Click it and Unblock the Notifications
మేడ్ ఇన్ ఇండియా జిఎల్-క్లాస్; ధర రూ.72.58 లక్షలు
జర్మన్ లగ్జరీ కార్ కంపెనీ మెర్సిడెస్ బెంజ్ ఇండియా, గడచిన మే నెలలో భారత మార్కెట్లో విడుదల చేసిన సరికొత్త మెర్సిడెస్ బెంజ్ జిఎల్-క్లాస్ ఎస్యూవీని ఇప్పుడు స్థానికంగా భారత్లోనే అసెంబ్లింగ్ చేస్తోంది. స్థానిక అసెంబ్లింగ్ కారణంగా ఈ ఎస్యూవీ కేవలం రూ.72.58 లక్షల (ఎక్స్-షోరూమ్) ధరకే ఇది లభ్యమవుతోంది. ఇది వరకటి ధర రూ.77.5 లక్షలు (ఎక్స్-షోరూమ్).
మెర్సిడెస్ బెంజ్ ఇండియా ఇప్పటికే భారత్లో ఈ-క్లాస్, ఎస్-క్లాస్, సి-క్లాస్, ఎమ్-క్లాస్ మోడళ్లను స్థానికంగా ఉత్పత్తి చేస్తోంది. తాజాగా జిఎల్-క్లాస్ ఉత్పత్తిని కూడా ఇండియాలోనే నిర్వహిస్తుండటంతో, ప్రస్తుతం కంపెనీ దేశీయంగా ఉత్పత్తి చేస్తున్న మోడళ్ల సంఖ్య ఐదుకు చేరింది. కాగా.. జిఎల్-క్లాస్ ఎస్యూవీని అమెరికాలోని టుస్కలూసాలో ఉన్న మెర్సిడెస్ మాతృప్లాంట్ తర్వాత స్థానికంగా ఉత్పత్తి చేస్తున్న మొదటి దేశం ఇండియా కావటం విశేషం.
మెర్సిడెస్ బెంజ్ జిల్-క్లాస్ ఎస్యూవీలో బోల్డ్ గ్రిల్, ఎస్ఎల్ క్లాస్ నుంచి స్ఫూర్తి పొందిన డేటైమ్ ఎల్ఈడి రన్నింగ్ ల్యాంప్స్, ప్రీమియం లెథర్ ఇంటీరియర్స్, వుడ్ ఫినిషింగ్ ఇంటీరియర్లు ప్రధాన ఆకర్షణగా చెప్పుకోవచ్చు. కంపెనీ అందిస్తున్న ఎమ్ఎల్ క్లాస్ మోడల్ను ఆధారంగా చేసుకొని ఈ కొత్త జిఎల్ క్లాస్ను అభివృద్ధి చేశారు. ఇదివరకటి తరం జిఎల్ క్లాస్తో పోల్చుకుంటే ఈ 2013 జిఎల్ క్లాస్ మరింత విశాలవంతంగా ఉంటుంది.
మెర్సిడెస్ బెంజ్ జిల్-క్లాస్ ఎస్యూవీలో 3.0 లీటర్ డీజిల్ ఇంజన్ను ఉపయోగించారు. ఇది గరిష్టంగా 260 పిఎస్ల శక్తిని, 620 ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ 7-స్పీడ్ ఆటోమేటిక్ ట్రాన్సిమిషన్తో జతచేయబడి ఉంటుంది. 2013 మెర్సిడెస్ బెంజ్ కేవలం 10 సెకండ్ల కన్నా తక్కువ సమయంలోనే 0-100 కిలోమీటర్ల వేగాన్ని అందుకుంటుంది.
ఇంకా ఇందులో, యాక్సిలరేటర్ స్కిడ్ కంట్రోల్, డౌన్హిల్ స్పీడ్ రెగ్యులేషన్, క్రాస్ విండ్ అసిస్ట్ (కారు పక్కగా వేరే కారు వేగంగా వెళ్లినప్పుడు మన కారును కంట్రోల్లో ఉంచే ఫీచర్)లు స్టాండర్డ్ ఫీచర్లుగా లభిస్తాయి. 9 ఎయిర్బ్యాగ్లు, 360 డిగ్రీ కెమెరా ఇందులో అధనపు ప్రత్యేకతలు. ఇది మూడు ఆకర్షనీయమైన రంగులలో (సిల్వర్, ఓబ్సాడియాన్, బ్లాక్) లభ్యమవుతుంది.
Continue with Google