మారుతి సుజుకి సెలెరియో ధర తగ్గింపు

భారత ప్రభుత్వం ఇటీవలే ప్రవేశపెట్టిన మధ్యంతర బడ్జెట్‌లో కాంపాక్ట్ కార్లపై ఎక్సైజ్ సుంకాన్ని 12 శాతం నుంచి 8 శాతానికి తగ్గిస్తున్నట్లు ప్రకటించిన నేపథ్యంలో, దాదాపు అన్ని కార్ల తయారీ కంపెనీలు తమ ఉత్పత్తులను తగ్గించేందుకు సిద్ధమవుతున్నాయి. తాజాగా దేశపు అగ్రగామి కార్ల తయారీ కంపెనీ మారుతి సుజుకి ఇండియా కూడా ఈ జాబితాలోకి చేరిపోయింది.

కంపెనీ ఇటీవలే విడుదల చేసిన సెలెరియో కారు మొదలుకొని దాదాపు అన్ని మోడళ్ల ధరలను తగ్గిస్తున్నట్లు కంపెనీ ప్రకటించింది. తాజా తగ్గింపు తర్వాత మారుతి సుజుకి సెలెరియో బేస్ వేరియంట్ కేవలం రూ.3.76 లక్షలకే లభ్యమవుతోంది (ఇదివరకు ఈ వేరియంట్ ధర రూ.3.90 లక్షలుగా ఉండేది).

ధరల సవరణ అనంతరం వివిధ మోడళ్ల ధరల శ్రేణి క్రింది విధంగా ఉంది:
* మారుతి స్విఫ్ట్ - రూ.4.42 లక్షల నుంచి రూ.6.70 లక్షలు
* మారుతి స్విఫ్ట్ డిజైర్ - రూ.4.85 లక్షల నుంచి రూ.7.82 లక్షలు
* మారుతి ఆల్టో 800 - రూ.2.72 లక్షల నుంచి రూ.3.52 లక్షలు
* మారుతి ఆల్టో కె10 - రూ.3.15 లక్షల నుంచి రూ.3.31 లక్షలు
* మారుతి వ్యాగన్ఆర్ - రూ.3.48 లక్షల నుంచి రూ.4.37 లక్షలు
* మారుతి రిట్జ్ - రూ.4.23 లక్షల నుంచి రూ.6.15 లక్షలు
* మారుతి ఎర్టిగా - రూ.5.80 లక్షల నుంచి రూ.7.50 లక్షలు
(అన్ని ధరలు ఎక్స్-షోరూమ్)