Click it and Unblock the Notifications
హ్యుందాయ్ వెర్నా ఫేస్లిఫ్ట్ ఇండియాకు వస్తోంది!
భారత మార్కెట్లో ఇటీవలే ఎక్సెంట్ కాంపాక్ట్ సెడాన్ను విడుదల చేసిన కొరియన్ కార్ కంపెనీ హ్యుందాయ్, భవిష్యత్తులో మరిన్ని కొత్త మోడళ్లను ఇక్కడి మార్కెట్లో ప్రవేశపెట్టనుంది. ఇందులో మొదటగా.. ప్రస్తుతం కంపెనీ భారత్లో విక్రయిస్తున్న ఫ్లూయిడిక్ వెర్నా సెడాన్లో ఓ ఫేస్లిఫ్ట్ వెర్షన్ను పరిచయం చేయనుంది. వాస్తవానికి ఈ ఫేస్లిఫ్ట్ వెర్నా ఇప్పటికే రష్యన్ మార్కెట్లో విడుదలైంది.
భారత మార్కెట్లో హ్యుందాయ్ వెర్నా పేరుతో అమ్ముడుపోతున్న ఈ సెడాన్ రష్యా మార్కెట్లో హ్యుందాయ్ సోలారిస్ పేరుతో విక్రయిస్తున్నారు. త్వరలో ఇండియాకు రానున్న నెక్స్ట్ జనరేషన్ హ్యుందాయ్ వెర్నా సెడాన్ను ఫ్లూయిడిక్ స్కల్ప్చర్ 2.0 డిజైన్ ఫిలాసఫీని ఆధారంగా చేసుకొని అభివృద్ధి చేశారు. ఈ ఫేస్లిఫ్ట్ వెర్షన్ వెర్నాలోని ఫ్రంట్ డిజైన్లోనే అనేక మార్పులు చేర్పులు ఉన్నాయి.
ప్రధానంగా.. రీడిజైన్డ్ హెడ్ల్యాంప్, రీస్టయిల్డ్ ఫాగ్ ల్యాంప్స్, డేటైమ్ రన్నింగ్ లైట్స్, ట్విన్ హారిజాంటల్ క్రోమ్ గ్రిల్, సన్నటి మరియు వెడల్పాటి ఎయిర్ ఇన్టేక్ డ్యామ్ వంటి మార్పులను ఇందులో చూడొచ్చు. అలాగే హెడ్లైట్స్ చుట్టూ ఉండే స్టయిలిష్ బాడీ లైన్స్ కూడా ఇందులో కొత్తగా డిజైన్ చేశారు. వెనుక వైపు డిజైన్లో మార్పులు మాత్రం చాలా పరిమితంగా ఉన్నాయి.
ఇందులో ప్రధానంగా, ఎల్ఈడి లైట్లతో తయారు చేయబడిన బ్రేక్ ల్యాంప్స్, వెనుక బంపర్కు దిగువ భాగంలో అమర్చబడిన రిఫ్లెక్టర్స్, బూట్ డోర్పై క్రోమ్ గార్నిష్, బంపర్ క్రింది భాగంలో బ్లాక్ కలర్ ప్లాస్టిక్ వంటి మార్పులను ఇందులో చూడొచ్చు. ఇకపోతే, కొత్త 2014 హ్యుందాయ్ వెర్నా సెడాన్ ఇంటీరియర్లలో చెప్పుకోదగిన ప్రధాన మార్పులేవీ లేవని తెలుస్తోంది.
ఇంజన్స్ పరంగా కూడా కొత్త వెర్నాలో ఎలాంటి మార్పులు లేవు. రష్యన్ మార్కెట్లో ఇది 1.4 లీటర్ పెట్రోల్, 1.6 లీటర్ పెట్రోల్ ఇంజన్ ఆప్షన్లలో లభిస్తుంది. అక్కడి మార్కెట్లో 1.6 లీటర్ పెట్రోల్ వెర్షన్ మ్యాన్యువల్ మరియు ఆటోమేటిక్ గేర్బాక్స్తో లభిస్తుంది.
రష్యాలో కొత్త 2014 హ్యుందాయ్ సొలారిస్ (వెర్నా) ప్రారంభ ధర 4,73,900 రూబెల్స్గా ఉంది. అంటే, మనదేశ కరెన్సీలో దీని విలువ సుమారు రూ.8 లక్షలు. సరికొత్త 2014 హోండా సిటీ సెడాన్ రాక ముందు వరకు బెస్ట్ సెల్లింగ్ ఫుల్ సైజ్ సెడాన్ ఉన్న హ్యుందాయ్ వెర్నా, సిటీ రాకతో దీని అమ్మకాలు భారీగా తగ్గిపోయాయి. ఈ నేపథ్యంలో, వెర్నాకు పూర్వ వైభవాన్ని కల్పించేందుకు కంపెనీ ఈ ఫేస్లిఫ్ట్ మోడల్ను వీలైనంత త్వరగా భారత మార్కెట్లో విడుదల చేసే అవకాశం ఉంది.
Continue with Google