కొయినిగ్‌సెగ్ వన్:1 - ప్రపంచంలో కెల్లా అత్యంత వేగవంతమైన కార్

కొయినిగ్‌సెగ్ అగెరా సూపర్‌కారులో ఉపయోగించిన ఇంజన్‌నే (5.0 లీటర్ వి8 టర్బో ఇంజన్) ఈ కొత్త వన్:1 సూపర్‌కారులోను ఉపయోగించారు. అయితే, ఈ ఇంజన్‌ను అప్‌ట్యూన్ చేశారు.

కొయినిగ్‌సెగ్ తమ వన్:1 కారును ప్రపంచంలో కెల్లా తొలి ప్రొడక్షన్ 'మెగావాట్' కారుగా పిలుస్తోంది. ఇందుకు కారణందా, ఇది 1000 కిలోవాట్ల (1340 హార్స్ పవర్) శక్తిని ఉత్పత్తి చేయటమే.

కొయినిగ్‌సెగ్ వన్:1 యాక్టివ్ ఏరో (పెద్దా హైడ్రాలిక్ రియర్ వింగ్‌తో కలిపి) డైనమిక్స్‌ను కలిగి ఉండి ఫెరారీ లాఫెరారీ, మెక్‌‌లారెన్ పి1 కన్నా ఎన్నో రెట్లు మెరుగైన ట్రాక్ పెర్ఫార్మెన్స్‌ను ఆఫర్ చేస్తుంది. ఈ కారు గంటకు 257 కి.మీ. వేగం వద్ద 600 కేజీల డౌన్‌ఫోర్స్‌ను జనరేట్ చేస్తుంది.

కొయినిగ్‌సెగ్ వన్:1 గరిష్ట వేగం గంటకు 273 మైళ్లు (అంటే గంటకు 440 కిలోమీటర్లు). ఇది అధికారికంగా రికార్డు అయితే, ప్రపంచంలో కెల్లా అత్యంత వేగంగా పరుగులు తీసే ప్రొడక్షన్ వెర్షన్ కారుగా కొయినిగ్‌సెగ్ వన్:1 రికార్డు సృష్టిస్తుంది. ప్రస్తుతం ఈ రికార్డును బుగాటి వేరాన్ సూపర్ స్పోర్ట్ కలిగి ఉంది.

మెర్సిడెస్ బెంజ్ ఎస్-క్లాస్ మాదిరిగా కొయినిగ్‌సెగ్ వన్:1 కూడా యాక్టివ్ క్యాబిన్‌ను కలిగి ఉంటుంది. ఇందులో సస్పెన్షన్ సర్దుబాటు చేసుకోవచ్చు. ఇందులో కార్బన్ ఫైబర్ స్పోర్ట్ సీట్లు కూడా మెమరీ ఫోమ్‌ను కలిగి ఉంటాయి.

కేవలం ఆరు కొయినిగ్‌సెగ్ వన్:1 కార్లను మాత్రమే ఉత్పత్తి చేయనున్నారు మరియు దీని ధర 20 లక్షల డాలర్లు ఉండొచ్చని అంచనా.