మారుతి స్విఫ్ట్ వోల్ట్ కస్టమ్ కిట్ ధర రూ.2.15 లక్షలు

ఈ ఏడాది ఆటో ఎక్స్‌పోలో మారుతి సుజుకి స్టాల్‌లో ప్రదర్శించిన రెగ్యులర్ స్విఫ్ట్ ప్రయాణీకులను ఆకట్టుకుందో లేదా కానీ, ఈ మోడిఫైడ్ స్విఫ్ట్ వోల్ట్ మాత్రం వీక్షకులను కట్టిపడేసింది. మారుతి స్టాల్‌లో ఇది సెంటర్ ఆఫ్ అట్రాక్షన్‌గా నిలిచింది.

రేస్ కారును తలపించేలా మారుతి సుజుకి ఈ స్విఫ్ట్‌ను కస్టమైజ్ చేసింది, స్పోర్టీ స్టయిలిష్ స్పాయిలర్, సరికొత్త బంపర్, ఆకర్షనీయమైన రేస్ టైప్ బాడీ డెకాల్స్ ఇందులో ప్రత్యేక ఆకర్షణగా నిలుస్తాయి.

ఈ ఫొటోను క్షుణ్ణంగా గమనించండి. ఇందులో రియర్ వ్యూ మిర్రర్స్ లేవు. వాటి స్థానంలో కెమెరాలను రీప్లేస్ చేశారు. ఈ కెమెరాలు రియర్ వ్యూ మిర్రర్లుగా పనిచేస్తాయి. ఇవి చిత్రీకరించే వీడియో కారు లోపల ఉండే స్క్రీన్‌పై కనిపిస్తాయి.

మారుతి స్విఫ్ట్ వోల్ట్ రూఫ్ కలర్‌ను రెడ్ కలర్‌లోను, సి-పిల్లర్‌ను బ్లాక్ కలర్‌లోను పెయింట్ చేశారు. దీనికి తోడు వైట్ కలర్ బాడీపై బ్లాక్ గ్రాఫిక్స్ ఈ కారు మరింత అదనపు శోభను తెచ్చిపెడుతాయి.

మారుతి సుజుకి ఈ కారును ప్రత్యేకించి ఢిల్లీ ఆటో ఎక్స్‌పో 2014 కోసం తయారు చేసిన స్విఫ్ట్ వోల్ట్ కస్టమ్ కిట్‌ను ఇప్పుడు న్యూఢిల్లీలోని కస్టమర్లకు అందుబాటులోకి తీసుకువచ్చినట్లు సమాచారం.