Click it and Unblock the Notifications
ఆటో ఎక్స్పో: మారుతి స్విఫ్ట్ వోల్ట్ ఆవిష్కరణ
రెగ్యులర్ మారుతి స్విఫ్ట్ను చూసి బోర్ కొట్టేసిందా..? అయితే, ఈ సరికొత్త స్విఫ్ట్ను చూడండి. దీని పేరు 'మారుతి స్విఫ్ట్ వోల్ట్'. రెగ్యులర్ స్విఫ్ట్ను హెవీగా మోడిఫై చేసి, అప్గ్రేడ్ చేసిన మోడల్ ఇది.
ప్రస్తుతం గ్రేటర్ నోయిడాలో జరుగుతున్న 2014 ఢిల్లీ ఆటో ఎక్స్పోలో మారుతి సుజుకి ఈ సరికొత్త స్విఫ్ట్ వోల్ట్ హ్యాచ్బ్యాక్ కారును ప్రదర్శనకు ఉంచింది.
రెగ్యులర్ మారుతి సుజుకి స్విఫ్ట్ హ్యాచ్బ్యాక్ను ఎన్ని రకాలుగా కస్టమైజ్ చేసుకోవచ్చునో తెలిపేందుకే మారుతి సుజుకి ఈ కారును తయారు చేసింది. మరి ఈ స్టన్నింగ్ స్విఫ్ట్ వోల్ట్కు సంబంధించిన మరిన్ని వివరాలను, ఫొటోలను క్రింది ఫొటో ఫీచర్లో పరిశీలించండి.
ఈ ఆటో ఎక్స్పోలో మారుతి సుజుకి స్టాల్లో ప్రదర్శించిన రెగ్యులర్ స్విఫ్ట్ ప్రయాణీకులను ఆకట్టుకుందో లేదా కానీ, ఈ మోడిఫైడ్ స్విఫ్ట్ వోల్ట్ మాత్రం వీక్షకులను కట్టిపడేసింది. మారుతి స్టాల్లో ఇది సెంటర్ ఆఫ్ అట్రాక్షన్గా నిలిచింది.
రేస్ కారును తలపించేలా మారుతి సుజుకి ఈ స్విఫ్ట్ను కస్టమైజ్ చేసింది, స్పోర్టీ స్టయిలిష్ స్పాయిలర్, సరికొత్త బంపర్, ఆకర్షనీయమైన రేస్ టైప్ బాడీ డెకాల్స్ ఇందులో ప్రత్యేక ఆకర్షణగా నిలుస్తాయి.
ఈ ఫొటోను క్షుణ్ణంగా గమనించండి. ఇందులో రియర్ వ్యూ మిర్రర్స్ లేవు. వాటి స్థానంలో కెమెరాలను రీప్లేస్ చేశారు. ఈ కెమెరాలు రియర్ వ్యూ మిర్రర్లుగా పనిచేస్తాయి. ఇవి చిత్రీకరించే వీడియో కారు లోపల ఉండే స్క్రీన్పై కనిపిస్తాయి.
మారుతి స్విఫ్ట్ వోల్ట్ రూఫ్ కలర్ను రెడ్ కలర్లోను, సి-పిల్లర్ను బ్లాక్ కలర్లోను పెయింట్ చేశారు. దీనికి తోడు వైట్ కలర్ బాడీపై బ్లాక్ గ్రాఫిక్స్ ఈ కారు మరింత అదనపు శోభను తెచ్చిపెడుతాయి.
మారుతి స్విఫ్ట్ వోల్ట్ కేవలం డిస్ప్లే మోడల్ మాత్రమే. మారుతి సుజుకి ఈ కారును ప్రత్యేకించి ఢిల్లీ ఆటో ఎక్స్పో 2014 కోసం తయారు చేసింది.
Continue with Google