ఆటో ఎక్స్‌పో 2014: సరికొత్త హోండా జాజ్ ఆవిష్కరణ

ఇటీవలే ముగిసిన 2014 ఆటో ఎక్స్‌పోలో హోండా తమ సరికొత్త జాజ్ హ్యాచ్‌బ్యాక్‌ను ఆవిష్కరించింది. ఇప్పటికే జపాన్ మార్కెట్లో విడుదలై హాట్ కేకుల్లా అమ్ముడుపోతున్న ఈ ప్రీమియం హ్యాచ్‌బ్యాక్ త్వరలోనే వాణిజ్య పరంగా భారత మార్కెట్లో కూడా విడుదల కానుంది.

ఈ కొత్త తరం జాజ్‌ను భారత్‌కు తీసుకురాన్న నేపథ్యంలో, హోండా కార్స్ ఇండియా గతంలోనే పాత తరం జాజ్ అమ్మకాలను, ఉత్పత్తిని నిలిపివేసిన సంగతి తెలిసినదే. ఆ సక్తికరమైన విషయం ఏంటంటే, ఈ సరికొత్త 2014 హోండా జాజ్ పెట్రోల్ వెర్షన్‌తో పాటుగా డీజిల్ వెర్షన్‌లోను లభ్యం కానుంది.

ప్రస్తుతం హోండా అందిస్తున్న అమేజ్, సిటీ సెడాన్లలో ఉపయోగిస్తున్న 1.5 లీటర్ ఐ-డిటెక్ డీజిల్ ఇంజన్‌నే ఈ కొత్త జాజ్ హ్యాచ్‌బ్యాక్‌లోను ఉపయోగించనున్నారు. పెట్రోల్ వెర్షన్‌లో 1.2 లీటర్ ఐ-విటెక్ ఇంజన్‌ను ఉపయోగించనున్నారు. ఈ సరికొత్త హోండా జాజ్‌కు సంబంధించిన మరిన్ని వివరాలను ఈ ఫొటో ఫీచర్‌లో పరిశీలించండి.

కొత్త హోండా జాజ్ ఫ్రంట్ డిజైన్‌ను పూర్తిగా మార్చేశారు. మరింత ప్రీమియం లుక్‌నిచ్చేలా దీని ఏరోడైనమిక్స్‌ను డిజైన్ చేశారు.

ఈ 2014 హోండా జాజ్ సైడ్ డిజైన్‌లో పెద్దగా చెప్పుకోదగిన మార్పులేవీ లేవు. దీని ఆకర్షనీయమైన బాడీ లైన్స్ మంచి స్పోర్టీ, షార్ప్ లుక్‌నిస్తాయి.

కొత్త హోండా జాజ్ హ్యాచ్‌బ్యాక్ ఉత్పత్తిలో స్థానికంగా లభ్యమయ్యే భాగాలను ఉపయోగించడం వలన (లోకలైజేషన్‌) సరసమైన ధరకే ఈ మోడల్‌ను ఆఫర్ చేయాలని కంపెనీ యోచిస్తోంది.

సైడ్ మిర్రర్స్‌పై టర్న్ ఇండికేటర్స్, క్రోమ్ డోర్ హ్యాండిల్స్, అల్లాయ్ వీల్స్ వంటి అనేక ప్రీమియం ఫీచర్లతో దీనిని తయారు చేశారు.