మహీంద్రా జైలో డి2 మ్యాక్స్ 9 సీటర్ వేరియంట్ విడుదల

ప్రముఖ దేశీయ యుటిలిటీ వాహన దిగ్గజం మహీంద్రా అండ్ మహీంద్రా అందిస్తున్న బహుళ ప్రయోజన వాహనం (మల్టీ పర్సస్ వెహికల్) జైలో (Xylo)లో కంపెనీ ఓ సరికొత్త వేరియంట్‌ను మార్కెట్లోకి ప్రవేశపెట్టింది. 9 మంది ప్రయాణికులు (డ్రైవర్‌తో కలిపి) కూర్చొని ప్రయాణించేలా తయారు చేసిన 9-సీటర్ వెర్షన్ 'మహీంద్రా జైలో డి2 మ్యాక్స్' (Mahindra Xylo D2 MAXX)ను కంపెనీ విడుదల చేసింది.

మహీంద్రా జైలో డి2 మ్యాక్స్ ఎమ్‍‌పివి ధరను రూ.7.12 లక్షలు (బిఎస్‌3 వెర్షన్, ఎక్స్-షోరూమ్ ముంబై)గా నిర్ణయించామని కంపెనీ తెలిపింది. ఈ 9-సీటర్ ఎమ్‌పిని ప్రధానంగా టూర్ అండ్ ట్రావెల్ ఆపరేటర్స్, ప్యాసింజర్ మూవ్‌మెంట్ కోసం అభివృద్ధి చేశామని, ఇందులో సైడ్ ఫేసింగ్ రియర్ సీట్స్ (వెనుక వరుసలో ఎదురెదురుగా ఉండే సీట్లు) ఉంటాయని కంపెనీ వివరించింది.