గుడ్‌వుడ్ ఫెస్టివల్ ఆఫ్ స్పీడ్‌లో సిన్ ఆర్1 స్పోర్ట్స్ కారు

ఇంజన్

సిన్ ఆర్1 స్పోర్ట్స్ కారులో 6.2 లీటర్ వి8 ఇంజన్‌ను ఉపయోగించారు. ఇది గరిష్టంగా 525 పిఎస్‌ల శక్తిని ఉత్పత్తి చేస్తుంది. ఈ ఇంజన్ గ్రాజియానో 6-స్పీడ్ మ్యాన్యువల్ గేర్‌బాక్సుతో కనెక్ట్ చేయబడి ఉంటుంది.

లైట్ వెయిట్ నిర్మాణం

సిన్ ఆర్1 స్పోర్ట్స్ కారు బరువును తక్కువగా ఉంచేందుకు గాను దీని బాడీ నిర్మాణంలో ఎక్కువ భాగం కార్బన్ ఫైబర్ పదార్థాన్ని ఉపయోగించారు. దీని మొత్తం బరువు 1200 కేజీలు.

రియర్ వీల్ డ్రైవ్

సిన్ ఆర్1లోని ఇంజన్ కారు మధ్యభాగంలో ఉంటుంది. ఇంజన్ నుంచి ఉత్పత్తి అయ్యే శక్తి వెనుక చక్రాలకు పంపించబడుతుంది (రియర్ వీల్ డ్రైవ్).

పెర్ఫామెన్స్

సిన్ ఆర్1 స్పోర్ట్స్ కేవలం 3.0 సెకండ్ల కన్నా తక్కువ సమయంలోనే 0-100 కిలోమీటర్ల వేగాన్ని అందుకుంటుంది. దీని గరిష్ట వేగం గంటకు 320 కిలోమీటర్లు.

బ్రేకింగ్ సిస్టమ్

ఈ కారులో ఏపి రేసింగ్ బ్రేక్ సిస్టమ్‌ను అమర్చారు. (ముందు వెనుక రేసింగ్ కాలిపర్స్ కోసం 362 మి.మీ. డిస్క్ బ్రేక్స్).

మరికొన్ని ఫీచర్లు

టైటన్ స్టీరింగ్ ర్యాక్, 19-ఇంచ్ అల్లాయ్ వీల్స్, 265/35 ఫ్రంట్ టైర్, 325/30 రియర్ టైర్ వంటివి మరికొన్ని చెప్పుకోదగిన ఫీచర్లు. దీని ధరను కంపెనీ ఇంకా వెల్లడించలేదు.