మిత్సుబిషి పాజెరో స్పోర్ట్ ఆటోమేటిక్ విడుదల; ధర రూ.23.55 లక్షలు

మిత్సుబిషి ఇండియా, దేశీయ విపణిలో విక్రయిస్తున్న పాజెరో స్పోర్ట్ ప్రీమియం ఎస్‌యూవీలో కంపెనీ ఓ ఆటోమేటిక్ వేరియంట్‌ను విడుదల చేయనున్నట్లు తెలుగు డ్రైవ్‌స్పార్క్ ఇదివరకటి కథనంలో ప్రచురించిన సంగతి తెలిసినదే. కాగా.. మిత్సుబిషి ఇండియా నేడు (నవంబర్ 15, 2014) తమ కొత్త పాజెరో స్పోర్ట్ ఆటోమేటిక్ వేరియంట్‌ను మార్కెట్లో విడుదల చేసింది.

దేశీయ విపణిలో మిత్సుబిషి పాజెరో స్పోర్ట్ ఆటోమేటిక్ వేరియంట్ ధర రూ.23.55 లక్షలు (ఎక్స్-షోరూమ్, ఢిల్లీ)గా ఉంది. మిత్సుబిషి పాజెరో స్పోర్ట్ ఆటోమేటిక్ టూ-వీల్ డ్రైవ్ (4x2) ఆప్షన్‌తో లభ్యం కానుంది. ప్రస్తుతం కంపెనీ పాజెరో స్పోర్ట్ ఫోర్-వీల్ డ్రైవ్ (4x4) మ్యాన్యువల్ ట్రాన్సిమిషన్ వేరియంట్‌కు దిగువన ఈ కొత్త పాజెరో స్పోర్ట్ ఆటోమేటిక్‌ను ప్రవేశపెట్టనున్నారు.

స్టీరింగ్ వీల్‌కి క్రింది భాగంలో ఉన్న ప్యాడల్ షిఫ్టర్ల ద్వారా కూడా ఈ ఆటోమేటిక్ గేర్లను మార్చుకునే అవకాశం ఉంటుంది. ఈ కొత్త వేరియంట్ పాజెరో స్పోర్ట్‌లో ఆటోమేటిక్ క్లైమేట్ కంట్రోల్, రివర్స్ పార్కింగ్ కెమెరా, ఇన్ఫోటైన్‌మెంట్ సిస్టమ్ మొదలైన ఫీచర్లున్నాయి. ఇది ఈ సెగ్మెంట్లోని టొయోటా ఫార్చ్యూనర్, హ్యుందాయ్ శాంటాఫే వంటి ప్రీమియం మోడళ్లకు పోటీగా నిలుస్తుంది.