ఇండియాకు రానున్న కాంక్వెస్ట్ ఎవేడ్ ఎస్‌యూవీ విడుదల

టొరంటోకు చెందిన కాంక్వెస్ట్ వెహికల్స్ గడచిన ఆగస్ట్ నెలలో మార్కెట్లో ఓ సరికొత్త పవర్‌ఫుల్ ఎస్‌యూవీని విడుదల చేస్తామని ప్రకటించిన సంగతి తెలిసినదే. ఈ నేపథ్యంలో, దేశీయ విపణిలో విడుదల చేయనున్న ఇండియన్ వెర్షన్ 'ఎవేడ్' (Evade) ఎస్‌యూవీని టొరంటోలో కాంక్వెస్ట్ విడుదల చేసింది. కంపెనీ త్వరోలోనే ఈ ఎస్‌యూవీలను భారత మార్కెట్‌కు దిగుమతి చేసుకొని ఇక్కడి మార్కెట్లో విక్రయించనుంది.

కాంక్వెస్ట్ వెహికల్స్ సాధారణంగా విఐపిలు, పారామిలటరీ బలగాల కోసం సాయుధాలతో కూడిన వాహనాలను తయారు చేస్తుంది. అయితే, ఈ కంపెనీ తొలిసారిగా సాధారణ ప్రజల వినియోగార్థం తయారు చేసిన కవచాలు లేని (అన్ఆర్మోర్డ్) 'కాంక్వెస్ట్ ఎవేడ్'ను తయారు చేసింది. ఇందులో ఆర్మోర్డ్ ఎస్‌యూవీని 'నైట్ ఎక్స్‌వి' (Knight XV) అనే పేరుతో కంపెనీ విక్రయిస్తోంది. భారత మార్కెట్లో కాంక్వెస్ట్ ఎవేడ్ ఎస్‌యూవీ ప్రారంభ ధర జస్ట్ రూ.8.5 కోట్లు (ఎక్స్-షోరూమ్) మాత్రమే.

కాంక్వెస్ట్ ఎవేడ్ సుమారు 400 ఘనపు అడుగుల ఇంటీరియర్ స్పేస్‌ను కలిగి ఉండి విశాలమైన రూమ్, విలాసవంతమైన అనుభూతిని అందిస్తుంది. ఇది 6.8 లీటర్ వి10 పెట్రోల్, 6.7 లీటర్ వి8 టర్బో డీజిల్ ఇంజన్ ఆప్షన్లతో 4x4 వీల్ డ్రైవ్‌తో లభిస్తుంది. సరికొత్త బాడీ స్టయిల్, కొత్త హెడ్‌లైట్స్, సన్నటి ఫెండర్ గార్డ్స్, రీడిజైన్ చేయబడిన గ్రిల్, హుడ్ స్కూప్, విడెల్పాటి వెనుక డోర్, సన్‌రూఫ్ వంటి మార్పులను ఇందులో గమనించవచ్చు. దీని బరువును తగ్గించేందుకు గానూ ఎక్స్టీరియర్లను తక్కువ బరువు కలిగిన అల్యూమినియం మెటీరియల్స్‌తో తయారు చేశారు.

ఇక ఇంటీరియర్స్ విషయానికి వస్తే, ఇది 2-2 లీమో స్టయిల్ సీటింగ్‌ను కలిగి ఉండి, స్ట్రెచ్ చేయడానికి వీలుగా ఉంచాయి. ల్యాప్‌టాప్ ట్రేలు, పెద్ద టెలివిజన్ వంటి ఎంటర్‌టైన్‌మెంట్ వ్యవస్థలను చూడొచ్చు. మిలటరీ వాహనాల నుంచి స్ఫూర్తి పొంది దీని ఇంటీరియర్స్‌ను డిజైన్ చేశారు. డ్రైవర్, ప్యాసింజర్ కోసం వేర్వేరు టచ్‌స్క్రీన్ ఇన్ఫోటైన్‌మెంట్ సిస్టమ్స్, జాయ్‌స్టిక్ ద్వారా కంట్రోల్ చేయబడే సెర్చ్‌లైట్స్, ఎఫ్ఎల్ఐఆర్ నైట్ విజన్ కెమెరాలు వంటి అనేత అత్యాధునిక ఫీచర్లు కాంక్వెస్ట్ ఎవేడ్ సొంతం.

ఫోర్డ్ ఎఫ్-550 ఛాసిస్స్‌పై ఈ ఎస్‌యూవీని రూపొందించారు. దీని మొత్తం బరువు 7 టన్నులు. ఇందులోని ఇంటీరియర్లను వినియోగదారుల అభిరుచులకు అనుగుణంగా మలచుకోవచ్చు. భారత మార్కెట్లో ఢిల్లీకు చెందిన మాగ్నస్ కార్స్ కాంక్వెస్ట్ ఎవేడ్ ఎస్‌యూవీని అధికారికంగా దిగుమతి చేసుకొని విక్రయించనుంది.

More from DriveSpark

View More

• 
  కార్ల ప్రపంచంలో మహా విప్లవం..పోటీ పడి చిన్న,పెద్ద ఫ్యామిలీల కోసం కొత్త ఎస్యూవీలను తెస్తున్న నిస్సాన్, రెనాల్ట్
• 
  ప్రపంచాన్ని శాసించబోతున్న ఎంజీ మోటార్స్.. ప్రత్యర్థులకు నిద్రలేకుండా చేస్తున్న '5-5-5' ప్లాన్
• 
  నంబర్ వన్ స్టానం నుంచి 10వ ప్లేస్‎కు.. ఐదుగురు కూర్చున్నా ఇంకా చోటు ఉన్నా..ఈ కారును కొనే నాథుడే లేడు
• 
  గరీబోళ్ల బండి.. లీటర్‌తో 90 కి.మీ మైలేజ్! కష్టం చేసే చేతులకు తోడు నిలుస్తుంది!
• 
  పేదలు సైతం ఈ కారును కొనగలరు.. ఒకేసారి 6 మంది వెళ్లొచ్చు, 26 కి.మీ మైలేజ్! చాలా మంది కొంటున్నారు
• 
  33 కిమీ మైలేజీ.. 6 ఎయిర్‌బ్యాగ్‌ల సేఫ్టీ.. రూ.5 లక్షల లోపు అదిరిపోయే టాప్ 5 కార్లు ఇవే
• 
  ఒక్కసారిగా కుప్పకూలిన కారు అమ్మకాలు.. 8 మంది కూర్చోవచ్చు, పైగా 23 కి.మీ మైలేజ్!
• 
  నాలుగున్నర లక్షలకే కారు.. పెట్రోల్, CNG, EV మూడు ఆప్షన్‌లు.. చిన్న ఫ్యామిలీకి చింత లేని కారు
• 
  రూ.50 వేలలోనే EV స్కూటర్.. కి.మీకు ఒక్క రూపాయి! ఫ్యామిలీ కోసం బెస్ట్ స్కూటర్లు