హోండా సిటీ డీజిల్ వెర్షన్లకు పోటీగా, హ్యుందాయ్ తమ వెర్నాలో సిఎక్స్ (CX) అనే కొత్త వేరియంట్‌ను మరికొద్ది రోజుల్లో విడుదల చేసేందుకు సన్నాహాలు చేస్తున్నట్లు సమాచారం. హ్యుందాయ్ వెర్నా సిఎక్స్ వేరియంట్లో 1.4 లీటర్ డీజిల్ ఇంజన్‌ను ఉపయోగించనున్నారు. ఈ వేరియంట్‌ను ప్రస్తుత కంపెనీ విక్రయిస్తున్న ఈఎక్స్, ఎస్ఎక్స్ వేరియంట్లలో ప్రవేశపెట్టనున్నారు.