మారుతి సుజుకి స్విఫ్ట్ విండ్‌సాంగ్ లిమిటెడ్ ఎడిషన్ విడుదల

ఈ కొత్త లిమిటెడ్ ఎడిషన్ మారుతి సుజుకి స్విఫ్ట్ విండ్‌సాంగ్ కారు ఏ, బి పిల్లర్స్ బ్లాక్ కలర్‌లో పెయింట్ చేశారు. ఫ్రంట్ బానెట్‌పై నుంచి రియర్ బంపర్ వరకూ రెండు బ్లాక్ కలర్ స్ట్రైప్స్ ఉంటాయి. కారు సైడ్స్‌పై ట్రైకలర్ స్ట్రైప్స్, మ్యూజికల్ సింబల్స్ ఉంటాయి.

స్టయిలిష్ ఇంటీరియర్స్

ఈ లిమిటెడ్ ఎడిషన్ స్విఫ్ట్ విండ్‌సాంగ్ కారులో స్టయిలిష్ ఇంటీరియర్స్‌ను ఆఫర్ చేస్తున్నారు. బ్లాక్ కలర్ సీట్స్‌పై బ్రైట్ యల్లో కలర్ స్ట్రైప్స్ కారు ఇంటీరియర్‌కి మరింత స్పోర్టీ లుక్‌నిస్తాయి.

సోనీ టచ్‌స్క్రీన్ సిస్టమ్

ఈ కారులో సోనీ బ్రాండ్ టచ్‌స్క్రీన్ ఇన్ఫోటైన్‌మెంట్‌ను ఆఫర్ చేస్తున్నారు. బ్లూటూత్, ఆక్స్-ఇన్, యూఎస్‌బి, ఐఫోన్, ఐప్యాడ్ కనెక్టివిటీలను ఇది సపోర్ట్ చేస్తుంది.

ట్రెండీ సీట్ కవర్స్

ఇదివరకు చెప్పుకున్నట్లుగా ఈ కారులోని సీట్ కవర్స్ కారుకు ప్రత్యేక ఆకర్షణగా నిలుస్తాయి. ఎక్స్టీరియర్ థీమ్‌కి మ్యాచ్ అయ్యే విధంగానే ఈ సీట్ కవర్స్‌ని కూడా బ్లాక్ అండ్ యల్లో షేడ్స్‌లో డిజైన్ చేశారు.

రివర్స్ పార్కింగ్ సెన్సార్స్

మారుతి స్విఫ్ట్ విండ్‌సాంగ్ మోడల్‌లో ఫ్యాక్టరీ ఫిట్టెడ్ రివర్స్ పార్కింగ్ సిస్టమ్ లభిస్తుంది. సులువుగా పార్క్ చేసేందుకు, రివర్స్ చేసేందుకు ఈ సెన్సార్లు చక్కగా ఉపయోగపడుతాయి.

రియర్ స్పాయిలర్

స్విఫ్ట్ విండ్‌సాంగ్ లిమిటెడ్ ఎడిషన్ వెనుక భాగంలో కంపెనీ స్పాయిలర్‌ను ఆఫర్ చేస్తోంది. ఇది స్పోర్టీ లుక్‌ని ఇవ్వడమే కాకుండా ఇందులోని హై-మౌంట్ బ్రేక్ ల్యాంప్ మంచి సేఫ్టీని అందిస్తుంది.

మ్యాజికల్ థీమ్ గ్రాఫిక్స్

మారుతి స్విఫ్ట్ విండ్‌సాంగ్ లిమిటెడ్ ఎడిషన్ సైడ్స్‌పై మ్యూజికల్ థీమ్‌తో కూడిన గ్రాఫిక్స్ ఉంటుంది. అక్కడక్కడా నోట్స్ కూడా ఉంటాయి. ఫ్రంట్ డోరుపై విండ్‌సాంగ్ డీకాల్ ఉంటుంది.

ఇల్యుమినేటెడ్ డోర్ సిల్ గార్డ్స్

స్విఫ్ట్ లిమిటెడ్ ఎడిషన్‌ను ప్రత్యేకంగా ఉంచేందుకు ఇందులో సైడ్ డోర్ సిల్ గార్డ్స్‌ను ప్రకాశించే విధంగా డిజైన్ చేశారు. ఇవి బ్లూ కలర్‌లో ప్రకాశిస్తూ, ఇంటీరియర్‌కు మరింత ప్రీమియం లుక్‌ని తెచ్చి పెడుతాయి.

ఇంటీరియర్ లైటింగ్

కారులో ఇంటీరియర్ లుక్ అండ్ ఫీల్‌ని మార్చేందుకు ఇందులో బ్లూ యాంబీంట్ లైటింగ్ సిస్టమ్ ఉంటుంది. ఈ లైటింగ్ సిస్టమ్ కారు ఇంటీరియర్‌కి మరింత అందాన్ని తెచ్చి పెడుతుంది.

డిజైనర్ ఫ్లోర్ మ్యాట్స్

స్విఫ్ట్ విండ్‌సాంగ్ కోసం కంపెనీ ప్రత్యేకంగా డిజైన్ చేసిన డిజైనర్ ఫ్లోర్ మ్యాట్స్‌ని ఆఫర్ చేస్తోంది.

ధరలు

* స్విఫ్ట్ విండ్‌సాంగ్ విఎక్స్ఐ - రూ.5.15 లక్షలు

* స్విఫ్ట్ విండ్‌సాంగ్ విడిఐ - రూ.6.10 లక్షలు

(అన్ని ధరలు ఎక్స్-షోరూమ్, ఢిల్లీ)