మెర్సిడెస్ బెంజ్ సి-క్లాస్ గ్రాండ్ ఎడిషన్ విడుదల

జర్మన్ లగ్జరీ కార్ కంపెనీ మెర్సిడెస్ బెంజ్ ఇండియా, భారత్‌లోని తమ ఛాకన్ ప్లాంటులో నేడు 50,000వ కారును విడుదల చేసింది. అంతేకాదు, భారతదేశంలో 50,000 కార్లను ఉత్పత్తి/అసెంబ్లింగ్ చేసిన ఏకైక విదేశీ లగ్జరీ కార్ కంపెనీ కూడా మెర్సిడెస్ బెంజ్ కావటం విశేషం. ఈ సందర్భాన్ని పురస్కరించుకొని మెర్సిడెస్ బెంజ్ ఓ కొత్త సి-క్లాస్ గ్రాండ్ ఎడిషన్‌ను విడుదల చేసింది.

ప్రస్తుత జనరేషన్ సి-క్లాస్ మోడల్‌ను ఆధారంగా చేసుకొని తయారు చేసిన స్పెషల్ ఎడిషనే ఈ కొత్త సి-క్లాస్ గ్రాండ్ ఎడిషన్ (త్వరలోనే ప్రస్తుత తరం సి-క్లాస్‌ను కంపెనీ ఈ ఏడాది డెట్రాయిట్‌లో ఆవిష్కరించిన 2014 సి-క్లాస్‌తో రీప్లేస్ చేయనుంది). ఈ గ్రాండ్ ఎడిషన్ సి-క్లాస్‌లో హై-ఎండ్ మరియు ఏఎమ్‌జి ఫీచర్లను ఆఫర్ చేయనున్నారు.

మెర్సిడెస్ బెంజ్ సి-క్లాస్ గ్రాండ్ ఎడిషన్‌కు ఏఎమ్‌జి బాడీ కిట్‌ను బిగించనున్నారు. ఇందులో ఫ్రంట్ అండ్ రియర్ యాప్రాన్స్, సైడ్ సిల్ గార్డ్స్ మరియు 17-ఇంచ్ అల్లాయ్ వీల్స్ ఉంటాయి. రెగ్యులర్ సి-క్లాస్‌కు ఈ స్పెషల్ ఎడిషన్‌కు మధ్య వ్యత్యాసాన్ని చూపించేలా వెనుక వైపు గ్రాండ్ ఎడిషన్ బ్యాడ్జ్ ఉంటుంది. ఇంకా ఇందులో సైలెన్సర్‌పై క్రోమ్ టిప్, ఇంటెలిజెంట్ లైట్ సిస్టమ్ విత్ బై-జెనాన్ హెడ్‌ల్యాంప్స్ ఫీచర్లున్నాయి.

మెర్సిడెస్ బెంజ్ సి-క్లాస్ గ్రాండ్ ఎడిషన్ ఇంటీరియర్లలో ఎక్స్‌క్లూజివ్ బ్రష్డ్ అల్యూమినియం ట్రిమ్‌తో డిజైన్ చేసిన ఇంటీరియర్స్ మరియు 11.4 సెం.మీ. మల్టీ-ఫంక్షన్ కలర్ డిస్‌ప్లే, శాటిలైట్ నావిగేషన్ సిస్టమ్‌తో లభిస్తుంది. ఈ సిస్టమ్‌లో 7.9 మిలియన్ కీ పాయింట్స్‌ను (మెర్సిడెస్ బెంజ్ సర్వీస్ సెంటర్లు, రెస్టారెంట్లు మరోన్నో) లోడ్ చేయబడి ఉంటాయి. ఇందులో కొత్త పానరోమిక్ సన్‌రూఫ్‌ను అందిస్తున్నారు.

మెర్సిడెస్ బెంజ్ సి-క్లాస్ గ్రాండ్ ఎడిషన్‌లో యాంత్రికపరమైన మార్పులు లేవు. సి 220 సిడిఐ వేరియంట్లో 167 బిహెచ్‌పి పవర్, 400 ఎన్ఎమ్ టార్క్‌ను ఉత్పత్తి చేసే 2143సీసీ టర్బో-డీజిల్ ఇంజన్ మరియు సి 200 సిజిఐ వేరియంట్లో 186 బిహెచ్‌పి పవర్, 285 ఎన్ఎమ్ టార్క్‌ను ఉత్పత్తి చేసే 1796సీసీ , ఫోర్-సిలిండర్ పెట్రోల్ ఇంజన్‌ను ఉపయోగించారు.

దేశీయ మార్కెట్లో మెర్సిడెస్ బెంజ్ సి-క్లాస్ గ్రాండ్ ఎడిషన్‌ ధరలు క్రింది విధంగా ఉన్నాయి:
* సి-క్లాస్ గ్రాండ్ ఎడిషన్ సి 220 సిడిఐ - రూ.39.16 లక్షలు
* సి-క్లాస్ గ్రాండ్ ఎడిషన్ సి 200 సిజిఐ - రూ.36.81 లక్షలు
(అన్ని ధరలు ఎక్స్-షోరూమ్, పూనే)

More from DriveSpark

View More

• 
  సింగిల్ ఛార్జ్‌తో 950 కిలోమీటర్లు.. కారు లోపల టీవీ, ఫ్రిజ్..ఇది కారు కాదు రోడ్డుపై వెళ్లే బుల్లెట్ రైలు
• 
  న్యూమరాలజీ హెల్మెట్‌‌లు లాంచ్.. మీ తలపై అదృష్ట సంఖ్య ఉంటుంది! పైగా తక్కువ ధరకే అంతర్జాతీయ నాణ్యత
• 
  33 కిమీ మైలేజీ.. 6 ఎయిర్‌బ్యాగ్‌ల సేఫ్టీ.. రూ.5 లక్షల లోపు అదిరిపోయే టాప్ 5 కార్లు ఇవే
• 
  గరీబోళ్ల బండి.. లీటర్‌తో 90 కి.మీ మైలేజ్! కష్టం చేసే చేతులకు తోడు నిలుస్తుంది!
• 
  పేదలు సైతం ఈ కారును కొనగలరు.. ఒకేసారి 6 మంది వెళ్లొచ్చు, 26 కి.మీ మైలేజ్! చాలా మంది కొంటున్నారు
• 
  అతి తక్కువలో బెస్ట్ 7 సీటర్.. షోరూమ్‌కు వచ్చిన ప్రతి ఒక్కరూ ఇదే కొంటున్నారు, సేల్స్ సునామీ
• 
  ఇక బండి కొనక్కర్లేదు.. కావాల్సినన్ని రోజులు అద్దెకు తెచ్చుకోవచ్చు.. సుజుకీ సంచలన ఆఫర్
• 
  రూ.55 వేలకే లీటరుకు 80కిమీ మైలేజ్.. కాలేజీ స్టూడెంట్స్ కోసం బెస్ట్ బైక్స్ ఇవే
• 
  నాలుగున్నర లక్షలకే కారు.. పెట్రోల్, CNG, EV మూడు ఆప్షన్‌లు.. చిన్న ఫ్యామిలీకి చింత లేని కారు