మారుతి సుజుకి కార్లపై రూ.90,000 వరకు డిస్కౌంట్స్

దేశపు అగ్రగామి ప్యాసింజర్ కార్ల తయారీ సంస్థ మారుతి సుజుకి ఇండియా, ఆర్థిక మందగమనం కారణంగా తగ్గుముఖం పట్టిన అమ్మకాలను పెంచుకునేందుకు తమ ఉత్పత్తులపై భారీ తగ్గింపులను, వివిధ ప్రోత్సాహకాలను అందిస్తోంది. ఎంపిక చేసిన మోడళ్లపై మారుతి సుజుకి సుమారు రూ.90,000 వరకు తగ్గింపులను ఆఫర్ చేస్తోంది.

ఆల్టో, రిట్జ్, వ్యాగన్ఆర్, స్టింగ్‌రే, ఎస్ఎక్స్4 మరియు ఎర్టిగా మోడళ్లపై మారుతి సుజుకి భారీ తగ్గింపులను అందిస్తోంది. మారుతి సుజుకినే కాకుండా, ఇతర కార్ కంపెనీలు కూడా తగ్గుముఖం పట్టిన అమ్మకాలను పెంచుకునేందుకు తమ ఉత్పత్తులపై తగ్గింపులను అందిస్తున్నాయి. కాగా.. మారుతి సుజుకి అందిస్తున్న డిస్కౌంట్లకు అదనంగా కంపెనీ ఎక్సేంజ్ ఆఫర్, కార్పోరేట్ డిస్కౌంట్‌ను అందిస్తోంది.